Efesios 1:15 - Tz'utujil (Ja Cꞌacꞌa Chominem)

^15-16 Rmal cꞌa ja cꞌa xinbij kaj chewe riꞌ xajutij nmajon rmaltioxixic tre ja Dios emwal como xurkaj rbixic wqꞌuin chi ixix bien yukul ecꞌuꞌx ruqꞌuin ja kajaw Jesús in congana neꞌewajoꞌ canojel ja kachꞌalal ja re xin Dios. Ni nixnnataj wiꞌ pan oración.

Tz'utujil NT

^15-16 Rmal jxenbij kaja chewa, njunlic quenmeltioxij tzra Dios ewmal ixix com xerkaja rbixic wq'uin che ixix bien ykula ec'u'x ruq'uin Kajaw Jesús y congan nque'ewajo' conjelal je e rtnamet Dios. Ne nquixnnataj wa' chpam woración.

Efesios 1:15 Iomraidhean Croise

Hechos 20:21

Xixnpaxbaj ewanojel chi ix wach tak aj Israel chi ma ix aj Israel ta, xinbij chewe chi rjawaxic neqꞌuex ja renaꞌoj in nenimaj ja Dios in nyukeꞌ ecꞌuꞌx ruqꞌuin ja kajaw Jesucristo.

Romanos 1:8

Camic wachꞌalal nwajoꞌ nbij chewe nabey chi congana nmaltioxij tre ja nDios emwal pro nij ewanojelal. Pa rubiꞌ ja Jesucristo nmaltioxij tre rumac ja bien notakixi nat nakaj nojel chwach ja rwachꞌulew chi ixix ruqꞌuin ja Jesucristo yukul wiꞌ ecꞌuꞌx.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Efesios 1:1

Anin ja rin Pablo camic ntzꞌibajel jawaꞌ carta riꞌ chewe ixix wachꞌalal ja rixcꞌo pa Efeso. Anin incojon rmal ja Dios chi inocnak apóstol rxin ja Jesucristo. Ixix ix tinamit xin Dios, cꞌoli ja yukulbal ecꞌuꞌx ruqꞌuin ja Cristo Jesús, xa jun ebanon ruqꞌuin.

Efesios 3:18

Quirtariꞌ neban utzcꞌa chi ixix ewachbil canojel ja kachꞌalal ja re xin Dios nixcowini nechꞌob nak rbanic ja rajoben riꞌil xin Cristo chi congana nim in mta bar ta triꞌ ja maquita nekaj wiꞌ in nixtacꞌa cꞌo ta jun tiempo ja maquita cꞌoli chakajaꞌ.

1 Tesalonicenses 1:3

Ja tok nkaban orar ruqꞌuin ja katataꞌ Dios ni nurkaj wiꞌ chake nojel ja samaj ja rebanon rmal ja yukulbal ecꞌuꞌx ruqꞌuin ja Jesucristo. Bien nurkaj chake nojel ja rutzil ja rebanon rmal ja rajoben riꞌil xin Dios ja cꞌo pa tak ewanma in bien nurkaj chake chakajaꞌ nojel ja recochꞌon rmal ja congana nixquicoti chi raybexic ja kajaw Jesucristo.

1 Tesalonicenses 4:9

Camic wachꞌalal, ja tre ja newajoꞌ ewiꞌ jariꞌ ma rjawaxic chi ta nbij chewe como Dios rkꞌalasan chic chewach nak rbanic chi newajoꞌ ewiꞌ.

2 Tesalonicenses 1:3

Wachꞌalal, congana rjawaxic chake chi ni nkamaltioxij wiꞌ tre ja Dios emwal rmal ja rebanon. Ni yatal wiꞌ chewij chi nkaban queriꞌ chewe como ja yukulbal ecꞌuꞌx congana rmajon qꞌuiyem in más chi na newajoꞌ ewiꞌ chakajaꞌ.

1 Timoteo 1:14

In ja kajaw Jesucristo congana xinrajoꞌ masqui in ajꞌil in ajmac in xuyaꞌ chwe chi yukeꞌ nucꞌuꞌx ruqꞌuin in xwinakarsaj ja rajoben riꞌil xin Dios pa ncꞌaslemal como jariꞌ nyataj chawe ja tok nojel acꞌuꞌx nanimaj ja Cristo Jesús.

1 Timoteo 1:5

Ja xintzꞌibaj chawe riꞌ ja ngana anin chi canojel ja kachꞌalal ncajoꞌ ta quiꞌ. In ja nrajoꞌ chi nawajoꞌ awiꞌ quewariꞌ, cꞌo jun utzlaj anma awcꞌan, ni majun nak ta ntiꞌon pan awanma in ni katzij wiꞌ chi cꞌo yukulbal acꞌuꞌx ruqꞌuin ja Dios.

Filemón 1:5

Congana nmaltioxij tre rumac ja rabanon como xurkaj rbixic wqꞌuin chi atat congana neꞌawajoꞌ ja tinamit xin Dios in ni yukul wiꞌ acꞌuꞌx ruqꞌuin ja kajaw Jesucristo.

Hebreos 6:10

Ja cꞌa Dios mta moda xtuban ta ja ma utz ta xtimestaj ta ja rutzil ja rebanonto, arjaꞌ matimestaj chi congana xetij ekꞌij chi quitoꞌic ja kachꞌalal in cꞌa emajon na quitoꞌic camic. Como congana newajoꞌ ja Dios chewiꞌ tok neꞌetoꞌ.

1 Pedro 1:22

Ja rEspíritu Santo arjaꞌ xuyaꞌ chewe chi xenimaj ja utzlaj tzij xin Jesucristo jariꞌ utzlaj tzij xechꞌachꞌojirsbej ja rewanma. Queriꞌ xeban in rmalariꞌ tok nixcowin chic neꞌewajoꞌ ja kachꞌalal in ma chi echiꞌ ta cꞌo wiꞌ tok neꞌewajoꞌ. Rmalcꞌariꞌ nbij chewe, tewajoꞌ ewiꞌ pro nojel ecꞌuꞌx nojel ewanma.

1 Juan 3:17

Pro ja wi cꞌo jun awachꞌalal wi cꞌoli ncꞌatzin tre ja ntzukbej riꞌ in wi cꞌol awqꞌuin ja ncꞌatzin tre, ja cꞌa wi matapokonaj rwach, wi matatoꞌ jariꞌ ni kꞌalaj wiꞌ chi mta ja rajoben riꞌil xin Dios pan awanma.

1 Juan 4:21

Ja mandamiento xin Dios quewaꞌ nbij chake riꞌ: —Ja wi ninewajoꞌ anin rjawaxic chi neꞌewajoꞌ ja rewachꞌalal chakajaꞌ, neꞌe ja Dios chake.