Efesios 1:14 - Tz'utujil (Ja Cꞌacꞌa Chominem)

¹⁴ Como cꞌo chic ja rEspíritu Santo pa tak kanma rmalcꞌariꞌ tok cꞌo kaseguro chi ja Dios nuyaꞌ na chake nojelal ja herencia ja rtzujun chake tokoriꞌ tok xkoꞌel libre chijutij ja rok tinamit xin Dios ja roklokꞌon rmal. Queriꞌ cꞌa rchominto ja Dios utzcꞌa chi nkayaꞌ rukꞌij rmal.

Tz'utujil NT

¹⁴ Com c'ol chic Espíritu Santo ptak kanma rmal c'ara' tak c'ola kseguro che Dios nuya' na chka njelal herencia je rtzujun chka tak xtok-ela libre rxin junlic ja ok rtnamet Dios ja oklk'on rmal. Cara' c'a rchumin ta Dios ch-utz c'ara' che nkaya' ruk'ij rmal.

Efesios 1:14 Iomraidhean Croise

San Lucas 21:28

Ja tok xtimajtaj rbanic cumplir nojel awaꞌ ja cꞌa xinbij kaj chewe riꞌ quixcaꞌy chicaj in quixquicoti como triꞌ nnakajinto wiꞌ ja tiempo ja tok xquixwasaxel libre chijutij chipan ja tijoj rpokonal. Queriꞌ xbij ja Jesús chique.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Hechos 20:32

Camic wachꞌalal, Dios ta cꞌa xquixchajini. Tenimaj ja rtzobal Dios como triꞌ nkawil wiꞌ ja rutzil ja nsipaj ja Dios chake. Ja wi nkanimaj ja rtzobal Dios jariꞌ nqꞌuiy más ja yukulbal kacꞌuꞌx ruqꞌuin ja Jesucristo in cꞌo jun herencia ja nyataj na chake chiquicojol canojel ja juleꞌ chic ja rechaꞌon rmal ja Dios.

Romanos 8:23

In queriꞌ chake ajoj chakajaꞌ, congana lawuloꞌ kabanon rumac ja tijoj rpokonal. Lawuloꞌ kabanon masqui cꞌo chic ja rEspíritu Santo pa tak kanma, masqui arjaꞌ ocnak kaseguro chi nekilaꞌ na nojelal ja tzujun chake rmal ja Dios. Pro congana rmajon tiꞌonem ja kanma chi raybexic ja kꞌij ja tok xkorkꞌalasaj na chi utz ja Dios chi ok ralcꞌwal tokoriꞌ tok xtuqꞌuex ja kacuerpo in nuban cꞌacꞌa tre.

1 Corintios 1:30

Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.

2 Corintios 1:22

In chakajaꞌ cꞌo jun retal rcojon chake ja ncꞌutu kaxin chi ok xin Dios, cꞌoli ja rEspíritu Santo rtakonto pa tak kanma jariꞌ ocnak kaseguro chi nuyaꞌ na chake nojel ja herencia ja rtzujun chake.

2 Corintios 5:5

Pro jariꞌ Dios nbanowi, arjaꞌ chomarsyon kaxin utzcꞌa chi nuyaꞌ na chake ja jun chic cuerpo ja ni mta wiꞌ camíc trij in cꞌo jun seguro ryaꞌon chake chi ni nuban wiꞌ cumplir ja wariꞌ como ja rEspíritu Santo ja rtakonto pa tak kanma jariꞌ ocnak kaseguro.

Gálatas 4:6

Como ix alcꞌwalaxelaꞌ chic chewiꞌ tok Dios rtakonto ja rEspíritu Santo rxin ja Ralcꞌwal pa tak ewanma: —Nataꞌ, Padre, neꞌ kaj ja rEspíritu Santo pa tak ewanma.

Efesios 1:11

In chakajaꞌ como xa jun kabanon ruqꞌuin ja Jesucristo chewiꞌ tok cꞌo jun herencia xin Dios ja yatajnak chake. Ja Dios ni rchominto wiꞌ ojer chi nuyaꞌ chake ja herencia, nijawariꞌ rchꞌobonto chakij. Xa nak ta ja nbantaj jeꞌe mta ariꞌ ja maquita nsamaji ja Dios chipan chi rbanic cumplir ja rvoluntad arjaꞌ.

Efesios 1:12

Quewaꞌ nrajoꞌ ja Dios riꞌ, chi ajoj ja kayben ja Cristo nabey nokoc ok yaꞌbal rukꞌij ja Dios.

Efesios 4:30

In maxta cꞌoli teban ja xa nuyaꞌ bis tre ja rEspíritu Santo xin Dios como ja rEspíritu Santo arjaꞌ kajto pa tak ewanma in rmalariꞌ tok yatajnak chewe ja retal chi ix rxin chic ja Dios in cꞌol eseguro chi newilaꞌ na ja kꞌij ja tok xtitzꞌakat na chake chijutij ja totajem xin Dios.

1 Pedro 2:9

Pro ja rixix ix tinamit rxin ja Dios, ixchaꞌon rmal. Arjaꞌ xixrpartiꞌij chi neban ja rsamaj. Ix sacerdote rxin ja nimlaj Rey ja cꞌo chilaꞌ chicaj. Jariꞌ samaj yatajnak chewe utzcꞌa chi neyaꞌ rbixic ja nimlaj samaj ja rbanon ja katataꞌ Dios. Kas turkaj chewe chi arjaꞌ lasan ewxin chipan ja kꞌekumal in camic ixrcojon chic pa rcuenta arjaꞌ pa jun nimlaj sakil.