Efesios 1:13 - Tz'utujil (Ja Cꞌacꞌa Chominem)

¹³ In yukeꞌ ecꞌuꞌx ixix ruqꞌuin ja Cristo chakajaꞌ tokoriꞌ tok xecꞌwaxaj ja tzij ja ni katzij wiꞌ chi tzij xin Dios, jariꞌ ja utzlaj tzij ja rcꞌamonto ja totajem xin Dios chewe. Queriꞌ xeban, yukeꞌ ecꞌuꞌx ruqꞌuin ja Cristo in xa jun xeban ruqꞌuin in rmalariꞌ tok cꞌo jun retal yataj chewe, jun retal ja ncꞌutu ewxin chi ix xin Dios. Ja cꞌa retal ja yataj chewe jariꞌ tok kajto ja rEspíritu Santo pa tak ewanma ja ni tzujunto wiꞌ ojer rmal ja Dios.

Tz'utujil NT

¹³ Y xeyke'a ec'u'x ixix ruq'uin Cristo chka' tak xewc'axaj tzij ja ne ktzij wa' che tzij rxin Dios, jara' utzlaj tzij jrec'mon ta totanem rxin Dios chewa. Cara' xeban, xeyke'a ec'u'x ruq'uin Cristo y xjun xeban ruq'uin y rmal c'ara' tak c'ol chic jun rital xyataja chewa, jun rital jnec'tuwa ewxin che ix rxin Dios. Jrital je xyataja chewa jara' tak xkaj ta Espíritu Santo ptak ewanm je ntzujun twa' ojer rmal Dios.

Efesios 1:13 Iomraidhean Croise

San Lucas 11:13

Ixix masqui ix lawuloꞌ pro ewotak neyaꞌ utzlaj tak nakun chique ja rewalcꞌwal pro pior ta cꞌa ja Tatixel ewxin ja cꞌo chilaꞌ chicaj arjaꞌ nuyaꞌ ja rEspíritu Santo chique ja necꞌutun tre. Queriꞌ xbij ja Jesús chique ja rdiscípulo tre ja banoj oración.

San Lucas 24:49

Bien tecꞌwaxaj ja xtinbij chic chewe riꞌ, anin ntakto na ja rEspíritu Santo ewqꞌuin ja caniꞌ tzujunto rmal ja nataꞌ Dios. Pro quixqꞌuejeꞌ waweꞌ chipan ja tinamit Jerusalén, cꞌa tokoriꞌ nixel chipan ja tok xtiyataj chewe ja poder rxin ja rEspíritu Santo ja xtikajto chilaꞌ chicaj, neꞌe ja Jesús chique.

San Juan 1:17

Ja Moisés arjaꞌ yowi ja ley xin Dios pro ja Jesucristo arjaꞌ cꞌamyonto ja rutzil ja nsipaj ja Dios, arjaꞌ cꞌamyonto ja totajem ja ni katzij wiꞌ chi totajem.

San Juan 14:26

Pro ja cꞌa tok ma incꞌo chi ta checojol tokocꞌariꞌ cꞌo chi na jun nta̱kpi na ewqꞌuin chi etoꞌic jariꞌ ja rEspíritu Santo. Arjaꞌ nta̱kto na rmal ja Nataꞌ in pa nubiꞌ anin tok xtitakto. Arjaꞌ xticꞌutu chic chewach nojelal, arjaꞌ nnatan chic chewe nojel ja nbin can chewe.

San Juan 15:26

Pro ja jun chic Toꞌonel ja cꞌo ruqꞌuin ja Nataꞌ arjaꞌ nkajto na ewqꞌuin como anin xquintakoto rxin. Arjaꞌ ja rEspíritu Santo pro jun Espíritu ja ni katzij wiꞌ nojel ja nbij, jun Espíritu ja ruqꞌuin Nataꞌ npi wiꞌ. Ja tok xturkaj ewqꞌuin arjaꞌ nkꞌalasaj na chiquewach ja winak nak inocnak wiꞌ anin.

San Juan 3:33

Ja cꞌa nenimani ja nbij quewaꞌ nquibij riꞌ: —Ja Dios ni katzij wiꞌ nojelal ja nbij, necheꞌe.

San Juan 6:27

Ixix congana samaj neban chi rcanoxic ja reway pro juleꞌ way ja xa nocꞌowi pro ma xar tawaꞌ samaj teban. Pro ja neban, congana ta nixsamaji chi rcanoxic ja way ja ni mta wiꞌ ocꞌowem nuban, juleꞌ way ja rcꞌamonto ja utzlaj cꞌaslemal ja mta qꞌuisic trij. Ja Ralcꞌwalaxel ja xoc alaxic cuqꞌuin ja winak arjaꞌ nsipan chewe ja way ja cꞌa xinbij chewe riꞌ. Como Dios ja Tatixel arjaꞌ bien rkꞌalasan chic chi arjaꞌ takyonto rxin ja Ralcꞌwalaxel, xecheꞌxi ja winak rmal ja Jesús.

Hechos 1:4

Ja tok cꞌa cꞌo na chiquicojol ja rapóstol quewaꞌ xbij chique riꞌ: —Ma quixel ta na chipan ja tinamit Jerusalén. Ja Nataꞌ arjaꞌ rtzujun chwe chi ntakpi na ja rEspíritu Santo ewqꞌuin ja caniꞌ nbin chic chewe, ja cꞌariꞌ ja tewaybej chipan ja tinamit Jerusalén.

Hechos 13:26

Ixix ja rix kach tak aj Israel ja rix riy rumam can ja kamamaꞌ Abraham in ixix chakajaꞌ ewanojelal ja nexbej ewiꞌ chwach ja Dios, camic nbij chewe chi ewxin ixix ja utzlaj tzij ja kamajon rbixic chewe ja rcꞌamonto ja totajem xin Dios.

Hechos 2:33

Cꞌacꞌariꞌ jotbax chilaꞌ chicaj rmal ja Dios in yataj tre rmal ja Tatixel chi xutakto ja rEspíritu Santo waweꞌ chwachꞌulew ja caniꞌ tzujun tre ojer. Ja cꞌa rixix, ja remajon rtzꞌatic camic in ja remajon rcꞌaxaxic jariꞌ Espíritu Santo banowi.

Romanos 1:16

Queriꞌ nbij chewe como ja utzlaj tzij xin Cristo, anin ma qꞌuixbal ta nnaꞌ nyaꞌ rbixic. Ma qꞌuixbal ta como ja utzlaj tzij xin Cristo jariꞌ ja nimlaj poder xin Dios, nerutoꞌ ja winak chipan ja quil quemac, nerutoꞌ xa nak ta chi winakil ja nyukeꞌ quecꞌuꞌx ruqꞌuin ja Jesucristo. Cuqꞌuin ja raj Israel xekaj wiꞌ rbixic nabey in chakajaꞌ ntajini nekaji camic cuqꞌuin ja ma e aj Israel ta.

Romanos 4:11

Cꞌa después na ja tok ban circuncidar. Ja circuncisión jariꞌ jun retal cꞌa xoc na tre, jun retal ja ncꞌutuwi chi ja rAbraham utz tzꞌat rmal ja Dios rumac ja yukulbal rucꞌuꞌx ruqꞌuin. Pro utz tzꞌat rmal ja Dios nabey in cꞌa después na ja tok ban circuncidar. Queriꞌ cꞌa rbanic ja xchomarsaj ja Dios utzcꞌa chi xtibinaꞌax tre ja rAbraham chi arjaꞌ tatixel quixin canojel ja xtiyukeꞌ na quecꞌuꞌx ruqꞌuin ja Dios ja ma ebanon ta circuncidar utzcꞌa chi ejeꞌeꞌ utz xquetzꞌa̱t rmal ja Dios chakajaꞌ in ja Dios nuban chique caniꞌ mta quil quemac quibanon pro rumac ja yukulbal quecꞌuꞌx ruqꞌuin.

Romanos 6:17

Ja cꞌa nabey ocnak ewajaw ja il mac pro ja camic maltiox tre ja Dios chi nojel ecꞌuꞌx nojel ewanma eniman chic ja utzlaj tijonem ja chꞌobon chewach.

2 Corintios 1:22

In chakajaꞌ cꞌo jun retal rcojon chake ja ncꞌutu kaxin chi ok xin Dios, cꞌoli ja rEspíritu Santo rtakonto pa tak kanma jariꞌ ocnak kaseguro chi nuyaꞌ na chake nojel ja herencia ja rtzujun chake.

2 Corintios 6:7

Kayaꞌon rbixic ja rtzobal Dios in cꞌoli ja poder xin Dios kuqꞌuin. Ja Dios como arjaꞌ utz nokrutzꞌat jariꞌ caniꞌ jun banbal chꞌaꞌoj ryaꞌon chake ja nkatobej kiꞌ chwach xa nak ta npi chakij.

Gálatas 3:14

Queriꞌ xuban ja Jesús utzcꞌa chi ixix ja ma ix aj Israel ta nyataj na chewe ja rutzil ja tzujun can tre ja rAbraham ojer rmal ja Dios. Queriꞌ xuban utzcꞌa chi xa rmal ja yukulbal kacꞌuꞌx ruqꞌuin ja Dios chewiꞌ tok nkacochij ja rEspíritu Santo ja tzujun can ojer.

Efesios 4:21

Ja cꞌa wi xeyaꞌ ewxquin tre ja Cristo tok tzijon pa tak ewanma, wi arjaꞌ ocnak Emaestro, wi ja tijonem xewotakij nucꞌam riꞌ ruqꞌuin ja tijonem ja yaꞌon can rmal ja Cristo, ja wi queriꞌ ebanon jariꞌ bien ewotak chi ja Cristo ma queriꞌ ta ja rcꞌaslemal ja caniꞌ quicꞌaslemal ja juleꞌ chic winak ja cꞌa xinbij chewe riꞌ.

Efesios 4:30

In maxta cꞌoli teban ja xa nuyaꞌ bis tre ja rEspíritu Santo xin Dios como ja rEspíritu Santo arjaꞌ kajto pa tak ewanma in rmalariꞌ tok yatajnak chewe ja retal chi ix rxin chic ja Dios in cꞌol eseguro chi newilaꞌ na ja kꞌij ja tok xtitzꞌakat na chake chijutij ja totajem xin Dios.

1 Tesalonicenses 2:13

Ajoj ni nkamaltioxij wiꞌ tre ja Dios como ixix tok kabij ja rtzobal Dios chewe bien xeyaꞌ ewxquin tre, xenimaj chi rxin Dios in ma quixin winak ta. Dios nucoj ja rtzobal in camic nsamaji ja rtzobal pa tak ewanma ja yukul ecꞌuꞌx ruqꞌuin ja Jesucristo.

2 Timoteo 2:15

Tatijaꞌ akꞌij tre ja samaj xin Dios ja yatajnak chawe, utz tabanaꞌ tre utzcꞌa ja Dios utz nutzꞌat ja samaj naban. Kas rubey tabanaꞌ chi rcojic ja utzlaj tijonem ja rcꞌamonto ja Jesucristo. Ja wi queriꞌ xtaban jariꞌ matayaꞌ aqꞌuix.

2 Timoteo 2:19

Pro ja chake ajoj ja yukul kacꞌuꞌx ruqꞌuin ja Jesucristo, ja rbanon ja Dios chake ok caniꞌ jun jay bien tiquili ja rsimientoꞌil in mta yojtajic trij in caniꞌ tzꞌibtal chwach ja rsimientoꞌil quewariꞌ: —Ja kajaw Dios arjaꞌ rotak quewach ja winak nak chique ja katzij chi e rxin. In chakajaꞌ caniꞌ tzꞌibtali: —Canojel ja winak ja nquibij chi e xin Cristo rjawaxic chi nqueyaꞌ can ja ritzelal, neꞌe.

2 Timoteo 3:15

in cꞌa at tinoꞌy na ja tok xawotakijto nojel ja tzꞌibtal can chipan ja santilaj rtzobal Dios. Ja rtzobal Dios nuyaꞌ chawe chi npi más anaꞌoj in nawil ja totajem rmal ja tok nyukeꞌ acꞌuꞌx ruqꞌuin ja Jesucristo.

Tito 2:11

Ja cꞌa Dios arjaꞌ rcꞌutun ja rutzil chikawach jariꞌ rcꞌamonto totajem chake kanojel ja rok winak.

Hebreos 2:3

In queriꞌ chake ajoj camic chakajaꞌ, ja lokꞌlaj totajem xin Dios ja rcꞌamonto ja Ralcꞌwal ja wi nkaban tre ni ma vale ta chikawach jariꞌ majun nkatobej kiꞌ. Jariꞌ totajem yaꞌ rbixic nabey rmal ja kajaw Jesucristo in bix chic ajoj chake cumal ja xecꞌaxan rxin, quechꞌob chikawach chi jun totajem ja ni katzij wiꞌ chi totajem.

Santiago 1:18

Ja xuban, xuyaꞌ chake chi kacꞌaxaj ja utzlaj tzij xin Jesucristo in rmalariꞌ xokalax chic jutij in kawil ja utzlaj cꞌaslemal. Queriꞌ xuban chi xokoc nabey tak cosecha chiquewach ja juleꞌ chic winak como nijawariꞌ rvoluntad ja rchominto.

Santiago 1:21

Rmalcꞌariꞌ nbij chewe, teyaꞌaꞌ can jutzꞌit nojel ja xa ntzꞌilorsaj ja rewanma. Janila ritzelal nalaxi in nqꞌuiyi pa tak kanma ja rok winak, teyaꞌaꞌ can nojelal. Nojel ecꞌuꞌx nojel ewanma teyaꞌaꞌ ewxquin chi rcꞌaxaxic ja utzlaj tzij ja ticon chic pa tak ewanma rmal ja Dios, jariꞌ utzlaj tzij janila rchokꞌakꞌ, nixrutoꞌ chipan ja rewil emac chijutij.

1 Pedro 2:10

Ja nabey ma ix rtinamit ta ja Dios pro ja camic ix rtinamit chic. Ja nabey majun nak ta xewil ja xpokonaj ta ewach pro ja camic xewil ja Dios chi arjaꞌ xpokonaj ewach.

Apocalipsis 7:2

In cꞌo chic jun ja ángel xintzꞌat, xelto ja bar nelto wiꞌ kꞌij, arjaꞌ rcꞌan jun sello rxin ja cꞌaslic Dios. In xurak ruchiꞌ chiquij ja re quijiꞌ ángel ja rechapyon ja quijiꞌ ikꞌ ja yatajnak poder pa quekꞌaꞌ chi nqueban camíc chwach ja rwachꞌulew in pa mar chakajaꞌ