Efesios 1:11 - Tz'utujil (Ja Cꞌacꞌa Chominem)

¹¹ In chakajaꞌ como xa jun kabanon ruqꞌuin ja Jesucristo chewiꞌ tok cꞌo jun herencia xin Dios ja yatajnak chake. Ja Dios ni rchominto wiꞌ ojer chi nuyaꞌ chake ja herencia, nijawariꞌ rchꞌobonto chakij. Xa nak ta ja nbantaj jeꞌe mta ariꞌ ja maquita nsamaji ja Dios chipan chi rbanic cumplir ja rvoluntad arjaꞌ.

Tz'utujil NT

¹¹ Chka' com xjun chic kabnon ruq'uin Jesucristo rmal c'ara' tak c'ola jun herencia rxin Dios jyatanak chka. Ja' Dios ne rchumin twa' ojer che nuya' na chka ja herencia, njawara' rech'bon ta chkij. Chka bechnak nbantaja majo'n ra che mquita nesmaja Dios chpam che rbanic cumplir je nyarij ranm ja'.

Efesios 1:11 Iomraidhean Croise

Hechos 13:48

Ja cꞌa ma e aj Israel ta tok quicꞌaxaj ja xbij ja Pablo janila xequicot rmal in congana queyaꞌ rukꞌij ja rtzobal Dios. Ecꞌo juleꞌ chique yukeꞌ quecꞌuꞌx ruqꞌuin ja Jesucristo. Queriꞌ queban canojel ja rechaꞌon rmal ja Dios chi nquewil ja utzlaj cꞌaslemal ja mta qꞌuisic trij.

Hechos 2:23

Ja Dios xuyaꞌ lugar chewe chi xecamsaj ja Jesús como xejach pa quekꞌaꞌ ja winak ja ma cotakin ta ja rtzobal Dios in ejeꞌeꞌ querip chwach cruz. Ja Dios ni rotak wiꞌ ojer chi ja Jesús nja̱ch na pa quekꞌaꞌ ja netzelan rxin como arjaꞌ ni rchominto wiꞌ ojer chi niquirwariꞌ nba̱n tre.

Hechos 20:27

Como anin nchꞌobon chewach ja rvoluntad Dios pro nojelal, ni majun nak ta ja xinwawaj ta chewach.

Hechos 20:32

Camic wachꞌalal, Dios ta cꞌa xquixchajini. Tenimaj ja rtzobal Dios como triꞌ nkawil wiꞌ ja rutzil ja nsipaj ja Dios chake. Ja wi nkanimaj ja rtzobal Dios jariꞌ nqꞌuiy más ja yukulbal kacꞌuꞌx ruqꞌuin ja Jesucristo in cꞌo jun herencia ja nyataj na chake chiquicojol canojel ja juleꞌ chic ja rechaꞌon rmal ja Dios.

Hechos 26:18

utzcꞌa chi nasakirsaj quebey chiquewach. Camic e caniꞌ moyaꞌ, pa kꞌekumal ecꞌo wiꞌ pro neꞌacoj na pa sakil. Neꞌel na pa rukꞌaꞌ ja Satanás in neꞌoc chi na pa rukꞌaꞌ ja Dios. Queriꞌ naban chique utzcꞌa chi ncuytaji ja quil quemac utzcꞌa chi cꞌo jun herencia nyataj na chique chiquicojol ja winak ja rechꞌachꞌojirsan chic chipan ja quil quemac rmal ja yukulbal quecꞌuꞌx wqꞌuin. Queriꞌ xbij ja Jesús chwe.

Hechos 4:28

Ja queban nij achominto wiꞌ ojer chi nbantaj na.

Romanos 11:34

Caniꞌ tzꞌibtal can chipan ja rtzobal Dios quewaꞌ nbij riꞌ: —Ni majun otakyon nojel ja nuchꞌob ja Dios, arjaꞌ maticꞌatzin tre chi cꞌo chi ta jun xtuyaꞌ ta consejo tre.

Romanos 8:17

Caniꞌ nba̱n tre jun alcꞌwalaxel cꞌo jun herencia nja̱ch tre in queriꞌ cꞌa chake ajoj chakajaꞌ, cꞌo jun herencia xin Dios majaꞌn tijach chake, ajoj jun xtijach na chake ja herencia ruqꞌuin ja Cristo. Queriꞌ xtikaban ja wi ajoj jun chakajaꞌ matikapokonaj ja xtikatij rpokonal ja caniꞌ xuban ja Cristo utzcꞌa chi ajoj jun xtiyataj na chake chi nchꞌaꞌan chakij ja gloria xin Dios ja caniꞌ yatajnak tre ja Cristo.

Romanos 8:28

Ja cꞌa rajoj bien kotak chi ja Dios nsamaj chipan xa nak ta nkawil jeꞌe chipan ja kacꞌaslemal, arjaꞌ nchomarsaj nojelal ja nkawil utzcꞌa chi cꞌol utzil rcꞌamonto chake. Queriꞌ nuban chake ja wi nkajoꞌ ja Dios in wi oksiqꞌuin rmal chi kawilon ja totajem ja rchomarsanto ojer.

Romanos 8:29

Arjaꞌ ni rotakinto wiꞌ okchinatak ja xtiyukeꞌ kacꞌuꞌx ruqꞌuin, ni rchominto wiꞌ ja xtuban chake chi ja kacꞌaslemal ajoj queriꞌ xteli ja caniꞌ rcꞌaslemal ja Jesucristo ja Ralcꞌwal. Queriꞌ xuban chake utzcꞌa chi noqui ja Jesucristo nabey winak in ok qꞌuiy ja nokoc rchꞌalal ja Jesucristo.

Romanos 8:30

Queriꞌ rchominto ja Dios ojer ja nuban chique canojel ja nyukeꞌ quecꞌuꞌx ruqꞌuin, arjaꞌ nersiqꞌuij chi neꞌoc ralcꞌwal, nuban chique caniꞌ mta quil quemac quibanon in nuyaꞌ chique chi nchꞌaꞌan chiquij ja nimlaj gloria xin Dios.

Romanos 9:11

Ja cꞌa Rebeca majaꞌn queꞌalaxi ja caꞌiꞌ tak ral tok quewaꞌ bix tre rmal ja Dios riꞌ: —Ja nabey winak arjaꞌ xtiban mandar rmal ja rcabal, neꞌxi. Queriꞌ bix tre masqui majaꞌn queꞌalaxi ja caꞌiꞌ tak ral, masqui mta nak ta quibanon ta triꞌ, nixtacꞌa quibanon ta ja rutzil in nixtacꞌa quibanon ta ja ritzelal chakajaꞌ. Queriꞌ cꞌa rbanic utzcꞌa chi bien nchꞌobtaj kumal chi ja Dios neruchaꞌ ja winak echinatak ja cꞌo rgana neruchaꞌ in ma rmal ta ja quibanon tok neruchaꞌ.

Gálatas 3:18

Wixta jaꞌ ley cꞌamoto ja herencia xin Dios maquita cꞌa jaꞌ ririꞌ cꞌamoto ja xtzujuj can ja Dios tre ja rAbraham. Pro ja Dios como arjaꞌ rtzujun ja herencia tre ja rAbraham xa rmalariꞌ tok xuyaꞌ tre.

Efesios 1:14

Como cꞌo chic ja rEspíritu Santo pa tak kanma rmalcꞌariꞌ tok cꞌo kaseguro chi ja Dios nuyaꞌ na chake nojelal ja herencia ja rtzujun chake tokoriꞌ tok xkoꞌel libre chijutij ja rok tinamit xin Dios ja roklokꞌon rmal. Queriꞌ cꞌa rchominto ja Dios utzcꞌa chi nkayaꞌ rukꞌij rmal.

Efesios 1:18

Ja nwajoꞌ anin chewe kas ta xtijaktaji chi utz ja rewiꞌ ewanma utzcꞌa chi nixcowini nechꞌob nak rbanic nojel ja rewayben ja rtzujun chewe ja Dios in ixrsiqꞌuin chi neꞌewilaꞌ na. Kas ta xtichꞌobtaj emwal nak rbanic ja herencia xin Dios ja nyataj chake ja rok tinamit xin Dios, pro jun herencia janila nim rukꞌij, caniꞌ jun nimlaj mebaꞌil ja nyataj chake.

Efesios 1:5

Arjaꞌ ni nokrajoꞌ wiꞌ, ni rchominto wiꞌ chi nokoc na ok ralcꞌwal, ni rchominto wiꞌ chi rumac ja Jesucristo chewiꞌ tok nokoc ok ralcꞌwal. Como nijawariꞌ rvoluntad chewiꞌ tok xuban queriꞌ chake.

Efesios 1:8

Janila jun nimlaj utzil rsipan chake in rmalariꞌ tok nokcowini nkachꞌob nojel ja nimak tak naꞌoj xin Dios in nokcowini nkachꞌob nak rjawaxic chi nkaban.

Efesios 1:9

Arjaꞌ rkꞌalasan chic chikawach ja rchominto ojer ja xa wawan chikawach nabey. Como nijawariꞌ ja rvoluntad chewiꞌ tok xuban queriꞌ.

Efesios 3:11

Ja Dios ni rchominto wiꞌ ojer chi nuban jawaꞌ ja nmajon rbixic chewe riꞌ, jawaꞌ ni rchominto wiꞌ ja tok majaꞌn titzꞌucarsaj ja rwachꞌulew. Ja cꞌa tok xutakto ja kajaw Jesucristo waweꞌ chwachꞌulew tokoriꞌ xurbantaj cumplir ja rchominto ojer.

Colosenses 1:12

Ni ta nemaltioxij wiꞌ tre ja katataꞌ Dios como arjaꞌ ryaꞌon chake chi ajoj jun cꞌo kakꞌaꞌ tre ja herencia ja nuyaꞌ chake ja rok rtinamit, ryaꞌon chake chi nokqꞌuejeꞌ chipan jun gobierno ja bar nchꞌaꞌan wiꞌ ja gloria xin Dios.

Colosenses 3:24

Queriꞌ nbij chewe como ixix bien ewotak chi ruqꞌuin ja kajaw Jesucristo npi wiꞌ ja kas mero rtojbalil jariꞌ ja herencia ja rtzujun chake como ja Cristo ja kajaw jariꞌ ja kas mero Epatrón.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Tito 3:7

In rmalariꞌ tok utz chic noktzꞌat rmal ja Dios como arjaꞌ xsipaj ja rutzil chake in cꞌo jun herencia nyataj na chake. Jariꞌ herencia ja cꞌacꞌa cꞌaslemal ja mta qꞌuisic trij in jariꞌ kotak chi nyataj na chake in nokquicoti chi raybexic.

Hebreos 6:17

Ja cꞌa Dios ma chaka ta xuban ja juramento, rumac chi bien nchꞌobtaj kumal ja rchꞌobon chakij chi ni mta wiꞌ qꞌuextajic trij, ni nuban wiꞌ cumplir. Queriꞌ nrajoꞌ chake ja nyataj chake nojel ja rtzujun can.

Santiago 2:5

Chakꞌlaj wachꞌalal, camic teyaꞌaꞌ ewxquin tre ja xtinbij chewe riꞌ ¿la ma ewotak ta cꞌa chi ja mebaꞌiꞌ waweꞌ chwachꞌulew Dios erchaꞌon chi neꞌoc e biyomaꞌ? Ja ocnak quibiyomal jariꞌ ja yukulbal quecꞌuꞌx ruqꞌuin ja Dios. Ejeꞌeꞌ cꞌo jun nimlaj herencia ja xtiyataj chique, jariꞌ herencia neqꞌuejeꞌe chijutij chipan ja gobierno xin Dios. Queriꞌ rtzujun ja Dios chique e janiꞌ neꞌajoꞌn rxin.

1 Pedro 1:4

in rmalariꞌ chakajaꞌ tok cꞌo jun herencia ewxin chilaꞌ chicaj, jun herencia chajin rmal ja Dios. Jariꞌ herencia ni majun nak ta falta tre, matitzabukari, mta qꞌuisic trij.

1 Pedro 3:9

Ja tok nba̱n itzel chewe owi tok cꞌoli ja pokonlaj tak tzij nbix chewe maxta teyaꞌ rjil rcꞌaxel. Ja neban, tebanaꞌ ja rutzil. Ja Dios arjaꞌ xixrsiqꞌuij chi ix banol tak utzil. Queriꞌ xuban utzcꞌa chi newilaꞌ na ja rutzil ixix chakajaꞌ rmalcꞌariꞌ tok nbij chewe, ni tebanaꞌ wiꞌ ja rutzil.