Efesios 1:10 - Tz'utujil (Ja Cꞌacꞌa Chominem)

¹⁰ Ni rchominto wiꞌ ja tiempo jeꞌe in tok xtitzꞌakati ja tiempo arjaꞌ nchomarsaj na nojelal ja yojtajnak jeꞌe in xa ruyon chic ja Cristo npeꞌe chic trij nojelal tanto tre ja cꞌo jeꞌe chilaꞌ chicaj in tre chakajaꞌ ja cꞌo jeꞌe chwachꞌulew.

Tz'utujil NT

¹⁰ Ne rchumin twa' je' tiemp ch-utz c'ara' tak netz'kata tiemp arja' nchumsaj njelal jyojtanak je'a y xruyon chic Cristo npe'a chwech njelal achnak jc'ola chcaj ruq'uin jc'ola wawe' chwech ruch'lew.

Efesios 1:10 Iomraidhean Croise

San Mateo 25:32

In nojel tinamit nemo̱l chwach, cꞌacꞌariꞌ nuban caꞌiꞌ chique caniꞌ nuban jun yukꞌul carnelo, junwiꞌ neruyaꞌ wiꞌ ja tak carnelo in junwiꞌ neruyaꞌ wiꞌ ja tak qꞌuisicꞌ.

Marcos 1:15

Quewaꞌ nbij riꞌ: —Camic xurtzꞌakati ja tiempo, ja gobierno xin Dios xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal, tenimaj ja utzlaj tzij ja rcꞌamonto ja totajem xin Dios, neꞌe.

1 Corintios 10:11

Nojel awaꞌ ja cꞌa xinbij kaj chewe riꞌ bantaji chijujunal utzcꞌa chi noc ejemplo chique ja winak chi nerxibej in tzꞌibtal can utzcꞌa chi noc jun paxbanem chake ajoj ja rokcꞌo chipan ja qꞌuisbal rxin nojel ja tiempo ja chominto jeꞌe rmal ja Dios.

1 Corintios 11:3

Pro cꞌoli nwajoꞌ nchꞌob chewach riꞌ, ja cajaw canojel ja rachiꞌiꞌ jariꞌ ja Cristo, ja rajaw ja rixok jariꞌ ja rachi in ja rajaw ja Cristo jariꞌ ja Dios.

Gálatas 4:4

Pro ja Dios tok tzꞌakati ja tiempo ja chomarsanto rmal tokocꞌariꞌ xutakto ja Cristo ja Ralcꞌwal. Xalaxi ja Ralcꞌwal Dios chwirukꞌaꞌ jun ixok in qꞌuejeꞌ na pa rukꞌaꞌ ja ley ja yaꞌon can tre ja Moisés ojer rmal ja Dios.

Efesios 1:22

Ja Dios mta nak ta ja maquita rcojon xeꞌ rukꞌaꞌ rkan ja Cristo. Jawaꞌ Cristo riꞌ arjaꞌ chaꞌon rmal ja Dios chi nokruban cuenta ja rok iglesia pro jun Cristo ja paꞌl trij nojelal.

Efesios 2:15

Arjaꞌ cam chwach cruz in rmal ja rcamic tok xocꞌo rukꞌij ja ley xin Dios ja tzꞌibtal can rmal ja Moisés ja rcꞌan juleꞌ mandamiento in juleꞌ costumbre, jariꞌ xokrchomarsbej ewqꞌuin. Queriꞌ xuban chake utzcꞌa chi jun cꞌacꞌa tinamit xuban chake, ma ok caꞌiꞌ tinamit chi ta pro xa jun kabanon ruqꞌuin utzcꞌa chi kas quiꞌil chic nokqꞌuejeꞌ ewqꞌuin.

Efesios 3:15

Arjaꞌ jun Tatixel in rmalariꞌ tok nbix chake chi ok familia xin Dios tanto chique ja recꞌo chilaꞌ chicaj in chake ajoj chakajaꞌ ja rokcꞌo waweꞌ chwachꞌulew.

Efesios 3:2

Turkaj chewe chi ecꞌwaxan chic chi anin yaꞌon chi nukul chi nenyaꞌaꞌ rbixic chewe nak rbanic ja rutzil xin Dios ja nsipaj ja Dios chake.

Colosenses 1:16

Queriꞌ nbij chewe como nojel ja tzꞌucarsanto jeꞌe mta ariꞌ ja maquita ruqꞌuin arjaꞌ tzꞌucarsanto wiꞌ. Caniꞌ tre ja cꞌo jeꞌe chicaj in chakajaꞌ ja cꞌo jeꞌe chwachꞌulew, caniꞌ tre nojel ja ntzꞌattaji in chakajaꞌ nojel ja matitzꞌattaji, caniꞌ chique ja ángel ja cꞌo kꞌetbaltzij pa quekꞌaꞌ xa nak ta chi angelil, ni majun nak ta ja maquita tzꞌucarsanto rmal ja Ralcꞌwal Dios, tzꞌucarsanto nojelal utzcꞌa chi noc yaꞌbal rukꞌij arjaꞌ.

Colosenses 1:20

Ja Dios xutakto ja Ralcꞌwal chi rchomarsaxic nojelal tanto tre ja cꞌo jeꞌe chwachꞌulew in tre chakajaꞌ ja cꞌo jeꞌe chicaj. Peti ja Ralcꞌwalaxel, xutix ja rquiqꞌuel chwach cruz in xokchomtaj ruqꞌuin ja katataꞌ Dios rmal chi nimlaj kanojelal.

Colosenses 3:11

Xa ok jun kanojelal ja kucꞌan jawaꞌ cꞌacꞌa cꞌaslemal ja cꞌa xinbij kaj chewe riꞌ wi ok aj Israel owi ma ok aj Israel ta, wi okbanon circuncidar owi ma okbanon ta circuncidar, wi makocowini noktzijon pa griego, wi congana lawuloꞌ ja tinamit ja rokpenak wiꞌ, wi ok libre owi ok esclavo, pro xa ok jun kanojelal ja kucꞌan ja cꞌacꞌa cꞌaslemal como ja Cristo arjaꞌ nqꞌuejeꞌ pa tak kanma kanojelal in nuban jun chake, solo Cristo ja nim rukꞌij.

Hebreos 1:2

Pro ja rbanon ja Dios camic chipan awaꞌ qꞌuisbal tak kꞌij rxin ja tiempo ja rokcꞌo wiꞌ riꞌ xucoj ja Ralcꞌwal chi arjaꞌ kꞌalasan chikawach ajoj janiꞌ ja rnaꞌoj. Xuyaꞌ tre ja Ralcꞌwal chi mta nak ta ja maquita noc na pa rukꞌaꞌ in xucoj ja Ralcꞌwal chakajaꞌ chi arjaꞌ winakarsani ja caj in rwachꞌulew.

Hebreos 11:40

Ejeꞌeꞌ caybej na chi nquewil como ja Dios arjaꞌ rchꞌobonto chi cꞌa pa katiempo ajoj nwinakarsaj wiꞌ ja cꞌacꞌa chominem ja más chi na utz. Queriꞌ xuban utzcꞌa chi junan nyataj chake kanojel ja totajem pro jun totajem ja ni majun ja maquita tzꞌakat tre, ma ejeꞌeꞌ ta xewilowi chikawach nabey.

Hebreos 9:10

Ja bix chique chi nqueban jariꞌ xa rxin ja quicuerpo, ma rxin ta ja canma, caniꞌ tre nak ja utz ntiji in nak ja xajan ntiji in tre chakajaꞌ nak tiempo jeꞌe ja rjawaxic chi nquechꞌaj quekꞌaꞌ in cakan. In bix chique chi cꞌa tokoriꞌ matiqueban chic ja tok cꞌoli jun chominem cꞌacꞌa ja xtichomarsaj na ja Dios pa rqꞌuexwach.

1 Pedro 1:20

Ja Dios tok majaꞌn tiwinakarsaj ja rwachꞌulew arjaꞌ rchominto chic chi nba̱n na sacrificar ja Cristo. Pro jariꞌ ma xbantaj ta chanim, cꞌa jawaꞌ xurbantaji chipan ja qꞌuisbal tiempo ja rokcꞌo wiꞌ riꞌ. Ja cꞌariꞌ xuban ja Dios pan ecuenta.

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.