Apocalipsis 8:7 - Tz'utujil (Ja Cꞌacꞌa Chominem)

⁷ Ja nabey ángel xulaj ja rtrompeta. Ja cꞌa tok xultaj rmal cꞌo juleꞌ sakboch rachbil kꞌakꞌ ryujun riꞌ ruqꞌuin juleꞌ quicꞌ jariꞌ tixi chwach ja rwachꞌulew, ja cheꞌ ja cꞌo chwachꞌulew cꞌati ja tercera parte rmal, ja cꞌa rax tak kꞌayis jariꞌ cꞌati nojelal.

Tz'utujil NT

⁷ Jnabey ángel xulaj trompeta. Tak xultaja rmal c'ola jle' sajbech ruq'uin k'ak' reyjun ri' chpam jle' quic' y jara' xti'xa chwech ruch'lew. Je' che' jc'ola chwech ruch'lew xc'ata tercera parte, y xc'ata jrex tak k'ayis per ne njelal.

Apocalipsis 8:7 Iomraidhean Croise

Santiago 1:11

Ja tok congana rwakꞌij nchakiji ja kꞌayis in ntiltoꞌi ja rusiꞌj, queriꞌ nuban, ba la noc wiꞌ ja rcoloril. Queriꞌ cꞌa quibanic ja biyomaꞌ chakajaꞌ, ejeꞌeꞌ quimajon rbanic ja quinegocio tok chaka jalal necami.

1 Pedro 1:24

Caniꞌ tzꞌibtal can quewariꞌ: —Ja quicꞌaslemal ja winak xa caniꞌ kꞌayis nchakiji, ja nyabex jeꞌe quekꞌij xa caniꞌ rusiꞌj kꞌayis tok nocꞌo rukꞌij ntiltoꞌi.

Apocalipsis 12:4

Ja chꞌumil ja recꞌo chicaj ja tercera parte chique xekajsaxto rmal ja dragón, rujey xucoj chi quikajsaxic, xerkajsajto chwachꞌulew. Ja cꞌa dragón arjaꞌ xpabaꞌ riꞌ chwach ja rixok ja xajalal majaꞌn tiqꞌuejeꞌ jun ti ral, queriꞌ xuban utzcꞌa tok xtiqꞌuejeꞌe ja tacꞌal chanim nutij.

Apocalipsis 16:2

Be ja nabey ángel, xertixaꞌ chwach ja rwachꞌulew ja vaso ja cꞌo ryewal Dios chipan. Ja cꞌa winak ja cojon retal ja ritzel chicop chique ja nexuqueꞌ chwach ja rachbal ejeꞌeꞌ winakar juleꞌ itzel tak chꞌaꞌc chiquij, congana ruquiy.

Apocalipsis 16:21

In chakajaꞌ cꞌo nimak tak sakboch pi chicaj, kajpi chiquij ja winak. Ja sakboch congana ralal, ja jujun chirwach cꞌo la jun quintal npajoni. Ja cꞌa winak quemaj rbixic juleꞌ tzij tre ja Dios ja xa ofensa rcꞌamonto tre. Queriꞌ queban rumac ja rpokonal ja quetij pa rukꞌaꞌ ja sakboch como ja rpokonal más chi na lawuloꞌ.

Apocalipsis 6:8

Chaka jalal tok xintzꞌat jun quiej kꞌen rij in cꞌo jun tzꞌubul trij, Camíc rubiꞌ. In cꞌo chic jun chic tran trij, Quilugar Camnakiꞌ rubiꞌ. Ejeꞌeꞌ yataj chique chi nequicamsaj ja winak ja recꞌo chwachꞌulew. Ja cꞌa nequicamsbej, espada, waꞌal, itzel tak yobil in ja ritzel tak chicop ja recꞌo chwachꞌulew. Ejeꞌeꞌ yataj chique chi cꞌo quekꞌaꞌ tre ja cuarta parte rxin ja rwachꞌulew ja nqueban wiꞌ ja camíc.

Apocalipsis 7:1

Ja cꞌa tok tzꞌattaj mwal awaꞌ wariꞌ cꞌacꞌariꞌ xintzꞌat chic ecꞌo quijiꞌ ángel, jun chique triꞌ paꞌl wiꞌ ja bar nelto wiꞌ kꞌij, in jun chic ja bar nkaj wiꞌ, in jun chic triꞌ paꞌl wiꞌ pa norte in jun chic pa sur. In cꞌo quijiꞌ nimak tak ikꞌ rxin ja rwachꞌulew quichapon utzcꞌa chi matijaktajto ja ikꞌ trij ja rwachꞌulew in trij mar in nixtacꞌa trij ta jun cheꞌ.

Apocalipsis 9:15

In queriꞌ xuban xeruquir ja quijiꞌ ángel. Ja Dios arjaꞌ ni rchominto wiꞌ nak hora, nak kꞌij, nak icꞌ in nak junaꞌ ja nequi̱r wiꞌ ja quijiꞌ ángel chi nebe nequicamsaj jun tercera parte chique ja winak.

Apocalipsis 9:18

Ja cꞌawaꞌ oxiꞌ rwach ja rpokonal ja xecamsbexi ja tercera parte chique ja winak, kꞌakꞌ, sib in azufre ja nelto pa quechiꞌ ja quiej.

Apocalipsis 9:4

In bix chique chi matiqueban camíc tre ja rax tak kꞌayis rxin ja rwachꞌulew nixtacꞌa tre ta ja tak tijcoꞌm in nixtacꞌa tre ta jun cheꞌ, xa ruyon chique winak nqueban wiꞌ pokon pro xa queyon ja ma cojon ta ja sello rxin Dios chi quipalaj.