Apocalipsis 7:2 - Tz'utujil (Ja Cꞌacꞌa Chominem)

² In cꞌo chic jun ja ángel xintzꞌat, xelto ja bar nelto wiꞌ kꞌij, arjaꞌ rcꞌan jun sello rxin ja cꞌaslic Dios. In xurak ruchiꞌ chiquij ja re quijiꞌ ángel ja rechapyon ja quijiꞌ ikꞌ ja yatajnak poder pa quekꞌaꞌ chi nqueban camíc chwach ja rwachꞌulew in pa mar chakajaꞌ

Tz'utujil NT

² Y c'o chic jun ángel xentz'et, arja' xel ta abar nel twa' k'ij y rc'an jun sello rxin c'aslic Dios. Y xurak ruchi' chquij j-era' e cji' ángel jyatanak poder pquek'a' che nqueban cmic chwech ruch'lew y pe rwá' mar chka'.

Apocalipsis 7:2 Iomraidhean Croise

San Mateo 16:16

Peti ja Simón Pedro, xbij tre: —Ja ratat at Cristo at Ralcꞌwal ja cꞌaslic Dios, neꞌ tre.

San Mateo 26:63

Pro ja Jesús ni maticꞌulbaꞌ wiꞌ ja nbix tre. In bix chic tre rmal ja lokꞌlaj sacerdote: —Chwach ja cꞌaslic Dios tabij chake ¿la atat ja rat Cristo ja rat Ralcꞌwal Dios? neꞌx rmal.

San Juan 6:27

Ixix congana samaj neban chi rcanoxic ja reway pro juleꞌ way ja xa nocꞌowi pro ma xar tawaꞌ samaj teban. Pro ja neban, congana ta nixsamaji chi rcanoxic ja way ja ni mta wiꞌ ocꞌowem nuban, juleꞌ way ja rcꞌamonto ja utzlaj cꞌaslemal ja mta qꞌuisic trij. Ja Ralcꞌwalaxel ja xoc alaxic cuqꞌuin ja winak arjaꞌ nsipan chewe ja way ja cꞌa xinbij chewe riꞌ. Como Dios ja Tatixel arjaꞌ bien rkꞌalasan chic chi arjaꞌ takyonto rxin ja Ralcꞌwalaxel, xecheꞌxi ja winak rmal ja Jesús.

2 Corintios 1:22

In chakajaꞌ cꞌo jun retal rcojon chake ja ncꞌutu kaxin chi ok xin Dios, cꞌoli ja rEspíritu Santo rtakonto pa tak kanma jariꞌ ocnak kaseguro chi nuyaꞌ na chake nojel ja herencia ja rtzujun chake.

Efesios 1:13

In yukeꞌ ecꞌuꞌx ixix ruqꞌuin ja Cristo chakajaꞌ tokoriꞌ tok xecꞌwaxaj ja tzij ja ni katzij wiꞌ chi tzij xin Dios, jariꞌ ja utzlaj tzij ja rcꞌamonto ja totajem xin Dios chewe. Queriꞌ xeban, yukeꞌ ecꞌuꞌx ruqꞌuin ja Cristo in xa jun xeban ruqꞌuin in rmalariꞌ tok cꞌo jun retal yataj chewe, jun retal ja ncꞌutu ewxin chi ix xin Dios. Ja cꞌa retal ja yataj chewe jariꞌ tok kajto ja rEspíritu Santo pa tak ewanma ja ni tzujunto wiꞌ ojer rmal ja Dios.

Efesios 4:30

In maxta cꞌoli teban ja xa nuyaꞌ bis tre ja rEspíritu Santo xin Dios como ja rEspíritu Santo arjaꞌ kajto pa tak ewanma in rmalariꞌ tok yatajnak chewe ja retal chi ix rxin chic ja Dios in cꞌol eseguro chi newilaꞌ na ja kꞌij ja tok xtitzꞌakat na chake chijutij ja totajem xin Dios.

1 Tesalonicenses 1:9

Como ejeꞌeꞌ quimajon rbixic nak rbanic tok xokekaj ewqꞌuin chi congana quiꞌil kacꞌulic xeban. In nquibij chakajaꞌ nak xeban tok xenimaj ja cꞌaslic Dios ja katzij chi Dios

2 Timoteo 2:19

Pro ja chake ajoj ja yukul kacꞌuꞌx ruqꞌuin ja Jesucristo, ja rbanon ja Dios chake ok caniꞌ jun jay bien tiquili ja rsimientoꞌil in mta yojtajic trij in caniꞌ tzꞌibtal chwach ja rsimientoꞌil quewariꞌ: —Ja kajaw Dios arjaꞌ rotak quewach ja winak nak chique ja katzij chi e rxin. In chakajaꞌ caniꞌ tzꞌibtali: —Canojel ja winak ja nquibij chi e xin Cristo rjawaxic chi nqueyaꞌ can ja ritzelal, neꞌe.

Hebreos 12:22

Pro ja xixekaj wiꞌ ixix jariꞌ chwach jun jayuꞌ ja macatcowini natzꞌat ruqꞌuin awach rbinaꞌan Sión. In chakajaꞌ ixcꞌo chwach ja mero tinamit rxin ja cꞌaslic Dios rbinaꞌan Jerusalén ja cꞌo chilaꞌ chicaj. Ixcꞌo cꞌa chiquewach ja ángel pro congana e qꞌuiy, cꞌayew chi neꞌaltaji,

Apocalipsis 1:3

Congana quiꞌil tre ja nsiqꞌuini jawaꞌ ja xtintzꞌibaj riꞌ ja kꞌalasan rmal tre ja xtibantaj na cumplir in congana quiꞌil chique chakajaꞌ ja necꞌaxani in nquinimaj como xa nnakajinto ja tiempo.

Apocalipsis 10:1

Cꞌo chi na cꞌa jun ángel xintzꞌat congana rchokꞌakꞌ, arjaꞌ ntajini nkajto chilaꞌ chicaj, cꞌopi chipan juleꞌ sutzꞌ in cꞌo jun xconkꞌaꞌ parwiꞌ. Ja ncaꞌyi ja rpalaj caniꞌ ncaꞌy kꞌij in ja rkan caniꞌ kꞌakꞌ ocnak.

Apocalipsis 10:4

Ja cꞌa tok tzuri tzij rmal ja wukuꞌ quiakolijay anin laj xintzꞌibaj ja xbij pro cꞌo jun kulaj xincꞌwaxaj penak chilaꞌ chicaj quewaꞌ xbij chwe riꞌ: —Tacꞌoloꞌ pan awiꞌ pan awanma ja xbij ja wukuꞌ quiakolijay, ma takꞌalasaj ta in ma tatzꞌibaj ta, neꞌ chwe.

Apocalipsis 16:12

In jun chic ángel ja vaso rcꞌan, ja cꞌo chipan jariꞌ xutix chipan ja nimlaj binelyaꞌ rbinaꞌan Eufrates. Ja cꞌa yaꞌ chupi, chakij rmal. Queriꞌ xuban ja yaꞌ utzcꞌa chi ja rey ja repenak pa tak lugar ja cꞌo pan oriente njaktaj jun bey chiquewach chi nepeti nurquibanaꞌ jun nimlaj chꞌaꞌoj.

Apocalipsis 5:2

In cꞌo jun ángel xintzꞌat congana rchokꞌakꞌ in cꞌoli ja ntajini nuyaꞌ rbixic. Ja cꞌa rukul congana fuerte, quewaꞌ nbij riꞌ: —¿La cꞌo jun yatal trij chi nlasaj ja sello in nusol ja wuj? neꞌe.

Apocalipsis 8:3

In pi chic jun ja ángel, arjaꞌ peꞌeꞌoc chwach ja raltar, rcꞌan jun rcꞌolbal incienso oro ocnak. In qꞌuiy ja rincienso jach tre jariꞌ nuyaꞌ parwiꞌ ja raltar ja oro ocnak ja cꞌo chwach ja Dios, ja cꞌa rincienso nrachbilaj ja roración ja nqueban canojel ja rtinamit Dios.

Apocalipsis 9:14

Ja kulaj quewaꞌ xbij tre ja ángel ja xulani ja trompeta riꞌ: —Ja re quijiꞌ ángel ja reximtal chuchiꞌ ja nimlaj binelyaꞌ rbinaꞌan Eufrates queꞌaquiraꞌ, neꞌ tre.

Apocalipsis 9:4

In bix chique chi matiqueban camíc tre ja rax tak kꞌayis rxin ja rwachꞌulew nixtacꞌa tre ta ja tak tijcoꞌm in nixtacꞌa tre ta jun cheꞌ, xa ruyon chique winak nqueban wiꞌ pokon pro xa queyon ja ma cojon ta ja sello rxin Dios chi quipalaj.