Apocalipsis 7:14 - Tz'utujil (Ja Cꞌacꞌa Chominem)

¹⁴ —Señor, jariꞌ atat atotakyon, xincheꞌ tre. In xbij chic chwe: —Ejeꞌeꞌ laꞌ ja rekꞌaxnakto chipan ja nimlaj rpokonal. Ja quitziak sak como quichꞌajon chipan ja rquiqꞌuel ja Carnelo.

Tz'utujil NT

¹⁴ —Señor, jara' atet atojtakyona, cara' xenbij tzra. Cawra xbij chic chwa: —J-e' c'ala' jek'axnak ta chpam nimlaj lowlo', y quetziak sak com quech'jon chic chpam recq'uiel Carne'l.

Apocalipsis 7:14 Iomraidhean Croise

San Mateo 24:21

Queriꞌ nbij chewe como cꞌo jun nimlaj rpokonal npi na pro janila nim. Jaruꞌ pa tiempo tzꞌucarnakto ja rwachꞌulew mta jun rpokonal penak ta ja más chi ta nim chwach awaꞌ ja nintajini nbij chewe riꞌ in ni mchita wiꞌ jun xtipi chi ta ja más chi ta nim chakajaꞌ.

Marcos 13:19

Queriꞌ nbij chewe como cꞌo jun nimlaj rpokonal npi na pro janila nim. Jaruꞌ pa tiempo tzꞌucarsanto ja rwachꞌulew rmal ja Dios mta jun rpokonal penak ta ja más ta nim chwach awaꞌ ja nintajini nbij chewe riꞌ in ni mchita wiꞌ jun xtipi chi ta ja más chi ta nim chakajaꞌ.

San Juan 16:33

Nojel awaꞌ ja xinbij chewe chipan awaꞌ jun tucwakꞌabil riꞌ utzcꞌa chi nyataj na chewe ja quicotemal xin Dios ja tok xa jun chic ebanon wqꞌuin. Ja chipan awaꞌ rwachꞌulew riꞌ congana rpokonal xtetij na pro quixquicoti como ja ritzelal rxin ja rwachꞌulew jariꞌ ni ma cowinnak ta wiꞌ chwij, nij anin wiꞌ inchꞌocmajnak. Queriꞌ xbij ja Jesús chique ja rdiscípulo.

Hechos 14:22

quemaj ryukbaxic quecꞌuꞌx ja kachꞌalal in cꞌo juleꞌ paxbanem queyaꞌ chique quewariꞌ: —Cow quixpeꞌi, maxta teyaꞌ can ja yukulbal ecꞌuꞌx ruqꞌuin ja Jesucristo. Kanojel ja nokoc chipan ja gobierno xin Dios ni rjawaxic wiꞌ chi qꞌuiy rwach ja rpokonal npi na chakij rmal, xecheꞌ chique.

Romanos 5:3

In jun chic, congana nokquicot rmal chakajaꞌ ja rpokonal ja nkatij pa rubiꞌ ja Jesucristo. Nokquicoti como bien kotak chi chipan ja rpokonal nqꞌuiy wiꞌ más ja kapaciencia.

1 Corintios 6:11

In ecꞌoli chewe ja re quitakariꞌ nabey ja caniꞌ cꞌa xinbij kaj. Pro ja camic chꞌachꞌojirsan chic ja rewanma, camic ixpartiꞌin chic chi neban ja samaj xin Dios in camic ixcꞌulun chic rmal ja Dios, arjaꞌ rbanon chic chewe caniꞌ mta ewil emac ebanon. Pro xa rmal ja xa jun ebanon ruqꞌuin ja kajaw Jesucristo chewiꞌ tok banon queriꞌ chewe in rmal chakajaꞌ ja samaji pa tak ewanma ja rEspíritu Santo ja takonto rmal ja katataꞌ Dios.

2 Tesalonicenses 1:4

Rmalcꞌariꞌ tok congana nkayaꞌ ekꞌij ja tok nokbe cuqꞌuin ja kachꞌalal pa tak iglesia como ixix congana ecochꞌon ja rpokonal ja remajon rtijic in ni yukul wiꞌ ecꞌuꞌx ruqꞌuin ja Jesucristo.

Hebreos 13:12

Queriꞌ cꞌa ban tre ja Jesús chakajaꞌ lasaxel chipan ja tinamit, junwiꞌ xecamsax wiꞌ. Ja cꞌa rquiqꞌuel jariꞌ xchꞌachꞌojirsbej ja kanma ja rok winak chipan ja kil kamac.

Hebreos 9:14

Pior cꞌa ja rquiqꞌuel ja Cristo jariꞌ más chi na nim rsamaj. Ja Cristo arjaꞌ xtzujuj riꞌ chwach ja Dios, camsaxi, xoc jun sacrificio pro jun sacrificio ja ni majun ja maquita tzꞌakat tre in ja toꞌo rxin chi rbanic ja wariꞌ jariꞌ ja rEspíritu Santo ja ni mta wiꞌ qꞌuisic trij. Ja rquiqꞌuel ja Cristo janila nsamaji, nchꞌachꞌojirsaj chi utz ja kanma chi matitiꞌon chic ja kaconciencia in rmalariꞌ nokcowini nkayaꞌ can ja kabanon jeꞌe ja xa camíc rcꞌamonto in noksamaj chic pa rcuenta ja cꞌaslic Dios.

1 Pedro 1:19

Pro ja lokꞌlaj rquiqꞌuel ja Cristo jariꞌ xixlokꞌbexi. Ja cꞌa Cristo arjaꞌ camsaxi, ban sacrificar ja caniꞌ nba̱n tre jun carnelo ja ni majun nak ta falta tre.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel

Apocalipsis 12:11

Pro ja rejeꞌeꞌ quechꞌec ja Diablo, ja quichꞌecbej rxin jariꞌ ja rquiqꞌuel ja Carnelo in chakajaꞌ ja testigoꞌil queyaꞌ tre ja Jesucristo in ma xquipokonaj ta queyaꞌ quiꞌ pa camíc rmal.

Apocalipsis 15:2

In cꞌoli xintzꞌat caniꞌ jun mar ja vidrio ocnak in caniꞌ kꞌakꞌ ryujun riꞌ ruqꞌuin. In xenutzꞌat ja winak ja xechꞌocmaji ja ma xban ta cowinem chiquij rmal ja ritzel chicop in ma xexuqueꞌ ta chwach ja rachbal in ma xqueyaꞌ ta lugar tre chi ncoji ja retal chique in nixtacꞌa ja número rxin ja rubiꞌ coj ta chique chakajaꞌ, ejeꞌeꞌ epaꞌl chuchiꞌ ja mar ja vidrio ocnak, cucꞌan ja arpa xin Dios.

Apocalipsis 17:6

Ja rixok xintzꞌat arjaꞌ kꞌabarel pro ja kꞌabarsan rxin jariꞌ ja quiquiqꞌuel ja tinamit xin Dios in ja quiquiqꞌuel ja xecam rmal ja yukulbal quecꞌuꞌx ruqꞌuin ja Jesús. Ja ranin congana cꞌascꞌoꞌi xintzꞌat ja rixok.

Apocalipsis 2:9

—Anin bien wotak ja rebanon, wotak chi congana rpokonal etijon, wotak chi congana ix tak mebaꞌiꞌ pro ix biyomaꞌ chwach ja Dios rmal ja yukulbal ecꞌuꞌx ruqꞌuin. In wotak chakajaꞌ chi congana itzel tak tzij nbix chewe cumal ja winak ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj. Pro ejeꞌeꞌ xa jun molbal riꞌil rxin ja Satanás eꞌocnak wiꞌ.

Apocalipsis 22:14

Congana quiꞌil chique ja nquechꞌaj quitziak chipan ja rquiqꞌuel ja Carnelo utzcꞌa chi cꞌo quekꞌaꞌ tre ja cheꞌ ja rcꞌamonto ja utzlaj cꞌaslemal ja mta qꞌuisic trij utzcꞌa chakajaꞌ ja tok neꞌekaj chuchiꞌ ja puerta rxin ja tinamit nya̱ꞌ lugar chique chi neꞌoc chipan.

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.

Apocalipsis 7:9

Ja cꞌa tok tzꞌattaj mwal awaꞌ wariꞌ ecꞌo juleꞌ winak xenutzꞌat pro congana e qꞌuiy, ni majun winak cowin ta xeralaj ta, nojel nación epenak wiꞌ, nojel tribu epenak wiꞌ, nojel tinamit epenak wiꞌ in nojel tzobal netzijon wiꞌ. Ejeꞌeꞌ epaꞌloc chwach ja trono in chwach ja Carnelo, quicojon juleꞌ tziak sak in cucꞌan rxak tak palma pa quekꞌaꞌ.