Apocalipsis 7:12 - Tz'utujil (Ja Cꞌacꞌa Chominem)

¹² in quewaꞌ quibij riꞌ: —Amén. Ja kaDios ni ta xtibix wiꞌ utzlaj tak tzij tre, ni ta xtiyaꞌ wiꞌ rukꞌij, ni ta xtinatax wiꞌ chi janila nim rukꞌij in janila nim ja rnaꞌoj, ni ta xtimaltioxix wiꞌ tre, ni ta xtiban wiꞌ respetar, ni ta xtinatax wiꞌ ja nimlaj poder ja cꞌo pa rukꞌaꞌ in janila nim ja rchokꞌakꞌ. Ni ta quirwariꞌ xtiban tre camic, chwak in chijutij. Amén. Queriꞌ ja quibij.

Tz'utujil NT

¹² Cawra necbij ra: —Amén. Ne tbix wa' utzlaj tak tzij tzra kaDios, nte xtya' wa' ruk'ij, nte xtnatax wa' che ajni'la nim ruk'ij y ajni'la nim rna'oj, xtmeltioxix ta tzra njelal achnak, nte xtba'n wa' respetar, nte xtnatax wa' jnimlaj rpoder y ajni'la nim rchuk'a'. Nte cara' xtba'na tzra camic y rxin junlic chpam je' tiemp rxin je' tiemp. Amén. Cara' xecbij.

Apocalipsis 7:12 Iomraidhean Croise

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

Romanos 11:36

Queriꞌ nbij como ja Dios arjaꞌ winakarsyon nojelal, arjaꞌ paꞌl trij nojelal in chakajaꞌ noc na nojelal yaꞌbal rukꞌij. Kas ta xtiyaꞌ rukꞌij camic, chwak in chijutij. Amén.

1 Corintios 14:16

Ja cꞌa tok wi cꞌoli namaltioxij tre ja Dios pro wi xa ruyon ja respíritu awxin xtacoj chi rmaltioxixic tre jariꞌ mta moda: —Amén, xquecheꞌ ta ja kachꞌalal ja ma yatajnak ta chique chi nquechꞌob ja nbij ja respíritu awxin. Mta moda como ejeꞌeꞌ matichꞌobtaj cumal nak la namaltioxij tre ja Dios.

2 Corintios 4:15

Queriꞌ nbij chewe como nojel ja noktajini nokkꞌax chipan camic utzcꞌa chi cꞌoli rcꞌamonpi ixix chewe. Queriꞌ nkaban utzcꞌa ja rutzil ja nsipaj ja Dios jariꞌ nbe más nbe más cuqꞌuin ja winak in tok nbe más cuqꞌuin jariꞌ más chi na e qꞌuiy nemaltioxin tre ja Dios in nojel ariꞌ noqui como yaꞌbal rukꞌij ja Dios.

Colosenses 2:7

Quixtiqueꞌe chi utz ruqꞌuin caniꞌ rbanic jun cheꞌ ja nat benak rcꞌamal pa tokꞌulew in caniꞌ rbanic jun jay ja bien tzꞌubul parwiꞌ ja rsimientoꞌil. Ticowiri chi utz ja recꞌuꞌx ruqꞌuin ja tijonem xin Jesucristo ja caniꞌ cꞌutun chic chewach in ni ta nemaltioxij wiꞌ tre ja Dios nojelal.

Colosenses 3:17

Xa nak ta nebij jeꞌe in xa nak ta neban jeꞌe chakajaꞌ pro tebanaꞌ nojel pa rubiꞌ ja kajaw Jesucristo in rmal ta ja Jesucristo chakajaꞌ nemaltioxij tre ja katataꞌ Dios nojel ja rbanon chewe.

Judas 1:25

Xa ruyon arjaꞌ Dios, mchita jun. Ni majun nkꞌiꞌowi ja rnaꞌoj, arjaꞌ Toꞌonel kaxin. Ni ta xtiyaꞌ wiꞌ rukꞌij, ni ta xtinatax wiꞌ chi arjaꞌ nimlaj Rey, ni ta arjaꞌ wiꞌ xtibano mandar in ni ta xtinatax wiꞌ ja nimlaj poder ja cꞌo pa rukꞌaꞌ. Ni ta quirwariꞌ xtiban tre camic, chwak in chijutij. Amén.

Apocalipsis 1:18

Anin ja nij incꞌas wiꞌ, xincami pro ja camic tatzꞌataꞌ mpeꞌ incꞌas chic in ni mchita wiꞌ camíc chwij, amén. In cꞌo nukꞌaꞌ tre ja camíc in cꞌo nukꞌaꞌ tre chakajaꞌ ja lugar ja bar nqꞌuejeꞌ wiꞌ canma ja camnakiꞌ.

Apocalipsis 19:4

Ja cꞌa veinticuatro anciano e cachbil ja re quijiꞌ, ejeꞌeꞌ xexuqueꞌe, quemaj ryaꞌic rukꞌij ja Dios ja tzꞌubul chipan ja rtrono, quewaꞌ nquibij tre riꞌ: —Amén. Aleluya, necheꞌ tre.