Apocalipsis 6:2 - Tz'utujil (Ja Cꞌacꞌa Chominem)

² In chaka jalal tok xintzꞌat jun quiej sak rij in cꞌo jun tzꞌubul trij rcꞌan jun arco ja nbanbej chꞌaꞌoj. Cꞌo jun corona jach tre. Ja cꞌa tok jachtajel tre cꞌacꞌariꞌ be, xumaj quichꞌaquic ja rcꞌulel, be chi quichꞌaquic canojelal.

Tz'utujil NT

² Y chek q'uenjlal xentz'et jun quiej sak rij, y c'ola jun tz'bula tzrij rc'an jun arco je nbanbej ch'oj. C'ola jun corona xja'cha tzra. Tak xjachtaj ela tzra c'jara' xba xumaj cch'aquic rec'lel ch-utz c'ara' nqueruch'ec per ne rxin junlic.

Apocalipsis 6:2 Iomraidhean Croise

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

1 Corintios 15:25

Queriꞌ cꞌa rbanic como ni rjawaxic wiꞌ chi nqꞌuejeꞌe ja gobierno pa rukꞌaꞌ jaruꞌ pa tiempo ecꞌo rcꞌulel ja majaꞌn querkajsaj. Ja cꞌa tok erkajsan chic pro ni canojelal cꞌa tokoriꞌ xtujach ja rgobierno pa rukꞌaꞌ ja Tatixel.

Apocalipsis 11:15

Jun chic ángel xulaj ja rtrompeta. Ja cꞌa tok xultaj rmal cꞌo juleꞌ nimak tak kulaj cꞌaxaxi chilaꞌ chicaj, quewaꞌ nbij riꞌ: —Ja gobierno jeꞌe ja cꞌo chwachꞌulew, camic ocnak pa rukꞌaꞌ ja kajaw Dios in pa rukꞌaꞌ ja Cristo ja rchaꞌon. Camic arjaꞌ nbano mandar como Rey in ni nuban wiꞌ mandar camic, chwak in chijutij, neꞌe.

Apocalipsis 11:18

Ja nación jeꞌe congana yictaj quiyewal chawij pro ja camic xurwilaꞌ ja kꞌij chi atat yictaj awayewal chiquij. Camic xurwilaꞌ ja kꞌij chi nkꞌe̱t tzij chiquij ja camnakiꞌ in xurwilaꞌ ja kꞌij ja nyataj wiꞌ ja rtojbalil chique ja rajsamajelaꞌ awxin caniꞌ chique ja profeta in caniꞌ chique ja juleꞌ chic tinamit awxin, caniꞌ chique canojelal ja nqueban respetar ja rabiꞌ chi nimak quekꞌij chi ma nimak ta quekꞌij. Camic xurwilaꞌ ja kꞌij chi ja neyojo rxin ja rwachꞌulew neyojtaj ejeꞌeꞌ chakajaꞌ. Queriꞌ ja quibij tre.

Apocalipsis 14:14

In cꞌa cꞌo na más xintzꞌat, chaka jalal tok xintzꞌat juleꞌ sutzꞌ sak in cꞌo jun tzꞌubul parwiꞌ, ja ncaꞌyi caniꞌ ncaꞌyi ja Ralcꞌwalaxel ja xoc alaxic cuqꞌuin ja winak. Arjaꞌ cꞌo jun corona rcojon puro oro ocnak in cꞌo jun woso rcꞌan congana is rutzaꞌm.

Apocalipsis 15:2

In cꞌoli xintzꞌat caniꞌ jun mar ja vidrio ocnak in caniꞌ kꞌakꞌ ryujun riꞌ ruqꞌuin. In xenutzꞌat ja winak ja xechꞌocmaji ja ma xban ta cowinem chiquij rmal ja ritzel chicop in ma xexuqueꞌ ta chwach ja rachbal in ma xqueyaꞌ ta lugar tre chi ncoji ja retal chique in nixtacꞌa ja número rxin ja rubiꞌ coj ta chique chakajaꞌ, ejeꞌeꞌ epaꞌl chuchiꞌ ja mar ja vidrio ocnak, cucꞌan ja arpa xin Dios.

Apocalipsis 17:14

Ejeꞌeꞌ nechꞌojin na ruqꞌuin ja Carnelo pro ja cꞌa Carnelo arjaꞌ nchꞌocmaji. Nchꞌocmaji como arjaꞌ ocnak Jefe quixin nimak tak jefe, arjaꞌ ocnak Rey quixin nimak tak rey. Ja cꞌa rachbil ejeꞌeꞌ esiqꞌuin echaꞌon rmal ja Dios in ni yukul wiꞌ quecꞌuꞌx ruqꞌuin. Queriꞌ xbij ja ángel chwe.

Apocalipsis 19:14

In ja recꞌo chipan ja rejército jeꞌe xin chilaꞌ chicaj ja nechꞌojin pa rcuenta ja Dios ejeꞌeꞌ etran trij, etzꞌubul chi tak quiej sak quij, quicojon juleꞌ tziak lino ja más chi na buena, congana sak in congana chꞌajchꞌoj.

Apocalipsis 3:21

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi neꞌoc wach tak kꞌetol tzij, nincachbilaj chipan ja ntrono caniꞌ xinban anin xinchꞌocmaji in xinwachbilaj ja nataꞌ Dios chipan ja rtrono.

Apocalipsis 9:7

Ja sacꞌ ja necaꞌyi e caniꞌ juleꞌ quiej ja rewekon chic chi nebe pa chꞌaꞌoj. Ja quicojon pa quewiꞌ caniꞌ corona ntzꞌati ja oro ocnak. Ja quipalaj caniꞌ quipalaj winak.