Apocalipsis 6:16 - Tz'utujil (Ja Cꞌacꞌa Chominem)

¹⁶ In quewaꞌ quibij riꞌ: —Camic, ta titzakpi chakij ja jayuꞌ, ta titzakpi chakij ja nimak tak abaj, korwawaj chwach ja tzꞌubul chipan ja trono utzcꞌa chi matikatzꞌat rwach in korwawaj chwach ryewal ja Carnelo.

Tz'utujil NT

¹⁶ Y cawra xecbij ra: —Camic ttzak pa chkij je' jyu', ttzak pa chkij nmak tak abaj y korwiwaj chwech je tz'bula chpam trono ch-utz c'ara' chmajo'n nkatz'et ta rwech, y korwiwaj chwech ryiwal Carne'l,

Apocalipsis 6:16 Iomraidhean Croise

San Mateo 26:64

Ja cꞌa Jesús arjaꞌ xbij tre: —Queriꞌ nacꞌa ja caniꞌ nabij leꞌ. In bien tecꞌwaxaj ja xtinbij chewe riꞌ, camic nemajel rtzꞌatic ja xtuban ja Ralcꞌwalaxel ja xoc alaxic cuqꞌuin ja winak, arjaꞌ pa riquikꞌaꞌ ja Dios ntzꞌabeꞌ wiꞌ ja bar cꞌo wiꞌ ja nimlaj poder rxin in netzꞌat chakajaꞌ ja tok xtipi chic jutij cꞌamonto rmal juleꞌ sutzꞌ xin chicaj, neꞌ tre.

Marcos 3:5

Cꞌacꞌariꞌ pi ryewal ja Jesús chiquij in xertzꞌelwachij, congana bison cumal rumac ja ni mta wiꞌ quigana nchꞌobtaj cumal ja xbij chique. In xbij chic tre ja rachi ja siquirnak jun rukꞌaꞌ: —Tayukuꞌ ja rakꞌaꞌ, neꞌ tre. Ja cꞌa rachi xumaj ryukic ja rukꞌaꞌ in tzuri.

San Lucas 23:30

Ja tok xterilaꞌ ja cꞌayewalaj tiempo quewaꞌ xtiquemaj rbixic ja winak riꞌ: —Mejor ta titzakto chakij ja nimak tak jayuꞌ, ta korumuk ja cocojlaj tak jayuꞌ chakajaꞌ, xquecheꞌe.

Apocalipsis 10:6

in xuban jun juramento pa rubiꞌ ja Dios. Jariꞌ Dios ja ni mta wiꞌ camíc trij, arjaꞌ winakarsyon ja caj in nojel ja rcꞌan in arjaꞌ winakarsyon ja rwachꞌulew in nojel ja rcꞌan in arjaꞌ winakarsyon ja mar in nojel ja cꞌo chipan chakajaꞌ. Quewaꞌ ja juramento ja xuban ja ángel riꞌ: —Ja Dios arjaꞌ matuyaꞌ chic tiempo tre ja nimlaj juicio

Apocalipsis 19:15

Cꞌo jun espada elnakto pa ruchiꞌ congana is rutzaꞌm, jariꞌ nucoj chiquij ja winak ja recꞌo pa tak nación jeꞌe chi nersocbej. Congana jun nimlaj poder nqꞌuejeꞌ pa rukꞌaꞌ ja nucoj chiquij chi cow neruchap tre in nerbanbej mandar. Arjaꞌ neruyaꞌ ja winak chipan jun nimlaj rpokonal, nerupakꞌ chi rkan caniꞌ nuban jun achi nupakꞌ chakan ja uva chipan ja jul ja bar nlasax wiꞌ ja riyaꞌl in ja Dios ja ni majun poder ja maquita cꞌo pa rukꞌaꞌ, arjaꞌ janila ncꞌotsaj ryewal chiquij.

Apocalipsis 20:11

Cꞌacꞌariꞌ cꞌo jun nimlaj trono sak xintzꞌat in chakajaꞌ xintzꞌat ja tzꞌubul chipan. Qꞌuisi ja caj, qꞌuisi ja rwachꞌulew, ma xucochꞌ ta qꞌuejeꞌ ta chwach ja tzꞌubul chipan ja trono, sachi pro chijutij.

Apocalipsis 4:2

Chaka maril xinqꞌuejeꞌ pa rukꞌaꞌ ja rEspíritu Santo in ja xintzꞌat cꞌo jun trono chomin chilaꞌ chicaj in cꞌo jun tzꞌubul chipan.

Apocalipsis 4:5

In ja chipan ja trono congana kꞌakꞌ nuqꞌuiak riꞌ nelto chipan in quiakolijay chakajaꞌ fuerte rukul. Ja chwach ja trono cꞌo wukuꞌ lámpara tzijili, ja wukuꞌ lámpara jariꞌ ja wukuꞌ espíritu rxin ja Dios.

Apocalipsis 4:9

Queriꞌ nqueban chi e quijiꞌ, ni nqueyaꞌ wiꞌ rukꞌij ja Dios ja tzꞌubul chipan ja trono ja ni mta wiꞌ camíc trij in nquimaltioxij tre.

Apocalipsis 5:1

In xintzꞌat ja tzꞌubul chipan ja trono chi arjaꞌ cꞌo jun wuj boton rcꞌan pa rukꞌaꞌ riquikꞌaꞌ. Ja cꞌa wuj cꞌoli tzꞌibtal chwach pro ni chi caꞌiꞌ paraj tzꞌibtal wiꞌ. Ja cꞌa ruchiꞌ ja wuj kꞌolin tre wukuꞌ rkan sello utzcꞌa chi matisoltaji.

Apocalipsis 6:10

Ejeꞌeꞌ congana querak quechiꞌ in quewaꞌ quibij tre ja Dios riꞌ: —Kajaw, atat ni chꞌajchꞌoj wiꞌ ja rawanma, ni naban wiꞌ cumplir ja nabij. ¿Nak kꞌij nakꞌet tzij chiquij ja recꞌo chwachꞌulew ja xecamsan kaxin? ¿Nak kꞌij nayaꞌ rjil rcꞌaxel chique? xecheꞌ tre.

Apocalipsis 9:6

Chipan ariꞌ tiempo ja winak xtiquicanoj nak nqueban chi necami pro maquecami, congana nquiyarij ja necami pro ni maquecam wiꞌ.