Apocalipsis 6:12 - Tz'utujil (Ja Cꞌacꞌa Chominem)

¹² Ja cꞌa Carnelo xlasaj chic jun ja sello. Ja cꞌa tok lastaj rmal chaka jalal tok xintzꞌat cꞌo jun nimlaj cubarkan xuban, ja cꞌa kꞌij xoc kꞌekuꞌm caniꞌ jun tziak xucoj banbal bis, ja cꞌa icꞌ xoqui caniꞌ quicꞌ pro ni chi jun.

Tz'utujil NT

¹² Ja' Carne'l xelsaj chic jun sello. Tak xlestaja rmal chek q'uenjlal xentz'et c'ola jun nimlaj cbarkan xuban, xoca k'ejku'm jk'ij ajni' xucsaj jun tziak rxin bis, y chka' j-ic' xoca ajni' quic' per ne pnenter.

Apocalipsis 6:12 Iomraidhean Croise

San Mateo 11:21

—Congana lawuloꞌ chewe ixix ja rix aj Corazín in congana lawuloꞌ chewe ixix chakajaꞌ ja rix aj Betsaida. Queriꞌ nbij chewe como congana nimak tak milagro xinban chewach pro ni ma xeqꞌuex ta wiꞌ ja renaꞌoj. Ja nimak tak milagro xinban chewach wixta ban chiquewach ja ritzel tak winak ja raj Tiro in ja raj Sidón ojer queqꞌuex ta cꞌariꞌ ja quinaꞌoj in queyaꞌ can ta cꞌariꞌ ja ritzelal, queban ta cꞌariꞌ ja nquicꞌutbej quiꞌ chi ntiꞌon chique ja ritzelal ja quibanon chipan ja quicꞌaslemal.

San Mateo 24:29

Ja tok chaka maril xtocꞌowi jawaꞌ nimlaj rpokonal riꞌ cꞌacꞌariꞌ maticaꞌy chic ja kꞌij, nkꞌekumiri in maticaꞌy chic ja icꞌ chakajaꞌ. Ja cꞌa chꞌumil jariꞌ netzakto in ja nimak tak poder rxin ja caj nsi̱l na.

San Mateo 24:7

Queriꞌ nbij chewe como cꞌo jeꞌe tinamit xtiyictaj na trij juleꞌ chic tinamit in chakajaꞌ ja gobierno jeꞌe nyictaj trij juleꞌ chic gobierno. In chakajaꞌ cꞌo nimak tak rcꞌayewal xtiwinakar na pa tak lugar jeꞌe caniꞌ tre nimak tak waꞌal, nimak tak yobil in cubarkan.

San Mateo 27:45

Ja pa ncꞌajkꞌij cꞌo jun nimlaj kꞌekuꞌm xoqui nojel chwachꞌulew, cꞌa a las tres xin takakꞌij sakar chic jutij.

San Mateo 27:54

Ja capitán e rachbil ja recꞌo ruqꞌuin chi rchajixic ja Jesús ejeꞌeꞌ quetzꞌat ja cubarkan xuban, quetzꞌat nojel ja bantaji in congana quixbej quiꞌ rmal: —Jalaꞌ rachi leꞌ ni katzij wiꞌ chi Ralcꞌwal Dios, xecheꞌe.

San Mateo 28:2

Chaka cꞌa jalal cꞌo jun nimlaj cubarkan xuban rumac jun ángel rxin ja kajaw Dios kajto chilaꞌ chicaj, xlasaj ja rabaj ja tzꞌapben ruchiꞌ ja panteón in tzꞌabeꞌ parwiꞌ.

Marcos 15:33

Ja pa ncꞌajkꞌij cꞌo jun nimlaj kꞌekuꞌm xoqui nojel rwachꞌulew, cꞌa a las tres xin takakꞌij sakar chic jutij.

Apocalipsis 11:13

Ni jariꞌ hora cꞌo jun nimlaj cubarkan xuban in jun décima parte tre ja tinamit be chi tokꞌulew rmal. In e wukuꞌ mil ja xecam rmal ja cubarkan. Ja cꞌa juleꞌ chic congana quixbej quiꞌ in quemaj ryaꞌic rukꞌij ja Dios ja cꞌo chilaꞌ chicaj.

Apocalipsis 16:18

In congana kꞌakꞌ nuqꞌuiak riꞌ, cꞌo jeꞌe kulaj ncꞌaxaxi, fuerte rukul, cꞌo juleꞌ quiakolijay xuban in xuban jun nimlaj cubarkan pro congana nim. Jaruꞌ pa tiempo ja recꞌoli winak chwachꞌulew ni mta wiꞌ jun cubarkan ja queriꞌ chi ta rbanon.

Apocalipsis 16:8

In jun chic ángel ja vaso rcꞌan, ja cꞌo chipan jariꞌ xutix trij ja kꞌij. Ja cꞌa kꞌij yataj tre chi janila pi más rchokꞌakꞌ, lawuloꞌ xuban chique ja winak tre ja cꞌatan.

Apocalipsis 8:12

Jun chic ángel xulaj ja rtrompeta. Ja cꞌa tok xultaj rmal cꞌoli xuban ja kꞌij rmal como yojtaji ja tercera parte rmal. In queriꞌ tre icꞌ in chique chꞌumil chakajaꞌ yojtaji ja tercera parte rmal. Ja kꞌij, icꞌ in chꞌumil yojtaji ja quechꞌaꞌ in ma xchꞌaꞌan chi ta ja tercera parte rmal. Ja pa kꞌij in ja chakꞌaꞌ ma xchꞌaꞌan chi ta ja tercera parte rxin ja kꞌij nixtacꞌa ja tercera parte quixin ja chꞌumil in icꞌ.

Apocalipsis 8:5

Ja cꞌa ángel arjaꞌ xucꞌam ja rcꞌolbal incienso in xucꞌam ja rchakꞌakꞌ ja cꞌo parwiꞌ altar, xnojsaj chipan in xutix chwach ja rwachꞌulew. Ja cꞌa tok tixtaj rmal cꞌo juleꞌ quiakolijay xuban, fuerte rukul in cꞌo kꞌakꞌ nuqꞌuiak riꞌ in xuban jun cubarkan.