Apocalipsis 5:5 - Tz'utujil (Ja Cꞌacꞌa Chominem)

⁵ Cꞌacꞌariꞌ pi jun chique ja ranciano in quewaꞌ xbij chwe riꞌ: —Ma catokꞌ ta, tatzꞌataꞌ mpeꞌ leꞌ cꞌo jun, arjaꞌ chꞌeco rxin ja ritzelal, arjaꞌ ja Cój neꞌxi, arjaꞌ jun chique ja riy rumam can ja Judá in chakajaꞌ riy rumam can ja rojer rey David. Arjaꞌ chꞌocmaji in rmalariꞌ ncowini nlasaj ja wukuꞌ rkan sello rcꞌan ja wuj in nusol.

Tz'utujil NT

⁵ C'jara' xpeta jun chca anciano y cawra xbij chwa ra: —Me tcatok' ta, tetz'ta' mpa' c'ola jun, arja' xuch'ec rtzilal, arja' Cój nbixa tzra y arja' jun chca riy rumam Judá, y chka' riy rumam ja ojer rey David. Arja' xch'ecmaja y rmal c'ara' necwina nelsaj je wku' rkan sello je rc'an wuj y nusol.

Apocalipsis 5:5 Iomraidhean Croise

San Lucas 23:28

Pro ja Jesús arjaꞌ xuyaꞌ vuelta in quewaꞌ xbij chique riꞌ: —Ma quinewokꞌej ta ixokiꞌ ja rix aj Jerusalén. Mejor ja neban, tewokꞌej ewiꞌ ixix in tewokꞌej quewach ja tak ewal chakajaꞌ.

San Lucas 7:13

Ja cꞌa kajaw Jesús tok xutzꞌat ja rixok congana xpokonaj rwach: —Ma catokꞌ ta, neꞌ tre.

San Lucas 8:52

Canojel ja winak quimajon okꞌej in congana sícꞌ nqueban. Ja cꞌa Jesús xbij chique: —Ma quixokꞌ ta como ja xtan ma camnak ta, xa waram rbanon, neꞌ chique.

San Juan 20:13

Quewaꞌ quibij tre ja María riꞌ: —Ixok ¿nak tre tok natokꞌi? xecheꞌ tre. —Cꞌamarel ja Wajaw in ma wotak ta ba la xeya̱ꞌ chi wiꞌ, neꞌe ja María chique.

Romanos 1:3

Jawaꞌ utzlaj tzij ja xinbij chewe riꞌ jawaꞌ ncꞌutu chikawach nak rbanic ja Ralcꞌwal Dios. Ja cꞌa Ralcꞌwal Dios arjaꞌ riy rumam can ja rojer rey David, xoc kach winak.

Romanos 15:12

In jun chic ja tzꞌibtal can rmal ja rojer profeta Isaías tre ja Cristo, quewaꞌ nbij riꞌ: —Cꞌo jun Toꞌonel nalax na, arjaꞌ riy rumam can ja rIsaí. Arjaꞌ xtoc na rey pa quewiꞌ ja winak ja ma e aj Israel ta in ja rejeꞌeꞌ kas xquequicoti chi raybexic nojel ja rtzujun can ja Dios chique. Queriꞌ ja tzꞌibtal can.

Apocalipsis 1:1

Anin in Juan. Jawaꞌ ja xtintzꞌibaj riꞌ Jesucristo kꞌalasyon chinwach. Arjaꞌ yataj tre rmal ja Dios chi nkꞌalasaj utzcꞌa chi jariꞌ ncꞌutbej chikawach ja rok ajsamajelaꞌ rxin nak ja xtibantaj na cumplir chanim. Ja xucoj chi rkꞌalasaxic cꞌo jun ángel xutak wqꞌuin ja rin ajsamajel rxin.

Apocalipsis 22:16

Ja Jesús quewaꞌ nbij riꞌ: —Anin in Jesús, ja ángel wxin arjaꞌ ntakon ewqꞌuin chi neryaꞌaꞌ rbixic chique ja riglesia nojel awaꞌ ja nkꞌalasan riꞌ. Anin in riy rumam can ja rojer rey David, ruqꞌuin arjaꞌ inelnakto wiꞌ. Anin in caniꞌ ja chꞌumil ja xin pa sakaric ja congana ruchꞌaꞌ, neꞌe.

Apocalipsis 3:21

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi neꞌoc wach tak kꞌetol tzij, nincachbilaj chipan ja ntrono caniꞌ xinban anin xinchꞌocmaji in xinwachbilaj ja nataꞌ Dios chipan ja rtrono.

Apocalipsis 4:10

Ja tok nqueban queriꞌ ja cꞌa veinticuatro anciano ejeꞌeꞌ nexuqueꞌ chwach ja Dios ja tzꞌubul chipan ja trono in nqueyaꞌ rukꞌij como arjaꞌ ni mta wiꞌ camíc trij. Nquiwasaj ja quicorona, nqueyaꞌoc chwach ja trono in quewaꞌ nquibixaj riꞌ:

Apocalipsis 4:4

Ja cꞌa trono cꞌo chic veinticuatro trono rsutin riꞌ trij in ecꞌo veinticuatro anciano e jujun etzꞌubul chipan. Ejeꞌeꞌ quicojon sakatak tziak in quicojon jujun corona pa quewiꞌ oro ocnak.

Apocalipsis 5:4

Ja cꞌa ranin congana okꞌej nban rumac ja mta jun yatal ta trij chi xtusol ta ja wuj xtisiqꞌuij ta rwach in nixtacꞌa xtutzꞌat ta jutzꞌit.

Apocalipsis 6:1

In xintzꞌat ja Carnelo tok xlasaj jun tre ja wukuꞌ rkan sello in pi jun chique ja re quijiꞌ, cꞌoli xbij xincꞌwaxaj caniꞌ rukul quiakolijay: —Catajoꞌ, tatzꞌataꞌ mpeꞌ leꞌ, neꞌe.

Apocalipsis 7:13

Ja cꞌa ranciano cꞌo jun chique quewaꞌ xbij chwe riꞌ: —Ja winak leꞌ ja quicojon ja tziak sak ¿nak quibanic in bar epenak wiꞌ? neꞌ chwe.