Apocalipsis 4:8 - Tz'utujil (Ja Cꞌacꞌa Chominem)

⁸ In cꞌo wakiꞌ tak quexicꞌ chiquijujunal in ja paquewach chaka bar ta cꞌo wiꞌ, cꞌoli trij ja quexicꞌ in cꞌoli chuxeꞌ chakajaꞌ, in xajutij quimajon bix chi pa kꞌij chi chakꞌaꞌ, quewaꞌ nquibixaj riꞌ: —Santo, santo, santo, queriꞌ rbanic ja kajaw Dios. Arjaꞌ ni majun poder ja maquita cꞌo pa rukꞌaꞌ. Arjaꞌ ni cꞌo wiꞌ ojer in ni cꞌo wiꞌ camic in ni cꞌo wiꞌ chwak, cabij in chijutij, necheꞌe.

Tz'utujil NT

⁸ Y c'ola wajki' quexic' chejujnel, y je ck'awech chkabar c'o wa' com c'ola tzrij quexic' y c'ola xuxe' chka', y njunlic quemjon bix che pk'ij y chak'a', cawra necbixaj ra: —Santo, Santo, Santo, cara' rbanic Kajaw Dios. Arja' nmajo'n poder mquita c'ola pruk'a'. Arja' nc'o wa' ojer, nc'o wa' camic y nc'o wa' chwak cabij y rxin junlic, cara' necbixaj.

Apocalipsis 4:8 Iomraidhean Croise

Hechos 20:31

Rmalcꞌariꞌ ja tok nbij chewe, tebanaꞌ cuenta ewiꞌ, bien turkaj chewe ja roxiꞌ junaꞌ ja xinqꞌuejeꞌ ewqꞌuin, chi pa kꞌij chi chakꞌaꞌ ni cꞌo wiꞌ ja paxbanem xinyaꞌ chewe chejujunal, cꞌo nariꞌ xinokꞌ emwal.

2 Corintios 6:18

ninoc Tatixel ewxin in nixoc tak ncꞌajol, nixoc tak nmeꞌal. Queriꞌ ja bitajnak can rmal ja kajaw Dios ja ni majun poder ja maquita cꞌo pa rukꞌaꞌ.

1 Tesalonicenses 2:9

Wachꞌalal, bien ewotak chi congana samaj kaban chakajaꞌ ja katzukbej kiꞌ. Xoksamaji chi pa kꞌij chi chakꞌaꞌ chewiꞌ tok majun nak ta kayaꞌ ta chi ekul tre ja ncꞌatzin chake ja tok kabij chewe ja utzlaj tzij xin Jesucristo ja rtakonto ja Dios.

1 Timoteo 4:16

Tabanaꞌ cuenta ja racꞌaslemal in tabanaꞌ cuenta ja tijonem ja nayaꞌ chique ja winak chakajaꞌ. Nojel ja xintzꞌibaj chawe maxta tayaꞌ can. Ja wi queriꞌ naban nattotaji chijutij in netotaji chakajaꞌ ja necꞌaxani ja utzlaj tijonem ja nayaꞌ chique.

Hebreos 13:8

Ja Jesucristo arjaꞌ ni mta wiꞌ qꞌuextajic trij. Ja rnaꞌoj iwir niquirwariꞌ camic in niquirwariꞌ chwak cabij, ni mta wiꞌ qꞌuextajic trij.

Apocalipsis 1:4

Jawaꞌ ja nmajon rtzꞌibaxic ntakel ewqꞌuin ja rix wukuꞌ iglesia ja rixcꞌo chipan ja departamento Asia. Ja rutzil ja nsipaj ja Dios rachbil ja quicotemal xin Dios ja tariꞌ xtecochij más tre ja Dios, jariꞌ Dios mta jutij ja maquita cꞌoli, arjaꞌ cꞌoli camic, ni cꞌo wiꞌ ojer in ni cꞌo wiꞌ chwak cabij in chijutij, in xtecochij ta chique chakajaꞌ ja wukuꞌ espíritu ja recꞌoloc chwach ja trono rxin Dios,

Apocalipsis 1:8

Quewaꞌ nbij ja kajaw Dios riꞌ: —Anin nij incꞌo chi wiꞌ ja tok tzꞌucarto ja rwachꞌulew in nij incꞌo wiꞌ ja tok xteqꞌuisi ja rwachꞌulew chakajaꞌ, neꞌe. Jariꞌ Dios mta jutij ja maquita cꞌoli, arjaꞌ cꞌoli camic, ni cꞌo wiꞌ ojer in ni cꞌo wiꞌ chwak cabij in chijutij, arjaꞌ ni majun poder ja maquita cꞌo pa rukꞌaꞌ.

Apocalipsis 11:17

in quewaꞌ quibij tre riꞌ: —Kajaw Dios, atat ni majun poder ja maquita cꞌo pan akꞌaꞌ, atat nij at cꞌo wiꞌ camic, nij atcꞌo wiꞌ ojer in nij atcꞌo wiꞌ chwak, cabij in chijutij. Camic nkamaltioxij chawe chi xacoj ja nimlaj poder ja cꞌo pan akꞌaꞌ in atat chic ja natbano mandar como Rey.

Apocalipsis 14:11

Congana sib neli chipan ja lugar ja bar nquetij wiꞌ rpokonal. Ja cꞌa sib njoteꞌe njoteꞌe, ni mta wiꞌ qꞌuisic trij. Nixtacꞌa nexulaꞌn ta jutzꞌit, chi pa kꞌij chi chakꞌaꞌ nij ecꞌo wiꞌ chipan ja rpokonal. Queriꞌ cꞌa nba̱n chique ja winak ja nexuqueꞌ chwach ja ritzel chicop in chwach ja rachbal chakajaꞌ in chique canojel xa nak ta ja neyoꞌ lugar tre chi nco̱j chique ja retal rubiꞌ ja ritzel chicop.

Apocalipsis 14:3

quimajon rbixaxic jun cꞌacꞌa bix. Ja lugar ja bar nebixanoc wiꞌ, chwach ja trono rxin ja Dios in chiquewach ja re quijiꞌ in chiquewach ja ranciano. Majun nak chi ta xecowin ta xeꞌotakin ta ja cꞌacꞌa bix ja quibixaj, xa queyon ja jun ciento cuarenticuatro mil winak xeꞌotakini, ejeꞌeꞌ riꞌ ja xelokꞌi xetotaji chiquicojol ja winak ja recꞌo chwachꞌulew.

Apocalipsis 15:3

Ejeꞌeꞌ quimajon rbixaxic ja bix rxin ja Moisés ja rajsamajel rxin ja Dios in ja bix rxin ja Carnelo chakajaꞌ, quewaꞌ nquibij riꞌ: —Kajaw Dios, janila ja poder cꞌol awqꞌuin, ni majun ja maquita natcowini naban, ja samaj naban jeꞌe congana nimak rukꞌij in congana cꞌascꞌoꞌi ntzꞌati. Atat at Rey quixin ja ratinamit, nojel ja naban ni rubey wiꞌ in ni katzij wiꞌ chakajaꞌ.

Apocalipsis 15:7

Pi jun chique ja re quijiꞌ, xujach jujun vaso chique ja wukuꞌ ángel oro ocnak. Ja cꞌa vaso nojnak ryewal ja Dios chipan, jariꞌ Dios ja ni mta wiꞌ camíc trij.

Apocalipsis 16:14

E itzel tak espíritu como ejeꞌeꞌ e espíritu quixin demonio. Ejeꞌeꞌ cꞌo juleꞌ milagro nqueban, nebe cuqꞌuin canojel ja rey ja recꞌo chwachꞌulew neꞌequimoloꞌ. Queriꞌ nqueban utzcꞌa chi ja rey nqueban ja nimlaj chꞌaꞌoj ja xtibani ja tok xterilaꞌ ja nimlaj kꞌij rxin ja Dios, jariꞌ Dios ja ni majun poder ja maquita cꞌo pa rukꞌaꞌ.

Apocalipsis 16:7

In cꞌo chic jun kulaj xincꞌwaxaj, ni triꞌ nelto wiꞌ ja bar cꞌo wiꞌ ja raltar, quewaꞌ nbij riꞌ: —Queriꞌ wajaw Dios, atat at jun Dios ja ni majun poder ja maquita cꞌo pan akꞌaꞌ, nojel ja rpokonal natakto niquirwariꞌ ja caniꞌ abinto in ni rubey wiꞌ chakajaꞌ, neꞌe.

Apocalipsis 19:15

Cꞌo jun espada elnakto pa ruchiꞌ congana is rutzaꞌm, jariꞌ nucoj chiquij ja winak ja recꞌo pa tak nación jeꞌe chi nersocbej. Congana jun nimlaj poder nqꞌuejeꞌ pa rukꞌaꞌ ja nucoj chiquij chi cow neruchap tre in nerbanbej mandar. Arjaꞌ neruyaꞌ ja winak chipan jun nimlaj rpokonal, nerupakꞌ chi rkan caniꞌ nuban jun achi nupakꞌ chakan ja uva chipan ja jul ja bar nlasax wiꞌ ja riyaꞌl in ja Dios ja ni majun poder ja maquita cꞌo pa rukꞌaꞌ, arjaꞌ janila ncꞌotsaj ryewal chiquij.

Apocalipsis 19:4

Ja cꞌa veinticuatro anciano e cachbil ja re quijiꞌ, ejeꞌeꞌ xexuqueꞌe, quemaj ryaꞌic rukꞌij ja Dios ja tzꞌubul chipan ja rtrono, quewaꞌ nquibij tre riꞌ: —Amén. Aleluya, necheꞌ tre.

Apocalipsis 21:22

Ja tinamit mta jun templo xintzꞌat chipan como ja kajaw Dios ja ni majun poder ja maquita cꞌo pa rukꞌaꞌ, arjaꞌ rachbil ja Carnelo ejeꞌeꞌ eꞌocnak templo rxin ja tinamit.

Apocalipsis 3:7

In xbij chic chwe: —Ja ángel ja nchajin rxin ja riglesia ja cꞌo Filadelfia quewaꞌ ja natzꞌibajel tre riꞌ: —Ja Jesucristo ja Santilaj Alcꞌwalaxel, ja ni katzij wiꞌ nojelal ja nbij, ja cꞌo lawe xin David pa rukꞌaꞌ in tok cꞌoli nujak jeꞌe majun nak ta ncowini xtitzꞌapij chi ta in tok cꞌoli ntzꞌapij jeꞌe majun nak ta ncowini xtujak chi ta, arjaꞌ quewaꞌ nbij tre ja riglesia riꞌ:

Apocalipsis 4:4

Ja cꞌa trono cꞌo chic veinticuatro trono rsutin riꞌ trij in ecꞌo veinticuatro anciano e jujun etzꞌubul chipan. Ejeꞌeꞌ quicojon sakatak tziak in quicojon jujun corona pa quewiꞌ oro ocnak.

Apocalipsis 4:6

In cꞌoli caniꞌ jun mar ja cꞌo chwach ja trono pro jun mar ja vidrio ocnak, puro cristal ncaꞌyi. In chakajaꞌ ecꞌo quijiꞌ ja recꞌoloc ruqꞌuin ja trono, ejeꞌeꞌ quisutin quiꞌ trij. Ejeꞌeꞌ nojel necaꞌy wiꞌ como ja paquewach congana qꞌuiy. Ja cꞌa paquewach ma ruyon ta chiquipalaj cꞌo wiꞌ, cꞌoli chi tak quewiꞌ chakajaꞌ.

Apocalipsis 4:9

Queriꞌ nqueban chi e quijiꞌ, ni nqueyaꞌ wiꞌ rukꞌij ja Dios ja tzꞌubul chipan ja trono ja ni mta wiꞌ camíc trij in nquimaltioxij tre.

Apocalipsis 5:6

In chaka jalal ja tok cꞌo jun Carnelo xintzꞌat, arjaꞌ chacali, mero pa nicꞌaj cꞌo wiꞌ tre ja trono in chique ja re quijiꞌ in chique ja ranciano. Ja ncaꞌyi caniꞌ ncaꞌy jun carnelo ja soctajnak ja rocnak jun sacrificio. Wukuꞌ rucꞌaꞌ in wukuꞌ parwach. Ja cꞌa wukuꞌ parwach jariꞌ ja wukuꞌ espíritu xin Dios ja retakonel nat nakaj nojel chwach ja rwachꞌulew.

Apocalipsis 6:1

In xintzꞌat ja Carnelo tok xlasaj jun tre ja wukuꞌ rkan sello in pi jun chique ja re quijiꞌ, cꞌoli xbij xincꞌwaxaj caniꞌ rukul quiakolijay: —Catajoꞌ, tatzꞌataꞌ mpeꞌ leꞌ, neꞌe.

Apocalipsis 6:6

In cꞌo jun kulaj xincꞌwaxaj chiquicojol ja re quijiꞌ quewaꞌ xbij riꞌ: —Ja jun quetzal xa caꞌiꞌ libra trigo nya̱ꞌ chwach in xa wakiꞌ libra cebada nulokꞌ. Pro maxta taban camíc tre ja tijcoꞌm ja nuyaꞌ aceite in vino, neꞌe.

Apocalipsis 7:11

Ja cꞌa ángel canojelal ejeꞌeꞌ epaꞌli, quisutin quiꞌ trij ja lugar ja bar cꞌo wiꞌ ja trono ja bar ecꞌo wiꞌ ja ranciano in bar ecꞌo wiꞌ ja re quijiꞌ. Xexuqueꞌ chwach ja trono in quemaj ryaꞌic rukꞌij ja Dios

Apocalipsis 7:15

Rmalcꞌariꞌ ja tok ecꞌoloc chwach ja trono rxin ja Dios in chi pa kꞌij chi chakꞌaꞌ nesamaj pa rcuenta chipan ja rtemplo. Ja tzꞌubul chipan ja trono nij arjaꞌ ja nqꞌuejeꞌ cuqꞌuin chi quichajixic.