Apocalipsis 4:11 - Tz'utujil (Ja Cꞌacꞌa Chominem)

¹¹ —Atat at kajaw, atat at kaDios, ni yatal wiꞌ chawe chi natkaban respetar in nkayaꞌ akꞌij in ni yatal wiꞌ chawe chi nkanataj ja nimlaj poder ja cꞌo pan akꞌaꞌ. Queriꞌ nkabij chawe como atat xatwinakarsani ja caj in rwachꞌulew, ni majun nak ta ja maquita atat xatwinakarsani. Como niquirwariꞌ ja ravoluntad chi xawinakarsaj xa rmalariꞌ tok cꞌoli nojelal camic in xa rmalariꞌ tok winakarsaxi nojelal, xecheꞌe.

Tz'utujil NT

¹¹ —Atet at Kajaw, atet at kaDios, nyatanak wa' chawa che ncatkaban respetar y nkaya' ak'ij, y nyatanak wa' chawa che neknataj nimlaj poder jc'ola pnak'a'. Cara' nekbij chawa com atet xatwankersana caj ruq'uin rwech ruch'lew, nmajo'n achnak mquita atet xatwankersana. Com ncawara' nrajo' awanm che xawankersaj y xe rmal c'ara' tak c'ola njelal camic y xe rmal c'ara' tak xwankersasa njelal, cara' necbixaj.

Apocalipsis 4:11 Iomraidhean Croise

Hechos 14:15

—¿Nak tre tok neban quewaꞌ chake? Ajoj xa ok winak, xa ok junan ewqꞌuin. Okpenak ewqꞌuin nurkabij chewe chi neꞌeyaꞌ can awaꞌ juleꞌ dios riꞌ ja mta neꞌoc wiꞌ in tiyukeꞌ ecꞌuꞌx ruqꞌuin ja cꞌaslic Dios como arjaꞌ winakarsani ja caj in rwachꞌulew in mar chakajaꞌ. Mta nak ta ja maquita arjaꞌ winakarsyon.

Hechos 17:24

Jariꞌ Dios arjaꞌ winakarsani nojelal, mta nak ta ja maquita arjaꞌ winakarsani como arjaꞌ Rajaw caj Rajaw rwachꞌulew. Ma rjawaxic ta tre chi xtiqꞌuejeꞌ ta pa tak templo ja banon cumal winak.

Romanos 11:36

Queriꞌ nbij como ja Dios arjaꞌ winakarsyon nojelal, arjaꞌ paꞌl trij nojelal in chakajaꞌ noc na nojelal yaꞌbal rukꞌij. Kas ta xtiyaꞌ rukꞌij camic, chwak in chijutij. Amén.

Efesios 3:9

Jawaꞌ samaj yatajnak chwe utzcꞌa chi anin nchꞌob chiquewach canojel ja winak nak rbanic ja rchominto ja Dios ja ma kꞌalasan ta chipan ja juleꞌ chic tiempo ja kꞌaxnak can pro xa ruyon Dios otakyon triꞌ nak rbanic pro jariꞌ jun Dios arjaꞌ winakarsyon nojelal.

Hebreos 1:10

Cꞌo chi na jun tzꞌibtal can tre chakajaꞌ quewaꞌ nbij riꞌ: —Wajaw, atat xatticowi ja rwachꞌulew, ruqꞌuin akꞌaꞌ xawinakarsbej ja caj.

Hebreos 1:2

Pro ja rbanon ja Dios camic chipan awaꞌ qꞌuisbal tak kꞌij rxin ja tiempo ja rokcꞌo wiꞌ riꞌ xucoj ja Ralcꞌwal chi arjaꞌ kꞌalasan chikawach ajoj janiꞌ ja rnaꞌoj. Xuyaꞌ tre ja Ralcꞌwal chi mta nak ta ja maquita noc na pa rukꞌaꞌ in xucoj ja Ralcꞌwal chakajaꞌ chi arjaꞌ winakarsani ja caj in rwachꞌulew.

Apocalipsis 1:6

in xuyaꞌ chake chi ok rey ok sacerdote utzcꞌa chi nkaban ja rsamaj ja Dios ja Tatixel rxin. Ni ta xtiyaꞌ wiꞌ rukꞌij, ni ta arjaꞌ wiꞌ xtibano mandar camic, chwak in chijutij. Amén.

Apocalipsis 10:6

in xuban jun juramento pa rubiꞌ ja Dios. Jariꞌ Dios ja ni mta wiꞌ camíc trij, arjaꞌ winakarsyon ja caj in nojel ja rcꞌan in arjaꞌ winakarsyon ja rwachꞌulew in nojel ja rcꞌan in arjaꞌ winakarsyon ja mar in nojel ja cꞌo chipan chakajaꞌ. Quewaꞌ ja juramento ja xuban ja ángel riꞌ: —Ja Dios arjaꞌ matuyaꞌ chic tiempo tre ja nimlaj juicio

Apocalipsis 14:7

cow tzijoni in quewaꞌ nbij chique riꞌ: —Texbej ewiꞌ chwach ja Dios in teyaꞌaꞌ rukꞌij como xurwilaꞌ ja hora chi nutakto ja nimlaj juicio. Chwach Dios quixxuqueꞌ wiꞌ como arjaꞌ winakarsyon ja caj in rwachꞌulew, arjaꞌ winakarsyon ja mar in tzꞌuquel tak yaꞌ, neꞌe.

Apocalipsis 19:1

Cꞌacꞌariꞌ cꞌo juleꞌ kulaj xincꞌwaxaj chic, quekul juleꞌ winak ja recꞌo chilaꞌ chicaj pro ni congana e qꞌuiy, quewaꞌ nquibij riꞌ: —Aleluya. Ja kajaw Dios arjaꞌ ruqꞌuin npi wiꞌ ja totajem, ni yatal wiꞌ tre chi nya̱ꞌ rukꞌij, ni yatal wiꞌ tre chi nnataxi ja nimlaj poder ja cꞌo pa rukꞌaꞌ.

Apocalipsis 5:12

quimajon rakic quechiꞌ in quewaꞌ nquibij riꞌ: —Ja Carnelo ja camsaxi arjaꞌ ni yatal wiꞌ tre chi nkanataj nak rbanic. Caniꞌ tre ja nimlaj poder ja cꞌo pa rukꞌaꞌ, in caniꞌ tre ja nimlaj mebaꞌil ja cꞌo ruqꞌuin, in caniꞌ tre ja rnaꞌoj janila nim, in caniꞌ tre ja nimlaj rchokꞌakꞌ. Ni yatal wiꞌ tre chi nkaban respetar in nkayaꞌ rukꞌij in nkabij utzlaj tak tzij tre. Queriꞌ nquibij ja ángel.

Apocalipsis 5:2

In cꞌo jun ángel xintzꞌat congana rchokꞌakꞌ in cꞌoli ja ntajini nuyaꞌ rbixic. Ja cꞌa rukul congana fuerte, quewaꞌ nbij riꞌ: —¿La cꞌo jun yatal trij chi nlasaj ja sello in nusol ja wuj? neꞌe.

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.