Apocalipsis 3:3 - Tz'utujil (Ja Cꞌacꞌa Chominem)

³ Rmalcꞌariꞌ nbij chewe, kas turkaj chewe ja utzlaj tijonem ja cꞌutunto chewach nabey in xeyaꞌ ewxquin tre. Camic, ni jaꞌ wiꞌ tijonem tenimaj in teqꞌuexaꞌ ja renaꞌoj. Nowi maquixcꞌascꞌoti, can ninbe ewqꞌuin pro ma ewotak ta nak hora xquinekaji caniꞌ nuban jun alakꞌom ja ni majun otakyon nak hora tok nekaji.

Tz'utujil NT

³ Rmal c'ara' quenbij chewa, kas terkaja bien pnewá' jutzlaj tijonem je c'tun ta chewech nabey y xeya' ewexquin tzrij. Camic njara' tijonem tnimaj y tec'xa' ena'oj. Wmajo'n xquixc'asc'at ta anen quenba ewq'uin, per majo'n ewutkin ta nak hor xquenekaja, ajni' nuban jun elk'om je nmajo'n jun ojtakyona nak hor nekaja.

Apocalipsis 3:3 Iomraidhean Croise

San Mateo 25:13

Rmalcꞌariꞌ nbij chewe, quixcꞌascꞌoti como ma ewotak ta nak kꞌij in nak hora xtipi chic jutij ja Ralcꞌwalaxel ja xoc alaxic cuqꞌuin ja winak.

Marcos 13:33

Kas tebanaꞌ cuenta, quixcꞌascꞌoti in chijutij temajaꞌ rbanic ja roración como ma ewotak ta nak kꞌij tok xquinmelojpi chic jutij chwachꞌulew.

Marcos 13:36

Ja tok chaka jalal xquinpi chic jutij maxta ixwarnak triꞌ.

1 Tesalonicenses 5:2

como ixix bien ewotak ja rpetbal ja kajaw Jesucristo chaka jalal tok xtipeti, ni majun otakyon caniꞌ nuban jun alakꞌom chaka jalal tok nbe nerbanaꞌ alakꞌ chakꞌaꞌ, ni majun otakyon.

1 Timoteo 6:20

Timoteo, ja nwajoꞌ anin chawe chi congana naban cuenta ja utzlaj tijonem ja ban recomendar chawe. Maxta tayaꞌ caso chique ja winak ja nqueyaꞌ jun tijonem ja mta rcꞌamonto in mta noc wiꞌ, ejeꞌeꞌ xa nquechꞌaꞌ ja utzlaj tijonem. Ejeꞌeꞌ nquibij chi congana cotak pro ja cotak mta noc wiꞌ.

2 Timoteo 1:13

Ja utzlaj tijonem ja xincꞌut chawach jariꞌ ocnak abase chi quitijoxic ja winak, maxta tayaꞌ can in ni ta nyukeꞌ wiꞌ acꞌuꞌx ruqꞌuin ja Jesucristo, ni ta nqꞌuejeꞌ wiꞌ ja rajoben riꞌil xin Dios pan acꞌaslemal como jariꞌ rcꞌamonto chake ja Cristo Jesús ja yukul kacꞌuꞌx ruqꞌuin.

Hebreos 2:1

Janila nim rukꞌij ja Ralcꞌwal Dios rmalcꞌariꞌ congana rjawaxic chi más na nkayaꞌ kaxquin tre ja utzlaj tzij ja rcꞌamonto chake, maquita nkayaꞌ can jutzꞌit.

2 Pedro 1:13

Ja nchꞌob anin ni rubey wiꞌ nban chi nnataj chewe. Ja tok xquincami cꞌa tokoriꞌ ntanbaꞌ rnataxic chewe.

2 Pedro 3:1

Chakꞌlaj wachꞌalal, jawaꞌ rcab carta ntakel ewqꞌuin riꞌ junan rsamaj ruqꞌuin ja nabey carta ja ntakon chic ewqꞌuin. Quewaꞌ rsamaj riꞌ chi nnataj jeꞌe chewe ja chꞌobtajnak chic emwal como anin wotak chi ma eniman ta ja ritzel tak tijonem.

2 Pedro 3:10

Pro cꞌa jaꞌ xtinaꞌi ja tok xterilaꞌ ja nimlaj kꞌij ja rchomin ja kajaw Dios caniꞌ tre jun alakꞌom mta nnabexi ja tok nerbanaꞌ alakꞌ. Jariꞌ kꞌij ncꞌati nojelal. Ja caj congana npakꞌloji xtuyaꞌ riꞌ in nqꞌuisi. Nojel ja rocnak ja rwachꞌulew nqꞌuis na rmal ja nimlaj cꞌatic, ncꞌat na ja rwachꞌulew in ncꞌat na nojelal ja cꞌo chwach ja rwachꞌulew chakajaꞌ, majun nak ta nutoꞌ ta riꞌ.

Apocalipsis 16:15

Ja cꞌa Jesucristo quewaꞌ nbij riꞌ: —Bien tecꞌwaxaj, anin ninbe chic jutij chwachꞌulew, ja cꞌa winak cꞌa jaꞌ xtiquenaꞌ ja tok xquinekaj cuqꞌuin caniꞌ tre jun alakꞌom chaka jalal tok nekaji. Congana quiꞌil chique ja winak ja ni necꞌascꞌot wiꞌ in ni ma quiyaꞌon can ta wiꞌ ja yukulbal quecꞌuꞌx wqꞌuin utzcꞌa tok xquinekaj cuqꞌuin ma qꞌuixbal ta nquenaꞌ chinwach, neꞌe.

Apocalipsis 2:25

Xarwariꞌ, ja utzlaj tijonem ja cꞌol ewqꞌuin ni tenimaj wiꞌ, ni ta quirwariꞌ ebanon ja tok xquinpi chic jutij.

Apocalipsis 2:5

Kas cꞌa bien turkaj chewe ja bar ixtzaknak wiꞌ, teqꞌuexaꞌ ja renaꞌoj in tebanaꞌ ja caniꞌ ebanonto nabey. Nowi mateban, can ninbe ewqꞌuin chanim, ja cꞌa candelero ewxin jariꞌ nwasajel chipan ja rlugar. Queriꞌ nban chewe ja wi mateqꞌuex ja renaꞌoj.

Apocalipsis 22:7

Ja Jesús nbij: —Bien tecꞌwaxaj, anin ninbe chic jutij chwachꞌulew chanim. Congana quiꞌil chique ja winak ja nquinimaj ja tzij ja kꞌalasan rmal ja Dios chipan awaꞌ ja libro riꞌ, neꞌe.

Apocalipsis 3:11

Bien tecꞌwaxaj, anin ninbe chic jutij chwachꞌulew chanim, tebanaꞌ cuenta ja yatajnak chic chewe utzcꞌa chi ni majun nak ta xtilasan ta chewe ja recorona.

Apocalipsis 3:19

Canojel ja winak ja nenwajoꞌ ejeꞌeꞌ riꞌ nchꞌaꞌ chique ja ritzelal nqueban in nenuban castigar. Quixmakꞌeꞌ cꞌa tre ja recꞌaslemal in teqꞌuexaꞌ ja renaꞌoj.

Apocalipsis 3:2

Quixcꞌascꞌoti. Cꞌa cꞌo na jutzꞌit ecꞌaslemal ja xajalal majaꞌn tiqꞌuisi jariꞌ teyaꞌaꞌ rchokꞌakꞌ utzcꞌa chi nixmelojto. Queriꞌ nbij chewe como nojel ja obra ebanon, bien xinwotakij chi ja chwach Dios cꞌo falta tre.