Apocalipsis 3:19 - Tz'utujil (Ja Cꞌacꞌa Chominem)

¹⁹ Canojel ja winak ja nenwajoꞌ ejeꞌeꞌ riꞌ nchꞌaꞌ chique ja ritzelal nqueban in nenuban castigar. Quixmakꞌeꞌ cꞌa tre ja recꞌaslemal in teqꞌuexaꞌ ja renaꞌoj.

Tz'utujil NT

¹⁹ Conjelal wnak jquenwajo' arj-e' quench'ojquij rtzilal chca je nqueban y quenuban castigar. Quixemk'e' c'a tzra ec'aslemal y tec'xa' ena'oj.

Apocalipsis 3:19 Iomraidhean Croise

San Mateo 25:7

Xeyictaji ja xtaniꞌ chi e lajuj, quemaj rchomarsaxic ja quicandil.

San Juan 2:17

Ja cꞌa rdiscípulo tok quicꞌaxaj ja xbij xurkaj chique ja tzij ja tzꞌibtal can chipan ja rtzobal Dios quewaꞌ nbij riꞌ: —Congana ntiꞌon chwe ja tok matiban respetar ja rawochoch in xa rmalariꞌ tok xtiqueban pokon chwe ja winak, neꞌe ja Cristo tre ja Tatixel. Queriꞌ ja tzꞌibtal can.

Romanos 12:11

Tetijaꞌ ekꞌij chi rbanic ja samaj ja ryaꞌon ja Dios chewe chi neban, maxta quixsakꞌorini. Kas ta xtimakꞌeꞌ ewiꞌ ewanma chi rbanic xa nak ta ja najoꞌx chewe rmal ja kajaw Jesucristo chi neban.

1 Corintios 11:32

Pro ja tok cꞌoli ja castigo xin Dios npi chakij jariꞌ katijoxic nbani utzcꞌa chi makotakel chijutij chipan ja nimlaj rpokonal ja bar xquetakel wiꞌ ja winak ja xa ruqꞌuin rwachꞌulew yukul wiꞌ quecꞌuꞌx.

2 Corintios 6:9

Cꞌoli nba̱n chake cumal ja winak caniꞌ xa ma cotak ta kawach pro ecꞌoli ja matiquipokonaj nquibij chi bien cotak kawach. Ni pa camíc wiꞌ okcꞌo wiꞌ pro okcꞌas waꞌan riꞌ. Okyaꞌon chipan ja rpokonal chi katijoxic pro ma okcamsan ta.

2 Corintios 7:11

Pro bien techꞌoboꞌ wachꞌalal, ja bis ja xuyaꞌ ja Dios chewe cꞌo jun nimlaj samaj xuban pa tak ecꞌaslemal quewariꞌ. Jun, bien xechomarsaj ja problema ja bantaj checojol. In jun chic, congana xixoclaꞌ il chi rbixic chwe chi xechomij ja problema. In jun chic, congana tiꞌon chewe ja bantaji in janila xexbej ewiꞌ rmal. In jun chic, congana chic egana chi nutzꞌat chic jutij riꞌ kawach ewqꞌuin. In jun chic, congana xixmakꞌeꞌe chi rbanic ja rvoluntad Dios in chanim xeyaꞌ pa disciplina ja banowi ja ritzelal. Ni majun nak ta ja maquita xechomij tre ja problema, mchita nak chi ta xquixchapbex rmal.

Gálatas 4:18

Ni rubey wiꞌ ja tok wi cꞌo jun ja nel rucꞌuꞌx chewij pro xarwariꞌ wi utzil ja nrajoꞌ chewe pro tibanaꞌ cꞌa nojel tiempo in ma ruyon tariꞌ ja tok incꞌol anin ewqꞌuin.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Santiago 1:12

Kas quiꞌil chique ja necochꞌowi ja prueba ja nkꞌax jeꞌe chiquij. Ja tok nquechꞌec ja prueba jariꞌ nquicꞌutbej chi ni katzij wiꞌ chi cꞌo yukulbal quecꞌuꞌx ruqꞌuin ja Dios. Ja wi queriꞌ nqueban cꞌacꞌariꞌ xtiyataj chique ja premio jariꞌ jun utzlaj cꞌaslemal ja mta qꞌuisic trij, jariꞌ premio rtzujun ja Dios chique canojelal ja neꞌajoꞌn rxin.

Apocalipsis 2:5

Kas cꞌa bien turkaj chewe ja bar ixtzaknak wiꞌ, teqꞌuexaꞌ ja renaꞌoj in tebanaꞌ ja caniꞌ ebanonto nabey. Nowi mateban, can ninbe ewqꞌuin chanim, ja cꞌa candelero ewxin jariꞌ nwasajel chipan ja rlugar. Queriꞌ nban chewe ja wi mateqꞌuex ja renaꞌoj.