Apocalipsis 3:17 - Tz'utujil (Ja Cꞌacꞌa Chominem)

¹⁷ Queriꞌ nbij chewe como ixix nebij chi congana ix biyomaꞌ in congana benak pa nim ja remebaꞌil in majun nak ta ncꞌatzin chewe, nixcheꞌe. Queriꞌ nebij pro xa ma ewotak ta chi ja chwach Dios congana lawuloꞌ ja rebanon, ix tak mebaꞌiꞌ, ix moyaꞌ in ni majun tetziak chewij.

Tz'utujil NT

¹⁷ Cara' quenbij chewa com ixix nebij chcongan ix byoma' y congan bnak pnim emibil y majo'n achnak nc'atzina chewa. Cara' nebij per xmajo'n ewutkin ta je chwech Dios congan lowlo' ebnon, ix ch'tak mibi', ix moya', y nmajo'n etziak chewij.

Apocalipsis 3:17 Iomraidhean Croise

San Mateo 5:3

—Congana quiꞌil chique ja winak ja chꞌobtajnak cumal chi ni ncꞌatzin wiꞌ ja rEspíritu Santo chique chi nqꞌuejeꞌ pa tak canma, congana quiꞌil chique como quixin cꞌariꞌ ja gobierno xin chilaꞌ chicaj.

San Mateo 9:12

Pro ja cꞌa Jesús ja tok cꞌaxtaj rmal ja quibij quewaꞌ xbij chique riꞌ: —Ja ma e yawaꞌiꞌ ta ejeꞌeꞌ maticꞌatzin jun doctor chique pro ja yawaꞌiꞌ jariꞌ ni rjawaxic wiꞌ jun doctor chique.

San Lucas 1:53

Congana utzlaj tak nakun xuyaꞌ chique ja winak ja nkꞌakꞌan quepan pro ja cꞌa biyomaꞌ ejeꞌeꞌ xbij chique chi neꞌeli in ni majun nak ta xuyaꞌel ta chique.

San Lucas 6:24

Pro ja cꞌa rixix ja rix biyomaꞌ jariꞌ congana lawuloꞌ chewe como nixquicoti camic pro jariꞌ jun quicotemal ja xa nocꞌowi.

Romanos 11:20

Ni katzij wiꞌ chi xerchꞌakijto ja juleꞌ pro xa rmal ja ma xyukeꞌ ta quecꞌuꞌx ruqꞌuin ja Jesucristo xa chewiꞌ tok xerchꞌakijto. Ja cꞌa rixix chakajaꞌ wixta maquita yukul ecꞌuꞌx ruqꞌuin ja Jesucristo maquita cꞌa ixrcꞌulun ariꞌ ja Dios chi ixocnak tinamit rxin. Rmalcꞌariꞌ nbij chewe, maxta teyaꞌ ekꞌij, ja cꞌa neban, texbej jutzꞌit ewiꞌ chwach ja Dios.

Romanos 11:25

Wachꞌalal, cꞌoli ja ma kꞌalasan ta nabey pro ja camic Dios rkꞌalasan chic in ja kas nwajoꞌ chewe chi nchꞌobtaj emwal nak rbanic. Kas ta xtichꞌobtaj emwal jawaꞌ wariꞌ utzcꞌa chi matewinakarsaj juleꞌ enaꞌoj ixix eyon in xteyaꞌ ta ekꞌij rmal. Quewaꞌ rbanic ja rkꞌalasan ja Dios riꞌ. Ja tinamit Israel masqui juleꞌ chique congana e cow masqui congana nquechꞌaꞌ ja totajem ja rcꞌamonto ja Jesucristo pro nerilaꞌ na jun kꞌij ja tok xtitotaji ja tinamit Israel pro ni chi jun. Pro cꞌa tokocꞌariꞌ xtibantaj cumplir ja wariꞌ ja tok xquetzꞌakati canojelal ja ma e aj Israel ta ja majaꞌn tiyukeꞌ quecꞌuꞌx ruqꞌuin ja Jesucristo. Pro ja tinamit Israel can ntotaj na caniꞌ tzꞌibtal can chipan ja rtzobal Dios, quewaꞌ nbij ja Dios riꞌ: —Cꞌo jun Toꞌonel ja nwinakar na chipan ja tinamit Sión, arjaꞌ nuchup nojel ja ma utz ta ja quibanonto ja tinamit Israel.

Romanos 12:3

Como ja Dios ryaꞌon chwe chi inocnak apóstol rxin ja Jesucristo chewiꞌ tok cꞌo jun paxbanem nyaꞌ chewe riꞌ chejujunal. Maxta congana ix nimak tenaꞌ kaj pro kas techꞌoboꞌ chi utz nak ja kas mero ebanic chejujunal. Bien techꞌoboꞌ chi Dios yoyon chewe ja yukulbal ecꞌuꞌx in xa chewiꞌ tok nixcowini neban ja samaj xin Dios.

Romanos 7:24

Congana lawuloꞌ nuban chwe, xa pa camíc ninrucꞌamel wiꞌ. ¿Nak cꞌa xquintoꞌowi pa rukꞌaꞌ?

2 Pedro 1:9

Pro ja winak ja mta chique ja xintzꞌibaj riꞌ ejeꞌeꞌ e caniꞌ moyaꞌ, xa matiquetzꞌat ja rtzujunto ja Dios, xa jaꞌ nquetzꞌat ja cꞌo chiquinakaj ja xin rwachꞌulew. Matinataj chic chique chi xechꞌachꞌojirsax chipan ja rojer quil quemac.

Apocalipsis 16:15

Ja cꞌa Jesucristo quewaꞌ nbij riꞌ: —Bien tecꞌwaxaj, anin ninbe chic jutij chwachꞌulew, ja cꞌa winak cꞌa jaꞌ xtiquenaꞌ ja tok xquinekaj cuqꞌuin caniꞌ tre jun alakꞌom chaka jalal tok nekaji. Congana quiꞌil chique ja winak ja ni necꞌascꞌot wiꞌ in ni ma quiyaꞌon can ta wiꞌ ja yukulbal quecꞌuꞌx wqꞌuin utzcꞌa tok xquinekaj cuqꞌuin ma qꞌuixbal ta nquenaꞌ chinwach, neꞌe.

Apocalipsis 2:9

—Anin bien wotak ja rebanon, wotak chi congana rpokonal etijon, wotak chi congana ix tak mebaꞌiꞌ pro ix biyomaꞌ chwach ja Dios rmal ja yukulbal ecꞌuꞌx ruqꞌuin. In wotak chakajaꞌ chi congana itzel tak tzij nbix chewe cumal ja winak ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj. Pro ejeꞌeꞌ xa jun molbal riꞌil rxin ja Satanás eꞌocnak wiꞌ.

Apocalipsis 3:16

Pro como ma ix kꞌalaj ta nak la ixocnak wiꞌ rmalcꞌariꞌ congana itzel nnaꞌ emwal caniꞌ nuban jun achi cꞌoli xutij xuban itzel tre in xabijel in queriꞌ xtinban anin chewe chakajaꞌ xquixnsalujel.