Apocalipsis 3:15 - Tz'utujil (Ja Cꞌacꞌa Chominem)

¹⁵ —Anin bien wotak ja rebanon chi nixtacꞌa ix tew in nixtacꞌa ix makꞌen. Utz ta ja wixta ix kꞌalaj chi ix tew owi ix makꞌen.

Tz'utujil NT

¹⁵ —Anen bien wutkin jebnon che nexte ix tew nexte ix c'ten. Utz ta wexte ix k'alaj che ix tew owe ix c'ten.

Apocalipsis 3:15 Iomraidhean Croise

San Mateo 10:37

Ja winak ja más na necajoꞌ ja quitataꞌ chinwach anin owi queteꞌ, ejeꞌeꞌ ma yatal ta chique xqueꞌoc ta ndiscípulo. Ja winak ja cꞌo jun calcꞌwal ja más na ncajoꞌ chinwach anin, ejeꞌeꞌ ma yatal ta chique xqueꞌoc ta ndiscípulo chakajaꞌ.

San Mateo 24:12

Ja cꞌa ritzelal janila xtibe más pa nim in rmal ja congana itzelal nbani xa chewiꞌ ja tok e qꞌuiy ja winak xa nchupi ja rajoben riꞌil ja cꞌo pa tak canma, xa nqꞌuisi.

San Mateo 6:24

Jun winak xa nak ta chi winakil ni majun moda xqueqꞌuejeꞌ ta caꞌiꞌ rpatrón, ja queriꞌ jun nrajoꞌ in jun xa itzel nutzꞌat owi jun nnimaj in jun matinimaj. In queriꞌ cꞌa tre chakajaꞌ mta moda xtiyukeꞌ ta ecꞌuꞌx ruqꞌuin Dios in xtiyukeꞌ chi ta ecꞌuꞌx ruqꞌuin ja mebaꞌil xin rwachꞌulew.

Romanos 12:11

Tetijaꞌ ekꞌij chi rbanic ja samaj ja ryaꞌon ja Dios chewe chi neban, maxta quixsakꞌorini. Kas ta xtimakꞌeꞌ ewiꞌ ewanma chi rbanic xa nak ta ja najoꞌx chewe rmal ja kajaw Jesucristo chi neban.

1 Corintios 16:22

Ja wi cꞌo jun ma lokꞌ ta xtunaꞌ ja kajaw Jesucristo jariꞌ yatal tre chi xa itzel ntzꞌa̱t rmal ja Dios. Ja cꞌa kajaw Jesucristo arjaꞌ npi chi na jutij.

2 Corintios 12:20

Queriꞌ nbij chewe como anin nxbej wiꞌ emwal como ja tok xquinekaj ewqꞌuin maxla ma queriꞌ ta emajon rbanic ja caniꞌ nwajoꞌ chewe chi neban in maxla xa ma quiꞌil ta ja nenbanaꞌ ewqꞌuin ja caniꞌ newajoꞌ chwe chi nenbanaꞌ. Maxla xa chꞌaꞌoj ja remajon rbanic triꞌ owi aquiakarem owi ayewal owi banoj tak división owi xa ewiꞌ ja remajon rtzijoxic owi xa wixwotem owi xa ekꞌij ixix ja remajon ryaꞌic. Maxla xa ixyojtajnak ja tok xquinekaji.

Filipenses 1:9

Anin ncꞌutuj tre ja Dios chi ni ta nqꞌuiy wiꞌ más ja rajoben riꞌil xin Dios pa tak ewanma, ncꞌutuj tre chi ni ta nwinakar wiꞌ más ja renaꞌoj in ni ta nchꞌobtaj wiꞌ emwal nak ja rutzil in nak ja ritzelal.

2 Tesalonicenses 1:3

Wachꞌalal, congana rjawaxic chake chi ni nkamaltioxij wiꞌ tre ja Dios emwal rmal ja rebanon. Ni yatal wiꞌ chewij chi nkaban queriꞌ chewe como ja yukulbal ecꞌuꞌx congana rmajon qꞌuiyem in más chi na newajoꞌ ewiꞌ chakajaꞌ.

Santiago 1:8

Ja cꞌa wi xa caꞌiꞌ acꞌuꞌx nacꞌutuj tre ja Dios triꞌ ntzꞌa̱t wiꞌ chi queriꞌ rbanic ja racꞌaslemal chaka ma at chꞌobol ta, ma cꞌayew ta naqꞌuex anaꞌoj.

1 Pedro 1:22

Ja rEspíritu Santo arjaꞌ xuyaꞌ chewe chi xenimaj ja utzlaj tzij xin Jesucristo jariꞌ utzlaj tzij xechꞌachꞌojirsbej ja rewanma. Queriꞌ xeban in rmalariꞌ tok nixcowin chic neꞌewajoꞌ ja kachꞌalal in ma chi echiꞌ ta cꞌo wiꞌ tok neꞌewajoꞌ. Rmalcꞌariꞌ nbij chewe, tewajoꞌ ewiꞌ pro nojel ecꞌuꞌx nojel ewanma.

Apocalipsis 2:2

—Anin bien wotak ja rebanon, wotak chi janila jun cꞌayewalaj samaj xin Dios ja remajon rbanic, wotak chi janila ecochꞌon ewach chipan in wotak chi ni majun egana cuqꞌuin ja ritzel tak winak pro ja rebanon xeꞌecꞌambajaj ja winak ja nebini chi e apóstol pro ma e apóstol ta in xewotakij chi xa e tzꞌakol tak tzij.

Apocalipsis 2:4

Pro cꞌo jun ja nchꞌaꞌ chewe camic riꞌ, ixix eyaꞌon can ja rajoben riꞌil xin Dios ja cꞌo chewe nabey.

Apocalipsis 3:1

In xbij chic chwe: —Ja ángel ja nchajin rxin ja riglesia ja cꞌo Sardis quewaꞌ natzꞌibajel tre riꞌ: —Ja Jesucristo ja recꞌo wukuꞌ espíritu xin Dios ruqꞌuin ja recꞌo wukuꞌ chꞌumil pa rukꞌaꞌ quewaꞌ nbij tre ja riglesia riꞌ: —Anin bien wotak ja rebanon, ja nixtzꞌati ix jun iglesia ixcꞌasli pro ja chwach Dios ix jun iglesia ixcamnak.

Apocalipsis 3:16

Pro como ma ix kꞌalaj ta nak la ixocnak wiꞌ rmalcꞌariꞌ congana itzel nnaꞌ emwal caniꞌ nuban jun achi cꞌoli xutij xuban itzel tre in xabijel in queriꞌ xtinban anin chewe chakajaꞌ xquixnsalujel.