Apocalipsis 22:3 - Tz'utujil (Ja Cꞌacꞌa Chominem)

³ Ja triꞌ mchita maldición. Ja cꞌa trono rxin ja Dios in rxin ja Carnelo jariꞌ nqꞌuejeꞌ chipan ja tinamit in ja rajsamajelaꞌ xin Dios ejeꞌeꞌ ni nqueyaꞌ wiꞌ rukꞌij ja Dios.

Tz'utujil NT

³ Tzra' majo'n chic achnak jxitzel ntz'e'ta rmal Dios. Jretrono Dios y rxin Carne'l jara' nec'je'a chpam tnamet y je ajsmajma' rxin Dios arj-e' nqueya' na ruk'ij Dios.

Apocalipsis 22:3 Iomraidhean Croise

San Mateo 25:21

In bix tre rmal ja rpatrón: —Utz xaban tre ja samaj, atat at jun utzlaj moso, janila naban cumplir ruqꞌuin ja rasamaj. Xa ti ma nim ta ja xinyaꞌ can chawe pro xaban cumplir. Camic, más chi na qꞌuiy xtinyaꞌ chawe chi nasamajij. Camic catajoꞌ, ninawachbilaj chipan ja quicotemal, neꞌxi.

San Mateo 25:41

Ja cꞌa recꞌo pa rxcon quewaꞌ xtibij chique riꞌ: —Ixix ja xa itzel ixtzꞌaton rmal ja Dios quixel chinwach, camic nixbe chipan ja kꞌakꞌ ja mta qꞌuisic trij, jariꞌ kꞌakꞌ xa rmal ja diablo tok chomin chi nta̱kel arjaꞌ chipan e rachbil ja ángel rxin.

San Juan 12:26

Ja winak ja neniman wxin rjawaxic chi triꞌ nekꞌax wiꞌ ja bar ninkꞌax wiꞌ anin in chakajaꞌ triꞌ neꞌeqꞌuejeꞌ wiꞌ ja bar incꞌo wiꞌ anin. Xa nak ta ja neniman wxin ejeꞌeꞌ nya̱ꞌ na quekꞌij rmal ja Nataꞌ.

San Juan 13:32

Como ja Dios arjaꞌ nya̱ꞌ rukꞌij rmal ja rcꞌaslemal ja Ralcꞌwalaxel rmalcꞌariꞌ ja Dios nkꞌalasaj na chi congana nim rukꞌij ja Ralcꞌwalaxel chakajaꞌ, nkꞌalasaj na chi xa jun quibanon ruqꞌuin in jariꞌ nkꞌalasaj chanim.

San Juan 14:3

In como xinbij chewe chi ninbe chi nenchomarsaj ja relugar pro ninmelojpi chic jutij nixuncꞌamaꞌ kaj utzcꞌa chi nixqꞌuejeꞌ chic wqꞌuin. Queriꞌ nban utzcꞌa ja bar xquinqꞌuejeꞌ wiꞌ anin triꞌ nixqꞌuejeꞌ wiꞌ ixix chakajaꞌ.

San Juan 17:24

Nataꞌ, ja winak ja reꞌayaꞌon chwe cꞌo ngana chi triꞌ neꞌeqꞌuejeꞌ wiꞌ ja bar xquineqꞌuejeꞌ wiꞌ anin. Queriꞌ nwajoꞌ chique utzcꞌa chi necowini nquetzꞌat ja nimlaj gloria xin Dios wcꞌan ja caniꞌ ayaꞌon chwe. Como atat nij inawajoꞌonto wiꞌ ja tok majaꞌn titzꞌucarsaxto ja rwachꞌulew.

Apocalipsis 7:10

Ejeꞌeꞌ congana nquerak quechiꞌ in quewaꞌ nquibij riꞌ: —Ja kaDios ja tzꞌubul chipan ja trono in ja Carnelo cuqꞌuin npi wiꞌ ja totajem xin Dios, necheꞌe.

Apocalipsis 7:9

Ja cꞌa tok tzꞌattaj mwal awaꞌ wariꞌ ecꞌo juleꞌ winak xenutzꞌat pro congana e qꞌuiy, ni majun winak cowin ta xeralaj ta, nojel nación epenak wiꞌ, nojel tribu epenak wiꞌ, nojel tinamit epenak wiꞌ in nojel tzobal netzijon wiꞌ. Ejeꞌeꞌ epaꞌloc chwach ja trono in chwach ja Carnelo, quicojon juleꞌ tziak sak in cucꞌan rxak tak palma pa quekꞌaꞌ.