Apocalipsis 22:10 - Tz'utujil (Ja Cꞌacꞌa Chominem)

¹⁰ In xbij chwe: —Nojel ja tzij ja kꞌalasan rmal ja Dios chipan awaꞌ ja libro riꞌ maxta ma takꞌalasaj chi ta atat como xa nnakajinto ja tiempo.

Tz'utujil NT

¹⁰ Cawra xbij chic chwa: —Njelal tzij jk'alsan rmal Dios chpam jawra libro tk'alsaj chic atet com xe nnajin ta tiemp.

Apocalipsis 22:10 Iomraidhean Croise

San Mateo 10:27

Nojel ja nbij chewe tok xa kayon kaj jariꞌ tekꞌalasaj, tewasaj pa sakil, teyaꞌaꞌ rbixic chiquewach ja winak.

Romanos 13:11

Ni rjawaxic wiꞌ chi nkanimaj ja caniꞌ nmajon rbixic chewe como ixix bien ewotak chi ja tiempo ja rokcꞌo wiꞌ riꞌ tiempo chic chi nokcꞌasoji in nokcꞌascꞌoti. Queriꞌ nbij chewe como cꞌo chic tiempo kaniman ja Toꞌonel kaxin in xa nnakajinto ja kꞌij tok xtipi chic jutij chi nokrutoꞌ pro ni chijutij.

Romanos 13:12

Ntajini nqꞌuisi ja tiempo rxin ja kꞌekumal ja rcꞌan itzelal in xajalal majaꞌn telto ja kꞌij. Rmalcꞌariꞌ nbij chewe, kayaꞌaꞌ can ja banoj itzelal. Ja nkaban, ni ta ja wiꞌ ja sakil xin Dios xtucꞌan kaxin chi nokcowini nkachꞌec ja ritzelal.

2 Tesalonicenses 2:3

Ni majun nak ta xquixbanbex ta engañar. Como ja tok majaꞌn terilaꞌ ja tiempo cꞌoli rjawaxic nbantaj na nabey. E qꞌuiy ja winak nqueyaꞌ can na ja Dios tokocꞌariꞌ nwinakari ja rachi ja rucꞌan rmal ja ritzelal ja ni yatal wiꞌ tre chi nutij na pokon chipan ja juicio.

1 Pedro 4:7

Nnakajinto ja qꞌuisbal rwachꞌulew rmalariꞌ tok nbij chewe, techꞌoboꞌ chi utz ja neban, quixcꞌascꞌoti, ni ta neban wiꞌ ja roración.

Apocalipsis 1:11

in quewaꞌ xbij chwe riꞌ: —Anin nij incꞌo chi wiꞌ ja tok tzꞌucarto ja rwachꞌulew in nij incꞌo wiꞌ ja tok xteqꞌuisi ja rwachꞌulew chakajaꞌ. Nojel ja xtatzꞌat tatzꞌibaj chipan jun libro in natakel cuqꞌuin ja wukuꞌ iglesia ja recꞌo chipan wukuꞌ tinamit ja cꞌo pa rcuenta ja departamento Asia. Quewaꞌ rubiꞌ ja wukuꞌ tinamit riꞌ, Efeso, Esmirna, Pérgamo, Tiatira, Sardis, Filadelfia in Laodicea. Queriꞌ ja xbij chwe.

Apocalipsis 1:3

Congana quiꞌil tre ja nsiqꞌuini jawaꞌ ja xtintzꞌibaj riꞌ ja kꞌalasan rmal tre ja xtibantaj na cumplir in congana quiꞌil chique chakajaꞌ ja necꞌaxani in nquinimaj como xa nnakajinto ja tiempo.

Apocalipsis 10:4

Ja cꞌa tok tzuri tzij rmal ja wukuꞌ quiakolijay anin laj xintzꞌibaj ja xbij pro cꞌo jun kulaj xincꞌwaxaj penak chilaꞌ chicaj quewaꞌ xbij chwe riꞌ: —Tacꞌoloꞌ pan awiꞌ pan awanma ja xbij ja wukuꞌ quiakolijay, ma takꞌalasaj ta in ma tatzꞌibaj ta, neꞌ chwe.

Apocalipsis 22:16

Ja Jesús quewaꞌ nbij riꞌ: —Anin in Jesús, ja ángel wxin arjaꞌ ntakon ewqꞌuin chi neryaꞌaꞌ rbixic chique ja riglesia nojel awaꞌ ja nkꞌalasan riꞌ. Anin in riy rumam can ja rojer rey David, ruqꞌuin arjaꞌ inelnakto wiꞌ. Anin in caniꞌ ja chꞌumil ja xin pa sakaric ja congana ruchꞌaꞌ, neꞌe.

Apocalipsis 22:18

Canojel ja necꞌaxani ja rtzobal Dios ja kꞌalasan rmal chipan awaꞌ ja libro riꞌ congana nban recomendar chique chi matiqueqꞌuex rbixic. Ja cꞌa wi cꞌo jun xtuyaꞌ más rwiꞌ ja rtzobal Dios ja cꞌo chipan jariꞌ Dios nutakto ja nimak tak rpokonal trij ja caniꞌ tzꞌibtal chipan awaꞌ ja libro riꞌ.

Apocalipsis 22:20

Ja Jesús arjaꞌ kꞌalasyon nojel awaꞌ ja tzꞌibtal chipan awaꞌ ja libro riꞌ in quewaꞌ nbij riꞌ: —Can ninbe chic jutij chwachꞌulew chanim, neꞌe ja Jesús. Amén. Catpi cꞌa kajaw Jesús.

Apocalipsis 22:7

Ja Jesús nbij: —Bien tecꞌwaxaj, anin ninbe chic jutij chwachꞌulew chanim. Congana quiꞌil chique ja winak ja nquinimaj ja tzij ja kꞌalasan rmal ja Dios chipan awaꞌ ja libro riꞌ, neꞌe.

Apocalipsis 22:9

pro arjaꞌ xbij chwe: —Ma taban ta quelaꞌ como ja ranin xa ok junan awqꞌuin, xa ok ajsamajelaꞌ xin Dios e kachbil ja rawachꞌalal ja profeta xin Dios e kachbil chakajaꞌ ja nquinimaj ja tzij ja tzꞌibtal chipan awaꞌ ja libro riꞌ. Ja más mejor naban, Dios ja tayaꞌaꞌ rukꞌij, neꞌ chwe.

Apocalipsis 5:1

In xintzꞌat ja tzꞌubul chipan ja trono chi arjaꞌ cꞌo jun wuj boton rcꞌan pa rukꞌaꞌ riquikꞌaꞌ. Ja cꞌa wuj cꞌoli tzꞌibtal chwach pro ni chi caꞌiꞌ paraj tzꞌibtal wiꞌ. Ja cꞌa ruchiꞌ ja wuj kꞌolin tre wukuꞌ rkan sello utzcꞌa chi matisoltaji.