Apocalipsis 21:4 - Tz'utujil (Ja Cꞌacꞌa Chominem)

⁴ Arjaꞌ nusuꞌ riyaꞌl quewach pro ni chi nojelal, mchita camíc nixtacꞌa bis okꞌej ta in nixtacꞌa rpokonal ta chakajaꞌ como nojel ja xa rpokonal rcꞌamonto jariꞌ mchita, kꞌaxi, neꞌe.

Tz'utujil NT

⁴ Arja' nusu' njelal ri'al quewech, majo'n chic cmic, nexte bis, nexte ok'ej, nexte je' lowlo' chka', com njelal achnak je xlowlo' rec'mon ta jara' majo'n chic, xk'ax cana, cara' nbij.

Apocalipsis 21:4 Iomraidhean Croise

San Mateo 24:35

Ja caj in rwachꞌulew jariꞌ xa nchup na rwach pro ja ntzobal anin jariꞌ ni matichup wiꞌ rwach, mta ariꞌ ja maquita nbantaj cumplir.

1 Corintios 15:26

Ja qꞌuisbal rcꞌulel jariꞌ ja camíc in arjaꞌ nkajsaj na chakajaꞌ ja camíc.

1 Corintios 7:31

Maxta congana tibe ecꞌuꞌx ruqꞌuin nakun jeꞌe waweꞌ chwachꞌulew in rmaltariꞌ maquita neban cumplir xa nak ta nrajoꞌ ja Dios chewe chi neban. Queriꞌ nbij chewe como jawaꞌ rwachꞌulew riꞌ xa rmajon kꞌaxem.

2 Corintios 5:17

Queriꞌ cꞌa rbanic, ja wi xa jun abanon ruqꞌuin ja Cristo jariꞌ at cꞌacꞌa winak chic, ja tzabuklaj tak naꞌoj awcꞌan nabey jariꞌ kꞌaxnak can chic, cꞌacꞌa chic nojelal.

2 Corintios 6:17

Rmalcꞌariꞌ tok cꞌo chic jun ja rbin can ja Dios quewariꞌ: —Quixelto chiquicojol ja winak ja ma e ntinamit ta, tepartiꞌij ewiꞌ. Ma teban ta ja xa ntzꞌilor ecꞌaslemal rmal. Ja cꞌa wi xtenimaj ja xinbij chewe riꞌ nixnucꞌul,

Hebreos 12:27

—Jutij chic, neꞌe ja Dios, tibij cꞌa tzij ariꞌ chi xa nak ta ja cꞌo siltajic trij ja xa winakarsan jariꞌ xa nocꞌowi pro ja mta siltajic trij jariꞌ matocꞌowi.

2 Pedro 3:10

Pro cꞌa jaꞌ xtinaꞌi ja tok xterilaꞌ ja nimlaj kꞌij ja rchomin ja kajaw Dios caniꞌ tre jun alakꞌom mta nnabexi ja tok nerbanaꞌ alakꞌ. Jariꞌ kꞌij ncꞌati nojelal. Ja caj congana npakꞌloji xtuyaꞌ riꞌ in nqꞌuisi. Nojel ja rocnak ja rwachꞌulew nqꞌuis na rmal ja nimlaj cꞌatic, ncꞌat na ja rwachꞌulew in ncꞌat na nojelal ja cꞌo chwach ja rwachꞌulew chakajaꞌ, majun nak ta nutoꞌ ta riꞌ.

1 Juan 2:17

Ja cꞌaslemal xin rwachꞌulew rachbil nojelal ja ntzujuj ja nkayarij jariꞌ xa nkꞌaxi pro canojel ja nenimani ja Dios chi nqueban ja najoꞌx chique rmal chi nqueban ejeꞌeꞌ neꞌecꞌaseꞌ na chijutij ruqꞌuin.

Apocalipsis 20:13

Xecꞌastaji ja camnakiꞌ canojelal, ja wi pa mar ecꞌo wiꞌ owi xa nak ta lugar ecꞌo wiꞌ pro xecꞌastaji canojelal in kꞌet tzij chiquij. Ja kꞌetbex tzij chiquij jariꞌ ja quibanon chipan ja quicꞌaslemal.

Apocalipsis 20:14

Ja camíc rachbil ja lugar ja bar xeqꞌuejeꞌ wiꞌ camnakiꞌ jariꞌ qꞌuiakel chipan ja nimlaj lugar ja cꞌoli nojnak chipan caniꞌ kꞌol in rmajon cꞌatem. Ja tok natbe riꞌ chipan ja lugar jariꞌ ja rcaꞌmul camíc.

Apocalipsis 21:1

Cꞌacꞌariꞌ cꞌo jun cꞌacꞌa caj, cꞌo jun cꞌacꞌa rwachꞌulew xintzꞌat como ja caj in rwachꞌulew ja cꞌoli nabey jariꞌ kꞌaxi, mchita. In queriꞌ tre mar chakajaꞌ mchita.

Apocalipsis 22:3

Ja triꞌ mchita maldición. Ja cꞌa trono rxin ja Dios in rxin ja Carnelo jariꞌ nqꞌuejeꞌ chipan ja tinamit in ja rajsamajelaꞌ xin Dios ejeꞌeꞌ ni nqueyaꞌ wiꞌ rukꞌij ja Dios.

Apocalipsis 7:17

Queriꞌ xtiqueban como ja Carnelo ja cꞌo mero pa nicꞌaj ja bar cꞌo wiꞌ ja trono arjaꞌ xtiyukꞌun quixin. Arjaꞌ xquerucꞌaj ja bar cꞌo wiꞌ tzꞌuquel tak yaꞌ pro jariꞌ yaꞌ rcꞌamonto ja utzlaj cꞌaslemal. Ja cꞌa Dios arjaꞌ xtisuꞌuwi ja riyaꞌl quewach pro ni nojelal in ni mchita wiꞌ okꞌej xtiqueban. Queriꞌ xbij chwe ja ranciano.