Apocalipsis 21:2 - Tz'utujil (Ja Cꞌacꞌa Chominem)

² Anin in Juan xintzꞌat ja tinamit xin Dios, jariꞌ ja cꞌacꞌa Jerusalén, ntajini nkajto chilaꞌ chicaj, ruqꞌuin ja Dios penak wiꞌ, congana rwekon riꞌ caniꞌ nuban jun xtan tok ncꞌuleꞌe, arjaꞌ congana nuwek riꞌ utzcꞌa chi ja rchajil nquicot trij.

Tz'utujil NT

² Anen en Juan xentz'et santlaj retnamet Dios, jara' jc'ac' Jerusalén y ntajina nkaj ta chcaj, ruq'uin Dios penak wa' y congan rwekon ri', ajni' nuban jun xten tak nec'le'a arja' congan nuwek ri' ch-utz c'ara' chrechjil nquicota tzrij.

Apocalipsis 21:2 Iomraidhean Croise

San Juan 3:29

Ja Jesús yatal trij chi nebe ja winak ruqꞌuin chi ncachbilaj. Caniꞌ tre jun alaꞌ tok ncꞌuleꞌe yatal trij chi ja rxjayil nrachbilaj. No anin xa in caniꞌ ramigo jun alaꞌ tok ncꞌuleꞌe. Pro ja ramigo paꞌloc pa rxquin ja ralaꞌ ja ncꞌuleꞌe in rmajon rcꞌaxaxic ja nbij in congana nquicoti chi rcꞌaxaxic. Queriꞌ cꞌa chwe anin camic chakajaꞌ ninquicoti, nojnak ja quicotemal pa wanma.

2 Corintios 11:2

Pro ja tzij ja xtinbij chewe riꞌ ma chaka ta ngana nbij chewe, rumac ja yatajnak chwe rmal ja Dios chi congana nixtiꞌon chwe, matinwajoꞌ ja junwiꞌ chi ta xtiyukeꞌ wiꞌ ecꞌuꞌx. Queriꞌ nbij chewe como anin solo tre ja Cristo xixnujach wiꞌ chi solo ruqꞌuin arjaꞌ nyukeꞌ wiꞌ ecꞌuꞌx utzcꞌa ja tok xtipi chic jutij arjaꞌ bien chꞌajchꞌoj ja rewanma nixnuban presentar chwach como caniꞌ nba̱n presentar jun kꞌapoj xtan chwach ja rchajil.

Hebreos 11:10

Ja tinamit ja kas rayben ja rAbraham jariꞌ ja tinamit ja xin chilaꞌ chicaj ja cꞌo jun rsimientoꞌil ja ni mta wiꞌ qꞌuisic trij, jariꞌ tinamit Dios chomarsani in Dios banowi.

Hebreos 11:16

Pro ja mero quitinamit ja kas nel quecꞌuꞌx trij jariꞌ más utz chi na, jariꞌ ja tinamit ja xin chilaꞌ chicaj. Ja cꞌa Dios ma junwiꞌ ta nunaꞌ nbij chi arjaꞌ Dios quixin como cꞌo jun quitinamit ja rchomarsan ja mero tinamit quixin.

Hebreos 12:22

Pro ja xixekaj wiꞌ ixix jariꞌ chwach jun jayuꞌ ja macatcowini natzꞌat ruqꞌuin awach rbinaꞌan Sión. In chakajaꞌ ixcꞌo chwach ja mero tinamit rxin ja cꞌaslic Dios rbinaꞌan Jerusalén ja cꞌo chilaꞌ chicaj. Ixcꞌo cꞌa chiquewach ja ángel pro congana e qꞌuiy, cꞌayew chi neꞌaltaji,

Hebreos 13:14

Ja cꞌa waweꞌ chwachꞌulew mta jun katinamit ja maquita nkꞌaxi pro cꞌo jun ja katinamit ja majaꞌn tiyaꞌ chake jariꞌ kayben camic.

Apocalipsis 1:1

Anin in Juan. Jawaꞌ ja xtintzꞌibaj riꞌ Jesucristo kꞌalasyon chinwach. Arjaꞌ yataj tre rmal ja Dios chi nkꞌalasaj utzcꞌa chi jariꞌ ncꞌutbej chikawach ja rok ajsamajelaꞌ rxin nak ja xtibantaj na cumplir chanim. Ja xucoj chi rkꞌalasaxic cꞌo jun ángel xutak wqꞌuin ja rin ajsamajel rxin.

Apocalipsis 1:4

Jawaꞌ ja nmajon rtzꞌibaxic ntakel ewqꞌuin ja rix wukuꞌ iglesia ja rixcꞌo chipan ja departamento Asia. Ja rutzil ja nsipaj ja Dios rachbil ja quicotemal xin Dios ja tariꞌ xtecochij más tre ja Dios, jariꞌ Dios mta jutij ja maquita cꞌoli, arjaꞌ cꞌoli camic, ni cꞌo wiꞌ ojer in ni cꞌo wiꞌ chwak cabij in chijutij, in xtecochij ta chique chakajaꞌ ja wukuꞌ espíritu ja recꞌoloc chwach ja trono rxin Dios,

Apocalipsis 1:9

Anin in Juan, in ewachꞌalal, in ewachbil chi rtijic ja rpokonal, in ewachbil chipan ja gobierno xin Dios, in ewachbil chi rcochꞌic nojel ja npi chakij rmal ja xa jun kabanon ruqꞌuin ja Jesucristo. Ja tok kꞌalasax chinwach ja xtintzꞌibaj chewe riꞌ tokoriꞌ tok xinqꞌuejeꞌ chipan ja lugar Patmos ja cꞌo pa mar. Rumac ja rtzobal Dios in rumac ja nyaꞌon rbixic ja Jesucristo chewiꞌ tok xinqꞌuejeꞌ triꞌ.

Apocalipsis 11:2

Pro ja rwajay ja cꞌo chwach ja templo jariꞌ ma tawetaj ta como jariꞌ jachon pa quekꞌaꞌ ja ma e aj Israel ta in ja rejeꞌeꞌ cuarentidós icꞌ neqꞌuejeꞌ chwach ja santilaj tinamit xin Dios in nquepakꞌ chi cakan.

Apocalipsis 21:10

Ja cꞌa ranin xinqꞌuejeꞌ chic pa rukꞌaꞌ ja rEspíritu Santo, xincꞌamarel rmal ja ángel parwiꞌ jun nimlaj jayuꞌ, congana nim jotol chicaj. Ja tok xokekaji triꞌ xucꞌut wiꞌ chinwach ja tinamit Jerusalén ja nimlaj tinamit xin Dios ntajini nkajto chilaꞌ chicaj, ruqꞌuin ja Dios penak wiꞌ.

Apocalipsis 21:9

Cꞌo cꞌa jun chique ja wukuꞌ ángel ja cucꞌan ja wukuꞌ vaso ja nojnak chipan ja wukuꞌ qꞌuisbal tak rpokonal, arjaꞌ xurkaj wqꞌuin in quewaꞌ xbij chwe riꞌ: —Catajoꞌ waweꞌ, anin nwajoꞌ ncꞌut chawach ja rixok ja ncꞌuleꞌe, ja noc rxjayil ja Carnelo, neꞌ chwe.

Apocalipsis 22:17

Ja rEspíritu Santo rachbil ja rxjayil ja Carnelo ejeꞌeꞌ quewaꞌ nquibij riꞌ: —Catpeti Jesús, necheꞌe. In chakajaꞌ ja necꞌaxani quirtawaꞌ xtiquibij riꞌ: —Catpeti Jesús, xquecheꞌ ta. Ja winak ja nquenaꞌ chakichiꞌ quepi cꞌa in xa nak ta ja cꞌo rgana npeti tipeti, turtijaꞌ ja yaꞌ ja rcꞌamonto ja utzlaj cꞌaslemal ja mta qꞌuisic trij in xa sipan ja yaꞌ.

Apocalipsis 22:19

Ja cꞌa wi cꞌo jun nlasaj jutzꞌit tre ja rtzobal Dios ja kꞌalasan rmal chipan awaꞌ ja libro riꞌ jariꞌ Dios matuyaꞌ tre chi ntzꞌibax rubiꞌ chipan ja libro ja bar tzꞌibtal wiꞌ quebiꞌ ja nyataj chique ja utzlaj cꞌaslemal ja mta qꞌuisic trij in matuyaꞌ tre chi xtoc ta chipan ja tinamit xin Dios in matuyaꞌ tre chakajaꞌ ja rtzujun jeꞌe chipan awaꞌ ja libro riꞌ.

Apocalipsis 3:12

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi neꞌoqui e caniꞌ rkan tak jay rxin ja templo rxin ja nDios, xajutij neqꞌuejeꞌ triꞌ, ni majun nak ta xtilasan ta quixin chipan. In jun chic, can ntzꞌibaj na rubiꞌ ja nDios chiquij in ntzꞌibaj rubiꞌ ja tinamit rxin ja nDios chiquij chakajaꞌ. Jawaꞌ tinamit riꞌ jariꞌ ja cꞌacꞌa Jerusalén ja nelto chicaj ruqꞌuin ja nDios in nkajto cꞌa chwach ja rwachꞌulew. In cꞌo jun biꞌaj cꞌacꞌa wxin jariꞌ ntzꞌibaj chiquij chakajaꞌ.