Apocalipsis 21:12 - Tz'utujil (Ja Cꞌacꞌa Chominem)

¹² Cꞌo jun nimlaj tabia rsutin riꞌ trij ja tinamit, congana nim jotol chicaj in cablajuj puerta rcꞌan in ja jujun puerta ecꞌo jujun ángel echajyon rxin. Ja cablajuj puerta cꞌo jujun biꞌaj tzꞌibtal chwach, jariꞌ biꞌaj quixin ja cablajuj tribu winak rxin ja tinamit Israel.

Tz'utujil NT

¹² C'ola jun nimlaj tz'ak rsutin ri' tzrij tnamet, congan nim jtela chcaj y cbeljuj puerta rc'an y jujun puerta ec'ola jujun ángel echjalbyona rxin. Je cbeljuj puerta c'ola jujun bi'aj tz'ibtala chwech, jara' bi'aj cxin e cbeljuj tribu wnak je rxin tnamet Israel.

Apocalipsis 21:12 Iomraidhean Croise

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Lucas 15:10

In queriꞌ cꞌa nbij anin chewe chakajaꞌ, jun ajꞌil ajmac tok nuqꞌuex rnaꞌoj in nuyaꞌ can ja ritzelal jariꞌ congana nequicoti ja ángel trij xin Dios. Queriꞌ xbij ja Jesús chique.

San Lucas 16:22

Ja cꞌa tok qꞌuiswani cami ja ti mebaꞌ ja cꞌutul limosna, ruqꞌuin ja rAbraham cꞌamarel wiꞌ cumal ángel ja bar ecꞌo wiꞌ ja camnakiꞌ ja quimajon quicotemal. Cami ja biyom chakajaꞌ in xemuki.

Hechos 26:7

Pro ja cablajuj tribu xin Israel ejeꞌeꞌ chakajaꞌ nquinimaj chi necꞌastaj na ja camnakiꞌ in rmalariꞌ ja tok quimajon rtijic quekꞌij chi ryaꞌic rukꞌij ja Dios chi pa kꞌij chi chakꞌaꞌ. In camic nbij chawe rey Agripa, como anin nnimaj chi cꞌo cꞌastajic chiquij ja camnakiꞌ xa chewiꞌ tok nbix chwe cumal ja wach tak aj Israel chi cꞌo wil.

Hebreos 1:14

Ja quibanic ja ángel ejeꞌeꞌ xa e moso, e espíritu, ja Dios nerutak chi quichajixic ja winak ja nyataj na chique chi nquewil ja totajem xin Dios.

Apocalipsis 21:13

Oxiꞌ ja puerta triꞌ ncaꞌy wiꞌ ja bar nelto wiꞌ kꞌij in oxiꞌ chic pa norte ncaꞌy wiꞌ in oxiꞌ chic pa sur ncaꞌy wiꞌ in oxiꞌ chic triꞌ ncaꞌy wiꞌ ja bar nkaj wiꞌ kꞌij.

Apocalipsis 21:15

Ja cꞌa ntzijon wqꞌuin arjaꞌ cꞌo jun etbal rcꞌan puro oro ocnak ja retbal jariꞌ nucoj chi retaxic ja tinamit rachbil ja puerta in tabia.

Apocalipsis 21:25

Ja puerta rxin ja tinamit jariꞌ ni matitzꞌapix wiꞌ pa kꞌij, ni jakal wiꞌ chijutij como chipan ariꞌ tiempo mchita akꞌaꞌ noqui.

Apocalipsis 22:14

Congana quiꞌil chique ja nquechꞌaj quitziak chipan ja rquiqꞌuel ja Carnelo utzcꞌa chi cꞌo quekꞌaꞌ tre ja cheꞌ ja rcꞌamonto ja utzlaj cꞌaslemal ja mta qꞌuisic trij utzcꞌa chakajaꞌ ja tok neꞌekaj chuchiꞌ ja puerta rxin ja tinamit nya̱ꞌ lugar chique chi neꞌoc chipan.