Apocalipsis 20:11 - Tz'utujil (Ja Cꞌacꞌa Chominem)

¹¹ Cꞌacꞌariꞌ cꞌo jun nimlaj trono sak xintzꞌat in chakajaꞌ xintzꞌat ja tzꞌubul chipan. Qꞌuisi ja caj, qꞌuisi ja rwachꞌulew, ma xucochꞌ ta qꞌuejeꞌ ta chwach ja tzꞌubul chipan ja trono, sachi pro chijutij.

Tz'utujil NT

¹¹ C'jara' c'ola jun nimlaj trono sak xentz'et, y chka' xentz'et je tz'bula chpam. Xq'uisa caj y xq'uisa rwech ruch'lew perc majo'n xquecoch' ta xec'je'a chwech je tz'bula chpam trono, xesa'cha.

Apocalipsis 20:11 Iomraidhean Croise

San Mateo 11:22

Pro anin nbij chewe, ja tok xterilaꞌ ja nimlaj kꞌij xin juicio más chi na nim ja rpokonal xtetij ixix chwach ja xtiquetij ja raj Tiro in ja raj Sidón.

San Mateo 24:35

Ja caj in rwachꞌulew jariꞌ xa nchup na rwach pro ja ntzobal anin jariꞌ ni matichup wiꞌ rwach, mta ariꞌ ja maquita nbantaj cumplir.

San Mateo 25:31

Ja Ralcꞌwalaxel ja xoc alaxic cuqꞌuin ja winak arjaꞌ npi chi na jutij, janila nim chic rukꞌij, erachbilanto canojel ja ángel. Tokocꞌariꞌ xtitzꞌabeꞌ chipan ja rtzꞌulibal, jariꞌ tzꞌulbal xin Rey in janila nim rukꞌij.

Romanos 2:5

Pro como ja canma xa cowirnak chi rbanic ja ritzelal, como xa mta quigana xtiqueqꞌuex ta ja quinaꞌoj jariꞌ xa janiꞌ nquisiqꞌuij más ja ryewal Dios chiquij. Tokoriꞌ xtikaj chiquij ja ryewal Dios ja tok xterilaꞌ ja nimlaj kꞌij xin juicio. Chipan ariꞌ kꞌij ja Dios arjaꞌ xtukꞌet tzij chiquij ja winak in ni rubey wiꞌ ja kꞌetoj tzij xtuban.

2 Pedro 3:7

In rmal chakajaꞌ ja rbin can ja Dios ja caj in rwachꞌulew ja cꞌoli camic xa cꞌatic xa poroxic rayben. Tokoriꞌ xticꞌati ja tok xterilaꞌ ja nimlaj kꞌij xin juicio in canojel ja ritzel tak winak nebe chipan ja nimlaj rpokonal.

Apocalipsis 12:8

pro xechꞌaqui in ma xyataj chi ta lugar chique chi xeqꞌuejeꞌ chi ta chilaꞌ chicaj.

Apocalipsis 16:20

Ja lugar jeꞌe ja cꞌo pa mar ba la xoc wiꞌ, sachi, in queriꞌ xuban ja jayuꞌ jeꞌe chakajaꞌ, matatzꞌat chic.

Apocalipsis 19:11

Cꞌacꞌariꞌ xintzꞌat ja caj jakali in chaka jalal xintzꞌat jun quiej sak rij in cꞌo jun tzꞌubul trij, arjaꞌ ja nbix tre chi ni nuban wiꞌ cumplir ja nbij in nojel ja nbij ni katzij wiꞌ chakajaꞌ. Arjaꞌ tok nuban ja kꞌetoj tzij in tok nuban ja chꞌaꞌoj ni rubey wiꞌ ja nuban tre.

Apocalipsis 20:2

Ja cꞌa tok kajto xuchap ja dragón. Jariꞌ dragón arjaꞌ ja rojer cumatz ja binaꞌan tre Diablo owi Satanás. Ja cꞌa tok chaptaj rmal xubacꞌ, xuqꞌuiakel chipan ja nimlaj jul in xtzꞌapij rwiꞌ ja jul, bien seguro xuban tre. Ja cꞌa dragón triꞌ nqꞌuejeꞌ wiꞌ jun mil junaꞌ chipan ja jul. Queriꞌ ban tre utzcꞌa chi maqueruban chic engañar ja winak ja recꞌo pa tak nación. Ja cꞌa tok xtitzꞌakati ja jun mil junaꞌ rjawaxic chi nsokpixel jun tiempo pro xa ma nim chi ta.

Apocalipsis 21:1

Cꞌacꞌariꞌ cꞌo jun cꞌacꞌa caj, cꞌo jun cꞌacꞌa rwachꞌulew xintzꞌat como ja caj in rwachꞌulew ja cꞌoli nabey jariꞌ kꞌaxi, mchita. In queriꞌ tre mar chakajaꞌ mchita.

Apocalipsis 21:5

Ja cꞌa tzꞌubul chipan ja trono quewaꞌ xbij riꞌ: —Camic anin ni majun ja maquita nban cꞌacꞌa tre, neꞌe. In xbij chwe: —Ja xacꞌwaxaj tatzꞌibaj como ja tzij xacꞌwaxaj ni katzij wiꞌ, ni nbantaj wiꞌ cumplir, neꞌ chwe.

Apocalipsis 4:2

Chaka maril xinqꞌuejeꞌ pa rukꞌaꞌ ja rEspíritu Santo in ja xintzꞌat cꞌo jun trono chomin chilaꞌ chicaj in cꞌo jun tzꞌubul chipan.

Apocalipsis 6:14

Ja cꞌa caj sachi, ba la xoc wiꞌ caniꞌ nuban jun wuj nboti. Nojel ja jayuꞌ jeꞌe kꞌax chic cha jun lugar chic in queriꞌ xuban ja lugar jeꞌe chakajaꞌ ja cꞌo pa mar.