Apocalipsis 2:24 - Tz'utujil (Ja Cꞌacꞌa Chominem)

²⁴ Pro ja cꞌa chewe ixix ja ma ebanon ta ja caniꞌ quibanon ja juleꞌ chic ja recꞌo Tiatira ja ma eniman ta ja tijonem rxin ja Jezabel in ma etijon ta ewiꞌ tre ja nimak tak tijonem xin Satanás neꞌxi, quewaꞌ nbij chewe camic riꞌ, anin mchita nak chi ta jun ijkaꞌm nyaꞌ chewij.

Tz'utujil NT

²⁴ Per chewa ixix y chca jle' chic jec'ola Tiatira jmajo'n eniman ta tijonem rxin Jezabel y majo'n etijon ta ewi' tzrij je nmak tak tijonem rxin Satanás nbixa tzra, cawra quenbij chewa camic, anen majo'n chic jun ejka'n xtenya' ta chewij.

Apocalipsis 2:24 Iomraidhean Croise

Hechos 15:28

Como ja rEspíritu Santo arjaꞌ nbini chi xa jun caꞌiꞌ punto ja rjawaxic chi nkayaꞌ chi ekul in ma rubey ta xtikayaꞌ ta caniꞌ jun nimlaj ijkaꞌm chewij in queriꞌ nkachꞌob ajoj chakajaꞌ.

Hechos 16:14

Cꞌo cꞌa jun chique ja rixokiꞌ Lidia rubiꞌ, chipan ja tinamit Tiatira penak wiꞌ. Ja cꞌa Lidia arjaꞌ ajcꞌay juleꞌ buen tak tziak morada in nuban respetar ja Dios. Ja cꞌa Pablo arjaꞌ rmajon rbixic ja rtzobal Dios in ja Dios arjaꞌ xuyaꞌ tre ja Lidia chi xnimaj ja nbij.

1 Corintios 2:10

Pro jariꞌ rkꞌalasan chic chikawach ajoj ja Dios, tokoriꞌ xkꞌalasaj ja tok xutakto ja rEspíritu Santo kuqꞌuin chi jaꞌ Espíritu Santo nchꞌobo chikawach. Queriꞌ nbij chewe como ja rEspíritu Santo arjaꞌ ni majun ja maquita nekaj wiꞌ ja rpensar, bien rotak nojel ja nuchꞌob kaj ja Dios ja rawatal chiquewach winak.

2 Corintios 11:3

Pro ja ranin nxbej wiꞌ, nurkaj chwe ja ban tre ja Eva ojer tok ban engañar rmal ja cumatz como ja cumatz congana listo, matzij xa queriꞌ xtiban chic chewe ixix in junwiꞌ chic xtechꞌob in ma ruyon chi ta ruqꞌuin ja Cristo xtiyukeꞌ wiꞌ ecꞌuꞌx.

2 Corintios 2:11

Ni rjawaxic wiꞌ chi nkacuy ja kachꞌalal utzcꞌa chi makoruchꞌec ja Satanás como ajoj bien kotak ja rnaꞌoj ja Satanás chi ni nrajoꞌ wiꞌ nokruban engañar.

Santiago 3:15

Ja wi queriꞌ emajon rbanic in wi nbix chewe chi jakal ewiꞌ jariꞌ ma ruqꞌuin ta Dios penak wiꞌ ja nbix chewe chi jakal ewiꞌ, xa xin rwachꞌulew, xa quixin winak, xa ruqꞌuin diablo penak wiꞌ.

Apocalipsis 1:11

in quewaꞌ xbij chwe riꞌ: —Anin nij incꞌo chi wiꞌ ja tok tzꞌucarto ja rwachꞌulew in nij incꞌo wiꞌ ja tok xteqꞌuisi ja rwachꞌulew chakajaꞌ. Nojel ja xtatzꞌat tatzꞌibaj chipan jun libro in natakel cuqꞌuin ja wukuꞌ iglesia ja recꞌo chipan wukuꞌ tinamit ja cꞌo pa rcuenta ja departamento Asia. Quewaꞌ rubiꞌ ja wukuꞌ tinamit riꞌ, Efeso, Esmirna, Pérgamo, Tiatira, Sardis, Filadelfia in Laodicea. Queriꞌ ja xbij chwe.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.

Apocalipsis 13:14

In xa neruban engañar ja winak ja recꞌo chwachꞌulew. Ja cꞌa nerbanbej engañar jariꞌ ja milagro nuban jeꞌe ja yatajnak tre chi nuban pro ni chwach ja jun chic itzel chicop tok nuban. In neruban mandar ja winak ja recꞌo chwachꞌulew chi nqueban rachbal ja jun chic itzel chicop ja soctajnak tzaꞌn espada nabey pro cꞌaseꞌe.

Apocalipsis 2:13

—Anin bien wotak ja rebanon in masqui triꞌ ixcꞌo wiꞌ ja bar cꞌo wiꞌ ja trono rxin ja Satanás pro ni ma ineyaꞌon can ta wiꞌ in tok bix chewe chi neyaꞌ can ja yukulbal ecꞌuꞌx wqꞌuin ni ma xeyaꞌ can ta wiꞌ. In nixtacꞌa xeyaꞌ can ta ja yukulbal ecꞌuꞌx wqꞌuin chakajaꞌ ja tok camsaxi ja rAntipas, arjaꞌ jun testigo wxin in ni ma xuyaꞌ can ta wiꞌ ja yukulbal rucꞌuꞌx wqꞌuin in camsax checojol triꞌ chipan ja lugar ja bar cꞌo wiꞌ ja Satanás.

Apocalipsis 2:18

In xbij chic chwe: —Ja ángel ja nchajin rxin ja riglesia ja cꞌo Tiatira quewaꞌ natzꞌibajel tre riꞌ: —Ja Jesucristo ja Ralcꞌwal Dios ja cꞌo parwach caniꞌ rxak kꞌakꞌ in cꞌo rkan ja congana nraproti caniꞌ chꞌichꞌ ocnak ja tok bien nsuꞌi utzcꞌa chi nraproti, arjaꞌ quewaꞌ nbij tre ja riglesia riꞌ:

Apocalipsis 2:9

—Anin bien wotak ja rebanon, wotak chi congana rpokonal etijon, wotak chi congana ix tak mebaꞌiꞌ pro ix biyomaꞌ chwach ja Dios rmal ja yukulbal ecꞌuꞌx ruqꞌuin. In wotak chakajaꞌ chi congana itzel tak tzij nbix chewe cumal ja winak ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj. Pro ejeꞌeꞌ xa jun molbal riꞌil rxin ja Satanás eꞌocnak wiꞌ.