Apocalipsis 2:21 - Tz'utujil (Ja Cꞌacꞌa Chominem)

²¹ Anin nyaꞌon tiempo tre chi nuqꞌuex ja rnaꞌoj pro arjaꞌ ni matirajoꞌ wiꞌ nuqꞌuex, cꞌa rmajon na rbanic ja il mac cuqꞌuin ja rachiꞌiꞌ.

Tz'utujil NT

²¹ Anen ney-on tiempo tzra chnuq'uex rna'oj per arja' nmajo'n nrajo' ta nuq'uex, c'remjon na rbanic il mac cuq'uin ach-i'.

Apocalipsis 2:21 Iomraidhean Croise

Romanos 9:22

Ja Dios ¿la mta cꞌa rukꞌaꞌ tre chi nuban ja cꞌo rgana nuban? Caniꞌ xuban chique ja winak ja cꞌo ryewal chiquij in yatal chiquij chi neta̱kel chipan ja nimlaj rpokonal, arjaꞌ xucochꞌ ja ritzelal queban, janila rpaciencia cuqꞌuin. Xucochꞌ masqui nrajoꞌ nkꞌalasaj ja ryewal in masqui nrajoꞌ nkꞌalasaj ja poder ja cꞌo pa rukꞌaꞌ.

1 Pedro 3:20

Ejeꞌeꞌ riꞌ espíritu quixin ja winak ja ma xquinimaj ta ja Dios ojer pa rtiempo ja Noé. Treriꞌ tiempo ja Dios congana xeraybej na chi nnimax cumal tokoriꞌ tok majtajnak rbanic ja nimlaj lancha rmal ja Noé. Xa ma e jaruꞌ ta ja xeꞌoc chipan ja lancha, xa e waxakiꞌ ja xeꞌoc chipan, ejeꞌeꞌ riꞌ xekꞌax parwiꞌ ja yaꞌ xetotaji.

2 Pedro 3:15

Kas bien tichꞌobtaj emwal chi ja kajaw Dios ma chaka ta cꞌoli ja rpaciencia kuqꞌuin ja rok winak, ja nrajoꞌ chake chi noktotaji kanojelal. In queriꞌ bin chewe rmal ja chakꞌlaj kachꞌalal Pablo. Jariꞌ xbij chewe ja tok xutak ja carta ewqꞌuin in Dios yoyon tre ja rnaꞌoj chi rbixic.

2 Pedro 3:9

Queriꞌ nbij chewe como ecꞌoli winak ja nebini chi ja kajaw Dios cꞌamalo nuban cumplir ja rbin can pro jariꞌ ma queriꞌ ta. Xar congana rpaciencia ja Dios kuqꞌuin ja rok winak como arjaꞌ matirajoꞌ chi cꞌo ta jun xtibe ta chipan ja nimlaj rpokonal. Ja nrajoꞌ chake kanojelal chi nkaqꞌuex kanaꞌoj in nkayaꞌ can ja ritzelal.

Apocalipsis 16:11

Quemaj rbixic juleꞌ tzij tre ja Dios ja xa ofensa rcꞌamonto tre, queriꞌ queban rumac ja rpokonal ja quimajon rtijic in rumac ja ritzel tak chꞌaꞌc ja cꞌo chiquij. Pro ni ma xqueyaꞌ can ta wiꞌ ja ritzelal ja quimajon rbanic.

Apocalipsis 16:9

Ja cꞌatan congana lawuloꞌ, xecꞌati ja winak rmal. Ja cꞌa winak ejeꞌeꞌ quemaj rbixic juleꞌ tzij ja xa ofensa rcꞌamonto tre rubiꞌ ja Dios pro jariꞌ Dios pa rukꞌaꞌ cꞌo wiꞌ nojel awaꞌ ja rpokonal riꞌ. Pro ejeꞌeꞌ ma xqueqꞌuex ta ja quinaꞌoj, ma xqueyaꞌ ta rukꞌij ja Dios.