Apocalipsis 2:20 - Tz'utujil (Ja Cꞌacꞌa Chominem)

²⁰ Pro cꞌoli ja nchꞌaꞌ chewe camic riꞌ. Ixix chaka quiꞌ chewe matechꞌaꞌ tre ja rixok Jezabel ja nuban. Arjaꞌ nbij chi cꞌoli nkꞌalasax jeꞌe chwach rmal ja Dios. Pro xa ma utz ta ja nucꞌut chiquewach ja rajsamajelaꞌ wxin, xa neruban engañar, nucꞌut chiquewach chi utz neꞌoc achꞌiꞌiꞌ cuqꞌuin ixokiꞌ ja ma quixjayilal ta in utz chakajaꞌ nquetiꞌ nakun ja tzujun chiquewach cachbal tak winak owi chwach rachbal tak nakun.

Tz'utujil NT

²⁰ Per c'ola quench'ojquij chewa camic ra, jara' tak majo'n nech'ojquij ta rtzilal jnuban ixak Jezabel rubi'. Arja' nbij chc'ola nk'alsaxa chwech rmal Dios. Per xe m-utz ta nuc'ut chquewech ajsmajma' wxin, xe nqueruban engañar y nuc'ut chquewech ch-utz nque'oca ach-i' cuq'uin ixki' jme quixkilal ta, y utz chka' nquetaj je' achnak jtzujun chquewech tioxa'.

Apocalipsis 2:20 Iomraidhean Croise

Hechos 15:20

Xarwariꞌ nkaban, nkatakel rbixic cuqꞌuin chi ma tiquetiꞌ ta ja tiꞌij ja tzujun chiquewach cachbal tak winak owi chwach rachbal tak nakun. In jun chic, ma queꞌoc ta cuqꞌuin ixokiꞌ ja ma e quixjayilal ta in ja rixokiꞌ chakajaꞌ ma queꞌoc ta cuqꞌuin ja rachiꞌiꞌ ja ma e quichajilal ta. In jun chic, ma tiquetiꞌ ta ja tiꞌij ja wi ma elnak ta rquiqꞌuel ja chicop. In jun chic, ma tiquetiꞌ ta ja quicꞌ.

Hechos 15:29

Quewaꞌ ja punto ja nkaban recomendar chewe riꞌ, ma tetiꞌ ta ja tiꞌij ja tzujun chiquewach cachbal tak winak owi chwach rachbal tak nakun. In jun chic, ma tetiꞌ ta ja quicꞌ. In jun chic, matetiꞌ ta ja tiꞌij ja ma elnakel ta rquiqꞌuel ja chicop. In jun chic, ma quixoc ta cuqꞌuin ixokiꞌ ja ma ewixjayilal ta in ixix ja rix ixokiꞌ ma quixoc ta cuqꞌuin achiꞌiꞌ ja ma ewachajilal ta. Ja wi nekꞌil ewiꞌ chi rbanic ja cꞌa kabij chewe riꞌ jariꞌ utz ja neban. Tebanaꞌ cuenta ewiꞌ, Dios ta xquixchajini. Queriꞌ ja bixel chipan ja carta.

1 Corintios 10:28

Pro wi chaka jalal cꞌo jun nbin chewe: —Jalaꞌ natiꞌ leꞌ ocnak sacrificio chwach rachbal jun winak, wi neꞌ chewe, mejor ma tetiꞌ ta cꞌa. Como ja ranma arjaꞌ nbini chi xajan wi netiꞌ xa chewiꞌ tok nbij anin chewe chi ma tetiꞌ ta. Como ja rwachꞌulew rxin ja kajaw Dios in rxin arjaꞌ chakajaꞌ nojel ja cꞌo chwach ja rwachꞌulew.

Apocalipsis 2:14

Pro cꞌo jun ja nchꞌaꞌ chewe camic riꞌ. Ecꞌo jujun ja recꞌo checojol netajini nquinimaj ja tijonem rxin ja Balaam. Como ja Balaam ojer arjaꞌ xuchꞌob chwach ja Balac nak nuban chi nerkajsaj ja tinamit Israel chipan ja ritzelal. Queriꞌ xuban in rmalariꞌ tok cꞌoli quetij ja tinamit Israel ja tzujun chiquewach cachbal tak winak owi chwach rachbal tak nakun in xeꞌoc cuqꞌuin juleꞌ ixokiꞌ ja ma quixjayilal ta.

Apocalipsis 2:4

Pro cꞌo jun ja nchꞌaꞌ chewe camic riꞌ, ixix eyaꞌon can ja rajoben riꞌil xin Dios ja cꞌo chewe nabey.