Apocalipsis 2:2 - Tz'utujil (Ja Cꞌacꞌa Chominem)

² —Anin bien wotak ja rebanon, wotak chi janila jun cꞌayewalaj samaj xin Dios ja remajon rbanic, wotak chi janila ecochꞌon ewach chipan in wotak chi ni majun egana cuqꞌuin ja ritzel tak winak pro ja rebanon xeꞌecꞌambajaj ja winak ja nebini chi e apóstol pro ma e apóstol ta in xewotakij chi xa e tzꞌakol tak tzij.

Tz'utujil NT

² —Anen bien wutkin jebnon, wutkin che ajni'la pen rsamaj Dios jemjon rbanic y wutkin che ajni'la ecch'on ewech chpam. Wutkin chka' che nmajo'n egan cuq'uin itzel tak wnak, y xe'eban probar wnak je nquebina che e apóstol per me e apóstol ta y xewutkij che e tz'koy tak tzij.

Apocalipsis 2:2 Iomraidhean Croise

San Mateo 7:23

Ja cꞌa ranin quewaꞌ xtinbij chique riꞌ: —Anin ni ma xinwotakij ta wiꞌ ewach, quixel chinwach ix banol tak itzelal, nincheꞌ na chique.

San Juan 6:6

Pro jawaꞌ tzij xbij xa ncꞌambajbej rxin ja Felipe como ja Jesús arjaꞌ bien rotak nak xtuban ja nertzukbej ja winak.

Gálatas 1:7

Pro jariꞌ ma katzij ta chi utzlaj tzij, xar ecꞌo juleꞌ winak ja netajini nixqueyoj como ejeꞌeꞌ ncajoꞌ nqueqꞌuex ja utzlaj tzij ja ncꞌutu chikawach nak rbanic ja Cristo.

Efesios 4:14

Pro bien ntzꞌakat na ja kanaꞌoj utzcꞌa chi ma ok caniꞌ chi ta juleꞌ acꞌalaꞌ utzcꞌa chi ma chaka ta nojel tijonem ta nkanimaj caniꞌ tre juleꞌ tijonem ja xa quixin juleꞌ winak ja rebanol engaño, juleꞌ winak ja congana e listo in natqueyaꞌ pa jun bey ja ma xin Dios ta.

1 Tesalonicenses 1:3

Ja tok nkaban orar ruqꞌuin ja katataꞌ Dios ni nurkaj wiꞌ chake nojel ja samaj ja rebanon rmal ja yukulbal ecꞌuꞌx ruqꞌuin ja Jesucristo. Bien nurkaj chake nojel ja rutzil ja rebanon rmal ja rajoben riꞌil xin Dios ja cꞌo pa tak ewanma in bien nurkaj chake chakajaꞌ nojel ja recochꞌon rmal ja congana nixquicoti chi raybexic ja kajaw Jesucristo.

1 Tesalonicenses 5:21

Tecꞌwaxaj chi utz nojel ja nbixi ja wi utz owi ma utz ta, ja cꞌa wi utz tenimaj.

2 Timoteo 2:19

Pro ja chake ajoj ja yukul kacꞌuꞌx ruqꞌuin ja Jesucristo, ja rbanon ja Dios chake ok caniꞌ jun jay bien tiquili ja rsimientoꞌil in mta yojtajic trij in caniꞌ tzꞌibtal chwach ja rsimientoꞌil quewariꞌ: —Ja kajaw Dios arjaꞌ rotak quewach ja winak nak chique ja katzij chi e rxin. In chakajaꞌ caniꞌ tzꞌibtali: —Canojel ja winak ja nquibij chi e xin Cristo rjawaxic chi nqueyaꞌ can ja ritzelal, neꞌe.

Hebreos 6:10

Ja cꞌa Dios mta moda xtuban ta ja ma utz ta xtimestaj ta ja rutzil ja rebanonto, arjaꞌ matimestaj chi congana xetij ekꞌij chi quitoꞌic ja kachꞌalal in cꞌa emajon na quitoꞌic camic. Como congana newajoꞌ ja Dios chewiꞌ tok neꞌetoꞌ.

1 Juan 4:1

Chakꞌlaj wachꞌalal, teyaꞌaꞌ ewxquin tre ja xtinbij chewe riꞌ. E qꞌuiy ja winak quipaxin quiꞌ chwachꞌulew ejeꞌeꞌ nquibij chi tijonem xin Dios ja nqueyaꞌ. Pro xa quipayil ja nquibij, ma katzij ta. Rmalcꞌariꞌ tok nbij chewe, ma queꞌenimaj ta canojel ja winak ja nebini chi Espíritu xin Dios ecꞌayon. Pro ja neban, bien teyaꞌaꞌ cuenta chique janiꞌ netzijoni ja wi katzij chi Espíritu xin Dios ecꞌayon owi mani.

Apocalipsis 2:5

Kas cꞌa bien turkaj chewe ja bar ixtzaknak wiꞌ, teqꞌuexaꞌ ja renaꞌoj in tebanaꞌ ja caniꞌ ebanonto nabey. Nowi mateban, can ninbe ewqꞌuin chanim, ja cꞌa candelero ewxin jariꞌ nwasajel chipan ja rlugar. Queriꞌ nban chewe ja wi mateqꞌuex ja renaꞌoj.

Apocalipsis 2:6

Pro makanaꞌ cꞌo chic jun ja utz ebanon jariꞌ ja xa itzel netzꞌat ja nqueban ja winak ja nicolaítas necheꞌxi, in anin chakajaꞌ itzel ntzꞌat ja nqueban.

Apocalipsis 2:9

—Anin bien wotak ja rebanon, wotak chi congana rpokonal etijon, wotak chi congana ix tak mebaꞌiꞌ pro ix biyomaꞌ chwach ja Dios rmal ja yukulbal ecꞌuꞌx ruqꞌuin. In wotak chakajaꞌ chi congana itzel tak tzij nbix chewe cumal ja winak ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj. Pro ejeꞌeꞌ xa jun molbal riꞌil rxin ja Satanás eꞌocnak wiꞌ.

Apocalipsis 3:1

In xbij chic chwe: —Ja ángel ja nchajin rxin ja riglesia ja cꞌo Sardis quewaꞌ natzꞌibajel tre riꞌ: —Ja Jesucristo ja recꞌo wukuꞌ espíritu xin Dios ruqꞌuin ja recꞌo wukuꞌ chꞌumil pa rukꞌaꞌ quewaꞌ nbij tre ja riglesia riꞌ: —Anin bien wotak ja rebanon, ja nixtzꞌati ix jun iglesia ixcꞌasli pro ja chwach Dios ix jun iglesia ixcamnak.

Apocalipsis 3:15

—Anin bien wotak ja rebanon chi nixtacꞌa ix tew in nixtacꞌa ix makꞌen. Utz ta ja wixta ix kꞌalaj chi ix tew owi ix makꞌen.

Apocalipsis 3:8

—Anin bien wotak ja rebanon. Camic bien tecꞌwaxaj, cꞌo jun puerta jakali ja nyaꞌon chewach in majun nak ta ncowini xtitzꞌapij chi ta. Bien wotak chi xa ti ma nim ta ja rewachokꞌakꞌ pro masqui queriꞌ pro ma eyaꞌon can ta ja ntzobal in ni matepokonaj wiꞌ nebij chwe chi anin in ewajaw.