Apocalipsis 2:17 - Tz'utujil (Ja Cꞌacꞌa Chominem)

¹⁷ Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi nquetij ja maná ja rawatali in nyaꞌ na jujun abaj sak chique chakajaꞌ in jariꞌ abaj cꞌo jun biꞌaj cꞌacꞌa tzꞌibtal chwach ja majun otakyon, xa ruyon ja njach wiꞌ ja rabaj arjaꞌ notakini. Queriꞌ ja natzꞌibajel tre ja ángel rxin ja riglesia ja cꞌo Pérgamo, neꞌ chwe.

Tz'utujil NT

¹⁷ Jc'ola quexquin cc'axaj je ntajina nbij Espíritu Santo chca iglesia. Achnak nquech'ecmaja y majo'n nqueya' ta qui' pruk'a' rtzilal che nqueruch'ec ta, anen quenya' na chca che nquetaj maná jwewtanak, y quenya' na jun abaj sak chca chka' y jara' abaj c'ola jun bi'aj c'ac' tz'ibtanak chwech jmajo'n ojtakyona, xjara' notkina achnak xtya'a jara' abaj tzra. Cara' natz'ibaj ela tzra ángel rxin iglesia jc'ola chpam Pérgamo, cara' nbij chwa.

Apocalipsis 2:17 Iomraidhean Croise

San Mateo 13:11

Ja cꞌa Jesús arjaꞌ xbij chique: —Ja rixix yatajnak chewe chi newotakij nak rbanic ja rawatal jeꞌe tre ja gobierno xin chilaꞌ chicaj pro ja chique ja juleꞌ chic winak leꞌ ejeꞌeꞌ ma yatajnak ta chique.

Marcos 7:16

Bien cꞌa tewasaj enaꞌoj trij ja cꞌa xinbij kaj chewe riꞌ, neꞌ chique.

San Juan 4:32

—Anin cꞌoli ja nway pro ixix xa ma ewotak ta nak rbanic, neꞌ chique.

1 Corintios 2:14

Pro ja winak ja matiqueyaꞌ lugar tre ja rEspíritu Santo chi arjaꞌ nbano mandar pa tak canma ejeꞌeꞌ xa nquechꞌaꞌ ja ncꞌu̱t jeꞌe chiquewach rmal ja Espíritu Santo. Nquechꞌaꞌ como xa pa tzꞌanem nquecoj wiꞌ. In ni mta wiꞌ moda ja xtichꞌobtaj ta cumal nak rbanic como jariꞌ macatcowini nachꞌob ja maquita cꞌoli ja rEspíritu Santo nucꞌan awxin chi rchꞌobic.

Colosenses 3:3

Queriꞌ nbij chewe como ixix jun xixcam ruqꞌuin ja Cristo, cꞌacꞌa chic ja recꞌaslemal, pro jun cꞌaslemal ja bien banon cuenta rmal ja Cristo como xa jun ebanon ruqꞌuin in como arjaꞌ xa jun quibanon ruqꞌuin ja Dios.

Apocalipsis 14:3

quimajon rbixaxic jun cꞌacꞌa bix. Ja lugar ja bar nebixanoc wiꞌ, chwach ja trono rxin ja Dios in chiquewach ja re quijiꞌ in chiquewach ja ranciano. Majun nak chi ta xecowin ta xeꞌotakin ta ja cꞌacꞌa bix ja quibixaj, xa queyon ja jun ciento cuarenticuatro mil winak xeꞌotakini, ejeꞌeꞌ riꞌ ja xelokꞌi xetotaji chiquicojol ja winak ja recꞌo chwachꞌulew.

Apocalipsis 19:16

Ja tziak rcojon cꞌo jun biꞌaj tzꞌibtal trij in bien kꞌalaj ja bar tzꞌibtal wiꞌ, quewaꞌ nbij ja biꞌaj riꞌ, Rey quixin nimak tak rey, Jefe quixin nimak tak jefe.

Apocalipsis 2:11

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta ejeꞌeꞌ mta rukꞌaꞌ ja rcab camíc chique xtuban ta pokon chique. Queriꞌ ja natzꞌibajel tre ja ángel rxin ja riglesia ja cꞌo pan Esmirna, neꞌ chwe.

Apocalipsis 2:7

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi nquetij rwach ja cheꞌ ja rcꞌamonto ja utzlaj cꞌaslemal ja mta qꞌuisic trij. Jariꞌ cheꞌ ja cꞌo pa nicꞌaj tre ja lugar paraíso ja bar cꞌo wiꞌ ja Dios. Queriꞌ ja natzꞌibajel tre ja ángel rxin ja riglesia ja cꞌo pa Efeso, neꞌ chwe.

Apocalipsis 3:22

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Queriꞌ ja natzꞌibajel tre ja ángel rxin ja riglesia ja cꞌo Laodicea. Queriꞌ ja xbij chwe.

Apocalipsis 3:6

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Queriꞌ ja natzꞌibajel tre ja ángel rxin ja riglesia ja cꞌo pa Sardis, neꞌ chwe.