Apocalipsis 2:1 - Tz'utujil (Ja Cꞌacꞌa Chominem)

¹ In xbij chic chwe: —Ja ángel ja nchajin rxin ja riglesia ja cꞌo pa Efeso quewaꞌ ja natzꞌibajel tre riꞌ: —Ja Jesucristo ja recꞌo wukuꞌ chꞌumil pa riquikꞌaꞌ in bien erchajin in nbini chicojol ja wukuꞌ candelero ja oro ocnak, arjaꞌ quewaꞌ nbij tre ja riglesia riꞌ:

Tz'utujil NT

¹ Cawra xbij chic chwa: —J-ángel jnechjalbena rxin iglesia jc'ola p-Efeso cawra ttz'ibaj ela tzra ra: —Jesucristo jc'ola wku' ch'umil prejquenk'a' y nbina checjol wku' candelero j-oro ocnak, arja' cawra nbij tzra iglesia ra:

Apocalipsis 2:1 Iomraidhean Croise

San Mateo 18:20

Queriꞌ nbij chewe como ja tok ecꞌo caꞌiꞌ owi e oxiꞌ ja quimolon quiꞌ pro wi pa nubiꞌ anin tok quimolon quiꞌ jariꞌ incꞌo chiquicojol. Queriꞌ xbij ja Jesús chique.

San Mateo 28:20

Techꞌoboꞌ chiquewach nak nqueban chi rnimaxic nojel ja mandamiento ja nyaꞌon chewe. In bien turkaj chewe chi anin ni mta wiꞌ jun kꞌij ja maquita incꞌol ewqꞌuin in nij incꞌo wiꞌ ewqꞌuin ja tok xterilaꞌ ja qꞌuisbal kꞌij rxin ja rwachꞌulew. Amén.

San Juan 5:35

Ja Juan arjaꞌ xoqui caniꞌ jun kꞌakꞌ pro jun kꞌakꞌ tzijili ja congana ruchꞌaꞌ. Ja cꞌa rixix xixqꞌuejeꞌ conforme chi rcꞌaxaxic ja xbij ja Juan chewe in xixquicot rmal pro xa jurata, xa xocꞌo ecꞌuꞌx rmal chi rcꞌaxaxic.

Hechos 18:19

Ja cꞌa tok xeꞌekaj chipan ja tinamit Efeso triꞌ xeruyaꞌ can wiꞌ ja Priscila in Aquila, be chipan ja jay xin molbal riꞌil in xumaj tzij cuqꞌuin ja raj Israel.

Hechos 18:21

como anin rjawaxic chwe chi nencꞌuluꞌ na ja nmakꞌij ja penak chikawach pa Jerusalén. Pro can ninmelojpi chic jutij ewqꞌuin ja wi queriꞌ rvoluntad ja Dios, neꞌ chique. Cꞌacꞌariꞌ xeruban despedir, xoquel pa lancha in xelel chipan ja tinamit Efeso.

Hechos 19:1

Ja rApolos tok cꞌa cꞌo na chipan ja tinamit Corinto ja cꞌo pa rcuenta Acaya be ja Pablo, kꞌax pa tak lugar ja cꞌo chwitakjayuꞌ. Ja tok qꞌuiswani xekaji ja pa Efeso in triꞌ ecꞌo wiꞌ juleꞌ kachꞌalal xeruwil.

2 Corintios 6:16

In jun chic, ja cachbal tak winak owi rachbal tak nakun ja nexuqueꞌ winak chiquewach ni ma rubey ta wiꞌ ja xqueco̱j ta chipan ja rochoch Dios. Queriꞌ nbij chewe como ix rochoch ja cꞌaslic Dios ja caniꞌ bitajnak can rmal ja Dios quewariꞌ: —Noc na wochoch ja canma in ninqꞌuejeꞌ na chiquicojol. Ja tok xterilaꞌ riꞌ tiempo anin in Dios chic quixin, ja cꞌa rejeꞌeꞌ e ntinamit chic triꞌ, neꞌe.

Apocalipsis 1:16

Ja cꞌa pa riquikꞌaꞌ ecꞌo wukuꞌ chꞌumil in cꞌo jun espada elnakto pa ruchiꞌ congana is rutzaꞌm in caꞌiꞌ rwarey in ja cꞌa rpalaj janila nchꞌaꞌani caniꞌ nuban ja kꞌij tok congana ruchꞌaꞌ.

Apocalipsis 1:20

Camic anin nkꞌalasaj chawach nak quibanic ja wukuꞌ chꞌumil ja xeꞌatzꞌat pa wiquikꞌaꞌ in nkꞌalasaj chawach chakajaꞌ nak rbanic ja wukuꞌ candelero ja oro ocnak. Ja wukuꞌ chꞌumil ejeꞌeꞌ riꞌ ja wukuꞌ ángel ja nechajin quixin ja wukuꞌ iglesia in ja wukuꞌ candelero xatzꞌat jariꞌ ja wukuꞌ iglesia, neꞌe ja Jesucristo chwe.

Apocalipsis 12:1

Cꞌo cꞌa ja winakari chilaꞌ chicaj ja congana cꞌascꞌoꞌi xintzꞌat, cꞌo jun ixok congana ruchꞌaꞌ caniꞌ kꞌij rwekben riꞌ, ja cꞌa icꞌ ocnak rpalibal in cꞌo jun corona rcojon pa rwiꞌ rcꞌan cablajuj chꞌumil.

Apocalipsis 2:12

In xbij chic chwe: —Ja ángel ja nchajin rxin ja riglesia ja cꞌo Pérgamo quewaꞌ ja natzꞌibajel tre riꞌ: —Ja Jesucristo ja cꞌo jun espada elnakto pa ruchiꞌ, jun espada ja congana is rutzaꞌm in caꞌiꞌ rwarey, arjaꞌ quewaꞌ nbij tre ja riglesia riꞌ:

Apocalipsis 2:18

In xbij chic chwe: —Ja ángel ja nchajin rxin ja riglesia ja cꞌo Tiatira quewaꞌ natzꞌibajel tre riꞌ: —Ja Jesucristo ja Ralcꞌwal Dios ja cꞌo parwach caniꞌ rxak kꞌakꞌ in cꞌo rkan ja congana nraproti caniꞌ chꞌichꞌ ocnak ja tok bien nsuꞌi utzcꞌa chi nraproti, arjaꞌ quewaꞌ nbij tre ja riglesia riꞌ:

Apocalipsis 2:8

In xbij chic chwe: —Ja ángel ja nchajin rxin ja riglesia ja cꞌo pan Esmirna quewaꞌ ja natzꞌibajel tre riꞌ: —Ja Jesucristo ja ni cꞌo chi wiꞌ ja tok tzꞌucarto ja rwachꞌulew in ni cꞌo wiꞌ ja tok xteqꞌuisi ja rwachꞌulew chakajaꞌ, ja cami pro cꞌastaji, arjaꞌ quewaꞌ nbij tre ja riglesia riꞌ:

Apocalipsis 3:1

In xbij chic chwe: —Ja ángel ja nchajin rxin ja riglesia ja cꞌo Sardis quewaꞌ natzꞌibajel tre riꞌ: —Ja Jesucristo ja recꞌo wukuꞌ espíritu xin Dios ruqꞌuin ja recꞌo wukuꞌ chꞌumil pa rukꞌaꞌ quewaꞌ nbij tre ja riglesia riꞌ: —Anin bien wotak ja rebanon, ja nixtzꞌati ix jun iglesia ixcꞌasli pro ja chwach Dios ix jun iglesia ixcamnak.

Apocalipsis 3:14

In xbij chic chwe: —Ja ángel ja nchajin rxin ja riglesia ja cꞌo Laodicea quewaꞌ natzꞌibajel tre riꞌ: —Ja Jesucristo ja testigo ja binaꞌan tre Amén, ja ni nuban wiꞌ cumplir nojel ja nbij in nojel ja nbij ni katzij wiꞌ chakajaꞌ, ja winakarnakto ruqꞌuin nojel ja winakarsan jeꞌe rmal ja Dios, arjaꞌ quewaꞌ nbij tre ja riglesia riꞌ:

Apocalipsis 3:7

In xbij chic chwe: —Ja ángel ja nchajin rxin ja riglesia ja cꞌo Filadelfia quewaꞌ ja natzꞌibajel tre riꞌ: —Ja Jesucristo ja Santilaj Alcꞌwalaxel, ja ni katzij wiꞌ nojelal ja nbij, ja cꞌo lawe xin David pa rukꞌaꞌ in tok cꞌoli nujak jeꞌe majun nak ta ncowini xtitzꞌapij chi ta in tok cꞌoli ntzꞌapij jeꞌe majun nak ta ncowini xtujak chi ta, arjaꞌ quewaꞌ nbij tre ja riglesia riꞌ: