Apocalipsis 19:7 - Tz'utujil (Ja Cꞌacꞌa Chominem)

⁷ Koquicoti pro congana koquicoti, kayaꞌaꞌ rukꞌij como ja cꞌulbic rxin ja Carnelo xurwilaꞌ ja tiempo chi nbantaji in ja rixok ja noc rxjayil arjaꞌ rwekon chic riꞌ chi ncꞌuleꞌ ruqꞌuin.

Tz'utujil NT

⁷ Koquicota per congan koquicota, kay-a' ruk'ij com jc'ulbic rxin Carne'l xerla' retiempo che nbantaja y jixak je noca rexkayil arja' rewkon chic ri' che nec'le'a ruq'uin.

Apocalipsis 19:7 Iomraidhean Croise

San Mateo 1:20

Pro kas cꞌa queriꞌ rmajon rchꞌobic ja tok chaka jalal winakar jun ángel rxin ja kajaw Dios pa rwaram in xbij tre: —José ja rat riy rumam can ja rojer rey David, ma taxbej ta awiꞌ, tacꞌamaꞌ ja María como ja tacꞌal ja cꞌo pa gracia, Espíritu Santo samajin rxin.

San Mateo 22:2

—Ja gobierno xin chilaꞌ chicaj queriꞌ rbanic caniꞌ xuban jun rey, cꞌo jun rcꞌajol cꞌuleꞌe in xuban jun nimlaj waꞌim rxin ja cꞌulbic.

San Lucas 12:36

Tebanaꞌ ixix ja caniꞌ nqueban juleꞌ ajsamajelaꞌ ja cayben ja quipatrón benak pa jun cꞌulbic in chaka jalal tok nmelojto ja quipatrón, ncꞌoncꞌoꞌoc ja chiꞌjay in ejeꞌeꞌ como ecꞌascꞌotnak nquejaklaꞌ chwach chanim.

San Juan 3:29

Ja Jesús yatal trij chi nebe ja winak ruqꞌuin chi ncachbilaj. Caniꞌ tre jun alaꞌ tok ncꞌuleꞌe yatal trij chi ja rxjayil nrachbilaj. No anin xa in caniꞌ ramigo jun alaꞌ tok ncꞌuleꞌe. Pro ja ramigo paꞌloc pa rxquin ja ralaꞌ ja ncꞌuleꞌe in rmajon rcꞌaxaxic ja nbij in congana nquicoti chi rcꞌaxaxic. Queriꞌ cꞌa chwe anin camic chakajaꞌ ninquicoti, nojnak ja quicotemal pa wanma.

2 Corintios 11:2

Pro ja tzij ja xtinbij chewe riꞌ ma chaka ta ngana nbij chewe, rumac ja yatajnak chwe rmal ja Dios chi congana nixtiꞌon chwe, matinwajoꞌ ja junwiꞌ chi ta xtiyukeꞌ wiꞌ ecꞌuꞌx. Queriꞌ nbij chewe como anin solo tre ja Cristo xixnujach wiꞌ chi solo ruqꞌuin arjaꞌ nyukeꞌ wiꞌ ecꞌuꞌx utzcꞌa ja tok xtipi chic jutij arjaꞌ bien chꞌajchꞌoj ja rewanma nixnuban presentar chwach como caniꞌ nba̱n presentar jun kꞌapoj xtan chwach ja rchajil.

Efesios 5:23

Queriꞌ nbij chewe como ja rachi arjaꞌ ocnak wiꞌaj rxin ja rxjayil caniꞌ rbanon ja Cristo arjaꞌ ocnak wiꞌaj rxin ja riglesia como ja riglesia jariꞌ cuerpo rxin ja Cristo in ja Cristo arjaꞌ Toꞌonel rxin ja riglesia.

Efesios 5:32

Jawaꞌ ja nmajon rbixic chewe riꞌ congana nim rukꞌij, xa awatali nabey pro kꞌalasan chic chikawach camic. Pro jawaꞌ wariꞌ tre Cristo nintzijon wiꞌ in tre ja riglesia.

Filipenses 3:3

Pro ajoj ja kas katzij chi okbanon circuncidar, ma ejeꞌeꞌ ta. Queriꞌ nbij chewe como ajoj nkayaꞌ lugar tre ja rEspíritu Santo chi arjaꞌ nsamaji pa tak kanma in ruqꞌuin kanma nkaban ja samaj xin Dios. Ajoj nkayaꞌ rukꞌij ja Cristo Jesús in ma kuqꞌuin ta ajoj yukul kaj wiꞌ kacꞌuꞌx kayon.

Apocalipsis 11:13

Ni jariꞌ hora cꞌo jun nimlaj cubarkan xuban in jun décima parte tre ja tinamit be chi tokꞌulew rmal. In e wukuꞌ mil ja xecam rmal ja cubarkan. Ja cꞌa juleꞌ chic congana quixbej quiꞌ in quemaj ryaꞌic rukꞌij ja Dios ja cꞌo chilaꞌ chicaj.

Apocalipsis 19:9

Cꞌacꞌariꞌ ja ángel arjaꞌ xbij chwe: —Ja xtinbij chawe riꞌ tatzꞌibaj quewariꞌ, congana quiꞌil chique ja winak ja rebanon invitar tre ja nimlaj waꞌim xin cꞌulbic ja nbantaji ja tok ncꞌuleꞌe ja Carnelo. Queriꞌ ja natzꞌibaj, neꞌ chwe. In xbij chic chwe: —Jawaꞌ ja xinbij chawe riꞌ Dios nbini in ni nbantaj wiꞌ cumplir, neꞌ chwe.

Apocalipsis 21:2

Anin in Juan xintzꞌat ja tinamit xin Dios, jariꞌ ja cꞌacꞌa Jerusalén, ntajini nkajto chilaꞌ chicaj, ruqꞌuin ja Dios penak wiꞌ, congana rwekon riꞌ caniꞌ nuban jun xtan tok ncꞌuleꞌe, arjaꞌ congana nuwek riꞌ utzcꞌa chi ja rchajil nquicot trij.

Apocalipsis 21:9

Cꞌo cꞌa jun chique ja wukuꞌ ángel ja cucꞌan ja wukuꞌ vaso ja nojnak chipan ja wukuꞌ qꞌuisbal tak rpokonal, arjaꞌ xurkaj wqꞌuin in quewaꞌ xbij chwe riꞌ: —Catajoꞌ waweꞌ, anin nwajoꞌ ncꞌut chawach ja rixok ja ncꞌuleꞌe, ja noc rxjayil ja Carnelo, neꞌ chwe.