Apocalipsis 19:19 - Tz'utujil (Ja Cꞌacꞌa Chominem)

¹⁹ Cꞌacꞌariꞌ xintzꞌat ja ritzel chicop e rachbil ja rey ja recꞌo chwach ja rwachꞌulew e cachbil ja soldado ja recꞌo pa tak ejército quixin ja rey. Ejeꞌeꞌ quimolon quiꞌ chi nechꞌojin ruqꞌuin ja tzꞌubul chi quiej e rachbil ja soldado ja recꞌo chipan ja rejército rxin arjaꞌ.

Tz'utujil NT

¹⁹ C'jara' xentz'et itzel chcop e rexbil je' reyes jec'ola chwech ruch'lew e quexbil soldado jec'ola ptak ejército cxin je' reyes. Arj-e' quemlon qui' che nquech'ojin ruq'uin je tz'bula tzrij quiej y cuq'uin soldado jec'ola chpam rejército.

Apocalipsis 19:19 Iomraidhean Croise

Apocalipsis 11:7

Ja caꞌiꞌ testigo tok xtitzꞌakati ja tiempo rxin ja testigoꞌil ja nqueyaꞌ ja cꞌa ritzel chicop nelto in nchꞌojin cuqꞌuin. Ja ritzel chicop jariꞌ ja nelto chipan ja lugar ja cꞌa cꞌa nat cꞌo wiꞌ xeꞌ ulew chipan ja kꞌekumal, arjaꞌ xticowin chiquij xquercamsaj.

Apocalipsis 14:9

In pi chic jun ja ángel, cow tzijoni in quewaꞌ nbij riꞌ: —Xa nak ta ja nexuqueꞌ chwach ja ritzel chicop in chwach ja rachbal in wi nqueyaꞌ lugar tre chi nco̱j quetal chi quipalaj owi chi quekꞌaꞌ,

Apocalipsis 16:14

E itzel tak espíritu como ejeꞌeꞌ e espíritu quixin demonio. Ejeꞌeꞌ cꞌo juleꞌ milagro nqueban, nebe cuqꞌuin canojel ja rey ja recꞌo chwachꞌulew neꞌequimoloꞌ. Queriꞌ nqueban utzcꞌa chi ja rey nqueban ja nimlaj chꞌaꞌoj ja xtibani ja tok xterilaꞌ ja nimlaj kꞌij rxin ja Dios, jariꞌ Dios ja ni majun poder ja maquita cꞌo pa rukꞌaꞌ.

Apocalipsis 16:16

In xerumol ja rey chipan jun lugar binaꞌan tre Armagedón, jariꞌ rubiꞌ nbix tre chipan ja tzobal hebreo.

Apocalipsis 18:9

Ja cꞌa rey ja recꞌo chwach ja rwachꞌulew ja xebanowi ja ritzelal ruqꞌuin in xerachbilaj chi xequicot kaj queyon ruqꞌuin ja rmebaꞌil ejeꞌeꞌ tok xtiquetzꞌat chi rmajon cꞌatem in congana sib neli congana okꞌej xtiqueban, janila nebison rmal.

Apocalipsis 19:21

Ja cꞌa juleꞌ chic ejeꞌeꞌ xecamsaxi, ja respada ja relnakto pa ruchiꞌ ja tzꞌubul chi quiej jariꞌ xecamsbexi. Ja cꞌa tzꞌiquin quetij ja camnak tak cuerpo, congana xenoj rmal pro ni canojelal.