Apocalipsis 19:13 - Tz'utujil (Ja Cꞌacꞌa Chominem)

¹³ Cꞌo jun tziak rcojon congana quicꞌ trij in ja rubiꞌ nbix tre quewariꞌ, ja Ralcꞌwalaxel ja nkꞌalasani janiꞌ rnaꞌoj ja Dios neꞌxi.

Tz'utujil NT

¹³ C'ola jun tziak rucsan congan quic' tzrij, y jrubi' je nbixa jara' cawrara, Rlec'walxel je Rtzojbal Dios, cara' nbixa tzra.

Apocalipsis 19:13 Iomraidhean Croise

San Juan 1:1

Ja kas nabey tok ni majun nak ta tzꞌucarsan ni cꞌo chi wiꞌ triꞌ ja Ralcꞌwalaxel ja nkꞌalasani janiꞌ rnaꞌoj ja Dios. Xa jun quibanon ruqꞌuin ja Dios in ni Dios wiꞌ arjaꞌ chakajaꞌ.

San Juan 1:14

Ja Ralcꞌwalaxel ja nkꞌalasani janiꞌ rnaꞌoj ja Dios arjaꞌ kajto, xoc kach winak, qꞌuejeꞌ chikacojol. Katzꞌat ruqꞌuin kawach chi ja rcꞌaslemal arjaꞌ mero rcꞌaslemal ja Dios, junan ruqꞌuin ja rcꞌaslemal Dios Tatixel, mchita jun ralcꞌwal ja Tatixel ja queriꞌ chi ta. Arjaꞌ nojnak ja rutzil xin Dios pa ranma, nojel ja nuchꞌob, nojel ja nbij in nojel ja nuban ni katzij wiꞌ.

1 Juan 1:1

Jawaꞌ jun carta ja nkatakel chewe riꞌ rcꞌamonto nak rbanic ja Ralcꞌwal Dios ja Yoꞌl utzlaj cꞌaslemal ja mta qꞌuisic trij, arjaꞌ xurkꞌalasani janiꞌ rnaꞌoj ja Dios. Ja Ralcꞌwal Dios arjaꞌ ni cꞌo wiꞌ ja tok tzꞌucarsaxto ja rwachꞌulew. Ajoj katzꞌat ruqꞌuin kawach, kacꞌaxaj ja xbij, katzꞌat janiꞌ ja rcꞌaslemal, kachap ruqꞌuin kakꞌaꞌ.

1 Juan 5:7

E oxiꞌ ja recꞌo chilaꞌ chicaj ja xa junan nquibij tre ja Jesús chi arjaꞌ Ralcꞌwal Dios, jun, Dios ja Tatixel, in jun chic, ja Ralcꞌwalaxel ja nkꞌalasani janiꞌ rnaꞌoj ja Dios, in jun chic, ja rEspíritu Santo.

Apocalipsis 14:20

Ja lugar ja bar pakꞌ wiꞌ ja uva chakan, chinakaj ja tinamit, ma chipan ta. Congana jun nimlaj quicꞌ xelto ja bar pakꞌ wiꞌ ja uva chakan in ja quicꞌ congana jun nimlaj pos xuban, tok nkaj jun quiej chipan cꞌa triꞌ nekaj wiꞌ tre ja bar ocnak wiꞌ freno tre in ja rimeꞌ wiꞌ cꞌo la oxiꞌ ciento kilómetro xucꞌam.