Apocalipsis 18:13 - Tz'utujil (Ja Cꞌacꞌa Chominem)

¹³ In cꞌo jeꞌe nquicꞌayij chakajaꞌ ja kas quiꞌ rxulaꞌ caniꞌ tre canela, especias, incienso, mirra, olíbano. Nquicꞌayij vino in aceite. Nquicꞌayij harina pro harina ja más na buena. Nquicꞌayij trigo. In ecꞌo chicop nequicꞌayij chakajaꞌ caniꞌ chique wacax caniꞌ chique carnelo in caniꞌ chique quiej. Nquicꞌayij careta chararan cumal quiej. In ecꞌo na winak nequicꞌayij chakajaꞌ chi neꞌoc pa quekꞌaꞌ cach tak winak.

Tz'utujil NT

¹³ Y c'ola je' achnak necc'ayij chka' jcongan qui' rexla' ajni' tzra canela, especias, incienso, mirra, olíbano. Necc'ayij vino ruq'uin aceite. Necc'ayij harina, per harina jmás wen. Necc'ayij trigo. Y ec'ola chcop nquecc'ayij chka' ajni' chca je' wajquex, carne'l, quiej. Necc'ayij je' caret jcherren cmal quiej, y ec'o nara' je' wnak nquecc'ayij chka' che nque'oca pquek'a' je' wnak.

Apocalipsis 18:13 Iomraidhean Croise

1 Timoteo 1:10

in chique achiꞌiꞌ ja nemacun cuqꞌuin ixokiꞌ, in chique achiꞌiꞌ ja nemacun cuqꞌuin cach tak achiꞌiꞌ, in chique ja nequechap winak chi nequilakꞌaj, in chique ja nebanowi jolon tak tzij in chique canojel ja tzꞌakol tak tzij. In canojel ja winak ja xa itzel nquetzꞌat ja utzlaj tijonem xin Dios ejeꞌeꞌ necha̱p rmal ja ley chakajaꞌ.

2 Pedro 2:3

Ejeꞌeꞌ riꞌ ja ritzel tak maestro xa pwok nquiyarij in rmalariꞌ congana xquixquekꞌol, xtiquibij buen tak tzij chewe ja nquiwasbej ja pwok chewe. Pro ja Dios ojer cꞌo jun juicio rchominto quixin, ejeꞌeꞌ nequilaꞌ na jun kꞌij tok xqueꞌekaj chwach ja rpokonal.

Apocalipsis 18:14

In quewaꞌ nbix na tre ja tinamit Babilonia riꞌ: —Nojel ja quiꞌlaj tak nakun jeꞌe ja kas xel acꞌuꞌx trij jariꞌ mchita camic. Nojel ja buen tak nakun ja xatquicot kaj ruqꞌuin ayon in nojel ja nimak tak mebaꞌil ja cꞌol awqꞌuin camic mchita in ni majutij xtawil chi ta, xticheꞌx na.

Apocalipsis 18:15

Ja rajnegocio ja xecꞌayin chipan ja tinamit in xeꞌoc e biyomaꞌ rmal ejeꞌeꞌ cꞌa cꞌa nat xqueꞌepeꞌto wiꞌ tre ja tinamit rumac ja nquixbej quiꞌ chwach ja nimlaj rpokonal ja rmajon rtijic, congana chi okꞌej xtiqueban in xquebison rmal, quewaꞌ xtiquibij riꞌ: