Apocalipsis 17:5 - Tz'utujil (Ja Cꞌacꞌa Chominem)

⁵ Ja cꞌa rixok cꞌo jun biꞌaj tzꞌibtal chi rpalaj pro jariꞌ biꞌaj ma chaka ta biꞌaj, rjawaxic chi nawasaj anaꞌoj trij ja nbij. Quewaꞌ ja biꞌaj riꞌ: —Babilonia ja congana nim rukꞌij, queteꞌ ja ritzel tak ixokiꞌ, ruqꞌuin arjaꞌ winakarnakto wiꞌ ja bantajnak jeꞌe chwachꞌulew ja xa chuw chwach ja Dios. Queriꞌ nbij ja biꞌaj.

Tz'utujil NT

⁵ Ja' ixak c'ola jun bi'aj tz'ibtala chuplaj per jara' bi'aj mchek te jic bi'aj, nc'atzina nawsaj ana'oj tzrij je nbij. Cawra jbi'aj ra: —Babilonia jcongan nim ruk'ij, quete' jitzel tak ixki', ruq'uin arja' wankernak twa' jbantanak je'a chwech ruch'lew je xchuw chwech Dios. Cara' nbij jbi'aj.

Apocalipsis 17:5 Iomraidhean Croise

Filipenses 3:19

Pro ejeꞌeꞌ riꞌ winak xa nebe na chipan ja nimlaj rpokonal. Ja nyarij ja quicuerpo jariꞌ ocnak quidios. Cꞌo na nqueban ja xa qꞌuixbal rbanic pro nqueyaꞌ quekꞌij rmal, xa jaꞌ nquechꞌob ja xin rwachꞌulew.

2 Tesalonicenses 2:7

Ja ritzelal ni najin wiꞌ camic, xa ruyon ja Dios otakyon nak rbanic. Pro cꞌo jun nkꞌeto chwach ja ritzelal in niquirwariꞌ nuban pro nerilaꞌ na jun tiempo tok matukꞌet chic chwach,

Apocalipsis 1:20

Camic anin nkꞌalasaj chawach nak quibanic ja wukuꞌ chꞌumil ja xeꞌatzꞌat pa wiquikꞌaꞌ in nkꞌalasaj chawach chakajaꞌ nak rbanic ja wukuꞌ candelero ja oro ocnak. Ja wukuꞌ chꞌumil ejeꞌeꞌ riꞌ ja wukuꞌ ángel ja nechajin quixin ja wukuꞌ iglesia in ja wukuꞌ candelero xatzꞌat jariꞌ ja wukuꞌ iglesia, neꞌe ja Jesucristo chwe.

Apocalipsis 11:8

Ja cꞌa quicuerpo npuneꞌ pa bey chipan ja nimlaj tinamit ja bar camsax wiꞌ ja kajaw Jesucristo chwa cruz. Jariꞌ tinamit ncꞌambex tzij ruqꞌuin ja caꞌiꞌ tinamit Sodoma in Egipto.

Apocalipsis 14:8

In pi chic jun ja ángel quewaꞌ nbij riꞌ: —Kaji ja nimlaj tinamit Babilonia, yojtaji. Queriꞌ rbanon ja Babilonia como arjaꞌ caniꞌ jun itzel ixok xa xeruban engañar ja winak ja recꞌo nojel tak nación, puersa xuban chique chi junwiꞌ yukeꞌ wiꞌ quecꞌuꞌx, ma ruqꞌuin ta ja Dios ja katzij chi Dios in ja Dios arjaꞌ pi ryewal chiquij rmal, neꞌe.

Apocalipsis 16:19

Ja cꞌa nimlaj tinamit oxiꞌ xuban rmal ja cubarkan in ja juleꞌ chic nimak tak tinamit ja cꞌo pa tak nación jeꞌe jariꞌ be pa tokꞌulew rmal chakajaꞌ. Ja cꞌa Dios arjaꞌ xurkaj tre ja nimlaj tinamit Babilonia, janila xcꞌotsaj ryewal trij. Ja cꞌa xuban, nojel ja rpokonal ja rchomarsanto chi nutakto trij ja tinamit Babilonia puersa xutij na.

Apocalipsis 17:1

Cꞌo cꞌa jun chique ja wukuꞌ ángel ja cucꞌan ja wukuꞌ vaso, arjaꞌ xurkaj wqꞌuin in quewaꞌ xbij chwe riꞌ: —Catajoꞌ waweꞌ, anin nwajoꞌ ncꞌut chawach ja rpokonal ja nkꞌetbex tzij trij ja nimlaj itzel ixok ja tzꞌubul parwiꞌ tak yaꞌ jeꞌe pro qꞌuiy ja yaꞌ rtzꞌulben.

Apocalipsis 17:2

Jawaꞌ ritzel ixok riꞌ, ja rey ja recꞌo chwach ja rwachꞌulew ejeꞌeꞌ quibanon ja ritzelal ruqꞌuin. In chakajaꞌ arjaꞌ rbanon ja ritzelal cuqꞌuin ja winak ja recꞌo chwachꞌulew in lawuloꞌ quibanon rmal, caniꞌ vino ryaꞌon chique ekꞌabarnak rmal. Queriꞌ xbij ja ángel chwe.

Apocalipsis 17:7

Pro bix chwe rmal ja ángel: —¿Nak tre tok cꞌascꞌoꞌi natzꞌat? Anin nchꞌob chawach nak rbanic ja rixok in nak rbanic ja ritzel chicop ja rtzꞌulben ja cꞌo wukuꞌ rwiꞌ in lajuj rucꞌaꞌ. Ja camic xa awatali pro anin nchꞌob chawach.

Apocalipsis 18:2

Arjaꞌ congana nurak ruchiꞌ, quewaꞌ nbij riꞌ: —Kaji ja nimlaj tinamit Babilonia, yojtaji. Congana lawuloꞌ rbanon como ja demonio e cachbil canojel quewach ja ritzel tak espíritu e cachbil chic canojel quewach itzel tak tzꞌiquin, triꞌ neqꞌuejeꞌ chi wiꞌ pa Babilonia, ocnak quicꞌolibal.

Apocalipsis 18:21

Cꞌo cꞌa jun ángel peti, congana poder cꞌo pa rukꞌaꞌ, cꞌo jun abaj xucꞌam caniꞌ jun caꞌ pro congana nim, xuqꞌuiak pa mar in quewaꞌ xbij riꞌ: —Queriꞌ cꞌa tre chakajaꞌ ja Babilonia ja nimlaj tinamit, lawuloꞌ xtiban na tre, nkajsaxi pro chijutij, ni matiyictaj chi wiꞌ.

Apocalipsis 19:2

Como arjaꞌ nojel ja rpokonal nutakto niquirwariꞌ ja caniꞌ rbinto in ni rubey wiꞌ chakajaꞌ. Como arjaꞌ xukꞌet tzij trij ja nimlaj ixok itzel ixok. Jariꞌ ixok arjaꞌ xa xuyoj ja quicꞌaslemal ja winak waweꞌ chwachꞌulew, xa rmal ja rixok tok junwiꞌ yukeꞌ wiꞌ quecꞌuꞌx ja winak in ma ruqꞌuin ta ja Dios ja katzij chi Dios. Arjaꞌ xercamsaj ja rajsamajelaꞌ rxin ja Dios pro ja camic Dios xuyaꞌ rjil rcꞌaxel tre. Queriꞌ ja quibij.

Apocalipsis 7:3

in quewaꞌ xbij chique riꞌ: —Maxta teban camíc chwach ja rwachꞌulew nixtacꞌa pa mar in nixtacꞌa tre ta jun cheꞌ. Cꞌa tokoriꞌ neban ja tok xticojtaji sello kumal ja nkacojbej quetal ja rajsamajelaꞌ rxin ja Dios chi quipalaj, neꞌ chique.