Apocalipsis 17:3 - Tz'utujil (Ja Cꞌacꞌa Chominem)

³ Ja cꞌa ranin xinqꞌuejeꞌ chic pa rukꞌaꞌ ja rEspíritu Santo, xincꞌamarel rmal ja ángel, xokbe chipan ja lugar ja bar kas talan wiꞌ. Triꞌ xintzꞌat wiꞌ jun ixok rtzꞌulben jun itzel chicop quiak rij caniꞌ rcoloril quicꞌ. Ja cꞌa chicop cꞌo juleꞌ biꞌaj tzꞌibtal trij pro congana qꞌuiy, juleꞌ biꞌaj ja xa ofensa rcꞌamonto tre ja Dios. Wukuꞌ rwiꞌ ja chicop in lajuj rucꞌaꞌ.

Tz'utujil NT

³ Anen xenc'je' chic pruk'a' Espíritu Santo, xenc'mar ela rmal ángel y xokba chpam lwar abar tlan wa'. Tzra' xentz'et wa' jun ixak rtz'ulben jun itzel chcop quiek rij ajni' rcolor quic'. Je chcop c'ola jle' bi'aj tz'ibtala tzrij per congan q'uiy, per xruyon tzrij ja' Dios tkal wa' jawra bi'aj. Wku' rwá' ja' chcop y ljuj rc'o'.

Apocalipsis 17:3 Iomraidhean Croise

San Mateo 27:28

Quejal ja rtziak ja Jesús in cꞌo chic jun tziak quiak quecoj tre.

Hechos 8:39

Ja cꞌa tok xeꞌelto ja pa yaꞌ chaka jalal tok cꞌamarel ja Felipe rmal ja rEspíritu Santo. Ja cꞌa rachi ni ma xutzꞌat chi ta wiꞌ rwach ja Felipe pro xumaj chic jutij rubey, congana nquicoti.

2 Tesalonicenses 2:4

Arjaꞌ ntzelaj na ja Dios in ntzelaj nojel rwach ja religión chakajaꞌ in congana nuyaꞌ kaj rukꞌij ruyon. Arjaꞌ ntzꞌabeꞌ na chipan ja nimlaj templo xin Dios in nucoj riꞌ caniꞌ Dios.

Apocalipsis 1:10

Ja xinban pa jun domingo xinqꞌuejeꞌ pa rukꞌaꞌ ja rEspíritu Santo in cꞌo jun nimlaj kulaj xincꞌwaxaj can chwij caniꞌ rukul jun trompeta

Apocalipsis 12:14

Ja cꞌa rixok yataj tre ja caꞌiꞌ ruxicꞌ jun nimlaj águila utzcꞌa chi nrupupi, nanmaj chwach ja cumatz, nbe chipan ja lugar ja bar kas talan wiꞌ chi nekaj chipan ja rlugar ja bar nba̱n wiꞌ cuenta in triꞌ nba̱n wiꞌ cuenta oxiꞌ junaꞌ in nicꞌaj.

Apocalipsis 12:3

In cꞌo chi na jun retal ja winakari chilaꞌ chicaj, chaka jalal tok winakar jun nimlaj chicop, jun itzel chicop binaꞌan tre dragón, quiak rij, wukuꞌ rwiꞌ in lajuj rucꞌaꞌ. Ja jujun rwiꞌ jujun corona rcojon tre.

Apocalipsis 12:6

Ja cꞌa rixok arjaꞌ xanmaji, be chipan ja lugar ja bar kas talan wiꞌ in chipan ariꞌ lugar cꞌo jun rlugar ja rixok chomin rmal ja Dios in triꞌ nba̱n wiꞌ cuenta tre jun mil doscientos sesenta kꞌij.

Apocalipsis 17:18

Ja cꞌa rixok xatzꞌat jariꞌ tibij tzij ja nimlaj tinamit. Jariꞌ tinamit, ja rey ja recꞌo chwach rwachꞌulew ejeꞌeꞌ eꞌocnak pa rukꞌaꞌ camic. Queriꞌ xbij chwe ja ángel.

Apocalipsis 17:4

Ja cꞌa rixok arjaꞌ congana rwekon riꞌ, rcojon juleꞌ tziak morada in quiak caniꞌ rcoloril quicꞌ, in cꞌo juleꞌ chic rcojon ja congana nimak rjil caniꞌ tre oro caniꞌ tre perla in caniꞌ tre tak abaj ja banon rbanic. Ja rixok cꞌo jun vaso rcꞌan puro oro ocnak. Jariꞌ vaso nojnak chipan ja ritzelal ja rbanon ja rixok caniꞌ tre ja rbanon jeꞌe ja xa chuw chwach ja Dios in caniꞌ tre ja xa ntzꞌilor awanma rmal.

Apocalipsis 18:12

Como qꞌuiy rwach ja nquicꞌayij chipan ja tinamit caniꞌ tre oro caniꞌ tre plata caniꞌ tre juleꞌ abaj taknoꞌy ja nraproti ja banon rbanic in caniꞌ tre perla. In cꞌo buen tak tziak nquicꞌayij caniꞌ tre lino ja más na buena caniꞌ tre púrpura caniꞌ tre seda in caniꞌ tre escarlata. Nquicꞌayij cheꞌ chakajaꞌ xa nak ta chi cheꞌal ja congana quiꞌ rxulaꞌ, nquicꞌayij nojel rwach nakun jeꞌe ja marfil ocnak, nquicꞌayij cheꞌ xa nak ta chi cheꞌal ja congana nimak rjil. In cꞌo chꞌichꞌ nquicꞌayij caniꞌ tre cobre in caniꞌ tre hierro. In cꞌol abaj nquicꞌayij chakajaꞌ ja mármol neꞌxi.

Apocalipsis 18:16

—Congana nkabisoj ja nimlaj tinamit, jariꞌ tinamit caniꞌ jun ixok ja rcojon buen tak tziak ja lino ocnak in buena rcoloril caniꞌ tre púrpura in caniꞌ tre escarlata. Congana rwekon riꞌ tre oro in tre juleꞌ abaj taknoꞌy ja nraproti ja banon rbanic in tre perla chakajaꞌ.

Apocalipsis 21:10

Ja cꞌa ranin xinqꞌuejeꞌ chic pa rukꞌaꞌ ja rEspíritu Santo, xincꞌamarel rmal ja ángel parwiꞌ jun nimlaj jayuꞌ, congana nim jotol chicaj. Ja tok xokekaji triꞌ xucꞌut wiꞌ chinwach ja tinamit Jerusalén ja nimlaj tinamit xin Dios ntajini nkajto chilaꞌ chicaj, ruqꞌuin ja Dios penak wiꞌ.

Apocalipsis 4:2

Chaka maril xinqꞌuejeꞌ pa rukꞌaꞌ ja rEspíritu Santo in ja xintzꞌat cꞌo jun trono chomin chilaꞌ chicaj in cꞌo jun tzꞌubul chipan.