Apocalipsis 17:2 - Tz'utujil (Ja Cꞌacꞌa Chominem)

² Jawaꞌ ritzel ixok riꞌ, ja rey ja recꞌo chwach ja rwachꞌulew ejeꞌeꞌ quibanon ja ritzelal ruqꞌuin. In chakajaꞌ arjaꞌ rbanon ja ritzelal cuqꞌuin ja winak ja recꞌo chwachꞌulew in lawuloꞌ quibanon rmal, caniꞌ vino ryaꞌon chique ekꞌabarnak rmal. Queriꞌ xbij ja ángel chwe.

Tz'utujil NT

² Je' reyes jec'ola chwech ruch'lew arj-e' quebnon rtzilal ruq'uin jawra itzel ixak, y je' wnak jec'ola chwech ruch'lew eyojtanak rmal rtzilal jquebnon ruq'uin, ajni' ek'bernak rmal rtzilal jnuban itzel ixak. Cara' xbij ángel chwa.

Apocalipsis 17:2 Iomraidhean Croise

San Juan 2:10

in quewaꞌ xbij tre riꞌ: —Canojel ja winak ja nechomini ja nimak tak waꞌim ejeꞌeꞌ utzlaj vino ja nquecoj nabey tok nmajtaji ja waꞌim. Ja cꞌa tok qꞌuiy chic ja vino quitijon chic ja winak cꞌacꞌariꞌ nya̱ꞌ chic chique ja vino ja ma kas ta buena. Pro ja ratat camic cꞌa pa rqꞌuisbal takaꞌan xacoj ja vino ja más chi na utz. Queriꞌ xbij tre.

Apocalipsis 14:8

In pi chic jun ja ángel quewaꞌ nbij riꞌ: —Kaji ja nimlaj tinamit Babilonia, yojtaji. Queriꞌ rbanon ja Babilonia como arjaꞌ caniꞌ jun itzel ixok xa xeruban engañar ja winak ja recꞌo nojel tak nación, puersa xuban chique chi junwiꞌ yukeꞌ wiꞌ quecꞌuꞌx, ma ruqꞌuin ta ja Dios ja katzij chi Dios in ja Dios arjaꞌ pi ryewal chiquij rmal, neꞌe.

Apocalipsis 17:13

Xa jun nquechꞌob chi e lajuj, nojel ja poder in nojel ja kꞌetbaltzij ja cꞌo pa quekꞌaꞌ jariꞌ nquejach na pa rukꞌaꞌ ja ritzel chicop.

Apocalipsis 17:17

Ma chaka ta quigana tok nqueban queriꞌ, rumac chi Dios arjaꞌ nyoꞌ chique chi nbantaj cumplir cumal ja ni rchꞌobonto wiꞌ chi nbantaj na. Arjaꞌ nyoꞌ chique chi xa jun nquechꞌob in ja gobierno jeꞌe ja cꞌo pa quekꞌaꞌ nquejach na pa rukꞌaꞌ ja ritzel chicop. Queriꞌ xtuban ja Dios chique, puersa nbantaj na cumplir nojel ja bitajnak can rmal chi nbantaj na.

Apocalipsis 17:5

Ja cꞌa rixok cꞌo jun biꞌaj tzꞌibtal chi rpalaj pro jariꞌ biꞌaj ma chaka ta biꞌaj, rjawaxic chi nawasaj anaꞌoj trij ja nbij. Quewaꞌ ja biꞌaj riꞌ: —Babilonia ja congana nim rukꞌij, queteꞌ ja ritzel tak ixokiꞌ, ruqꞌuin arjaꞌ winakarnakto wiꞌ ja bantajnak jeꞌe chwachꞌulew ja xa chuw chwach ja Dios. Queriꞌ nbij ja biꞌaj.

Apocalipsis 17:8

Ja ritzel chicop xatzꞌat arjaꞌ cꞌasli ja rojer pro ja camic mchita pro ncꞌaseꞌ chi na jutij. Arjaꞌ nelto chipan ja nimlaj jul ja cꞌa cꞌa nat nekaj wiꞌ xeꞌ ulew. Ja cꞌa tok elnakto chic chipan ja jul nbe chi na chipan ja nimlaj rpokonal. Ja winak ja recꞌo chwachꞌulew kas xticꞌascꞌoꞌi xtiquetzꞌat ja ritzel chicop, nqueyaꞌ na rukꞌij. Ejeꞌeꞌ riꞌ winak ja mta quebiꞌ tzꞌibtal chipan ja libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij, jariꞌ biꞌaj tzꞌibtal chipan ja libro ja tok majaꞌn titzꞌucarsaxi ja rwachꞌulew. Ja winak ma chaka ta cꞌascꞌoꞌi xtiquetzꞌat ja chicop, rumac chi arjaꞌ cꞌasli ja rojer pro ja camic mchita pro ncꞌaseꞌ chi na jutij.

Apocalipsis 18:23

In chakajaꞌ ja luz ni mchita wiꞌ ntzijeꞌe, ja cꞌa tinamit pa kꞌekuꞌm nqꞌuejeꞌ wiꞌ chijutij. In caniꞌ tre jun alaꞌ tok ncꞌuleꞌ ruqꞌuin jun xtan kas nequicoti netzijoni pro jariꞌ ni mchita wiꞌ necꞌaxaxi chipan ja tinamit. Queriꞌ xtiban na tre ja nimlaj tinamit Babilonia quemac ja rajnegocio ja recꞌo chipan ja tinamit, ejeꞌeꞌ congana e nimak tak winak waweꞌ chwachꞌulew nquenaꞌ kaj. In chakajaꞌ ja winak ja recꞌo nojel nación ejeꞌe xeba̱n engañar pro rumac ja samaj quixin ajꞌitzaꞌ ja nbantaj chipan ja tinamit Babilonia tok xeba̱n engañar.

Apocalipsis 18:3

Queriꞌ rbanon como arjaꞌ caniꞌ jun itzel ixok xa xeruban engañar ja winak ja recꞌo nojel nación, junwiꞌ yukeꞌ wiꞌ quecꞌuꞌx rmal, ma ruqꞌuin ta ja Dios ja katzij chi Dios in ja Dios arjaꞌ pi ryewal chiquij rmal. In chakajaꞌ ja rey ja recꞌo chwach ja rwachꞌulew ejeꞌeꞌ quibanon ja ritzelal ruqꞌuin ja Babilonia. In chakajaꞌ ja raj negocio ja recꞌo chwach ja rwachꞌulew, ejeꞌeꞌ eꞌocnak biyomaꞌ rmal ja negocio queban ruqꞌuin como ja mebaꞌil ja cꞌo ruqꞌuin nabey congana nim, nojel rwach ja mebaꞌil bukul ruqꞌuin in arjaꞌ congana nuyaꞌ rukꞌij rmal.

Apocalipsis 18:9

Ja cꞌa rey ja recꞌo chwach ja rwachꞌulew ja xebanowi ja ritzelal ruqꞌuin in xerachbilaj chi xequicot kaj queyon ruqꞌuin ja rmebaꞌil ejeꞌeꞌ tok xtiquetzꞌat chi rmajon cꞌatem in congana sib neli congana okꞌej xtiqueban, janila nebison rmal.

Apocalipsis 2:22

Bien tecꞌwaxaj ja xtinban tre, xtinkajsaj chipan jun yobil in ja nebanowi ja il mac ruqꞌuin ja wi matiqueyaꞌ can ja ritzelal ja caniꞌ nucꞌut chiquewach jariꞌ nenuyaꞌ chipan jun nimlaj rpokonal chakajaꞌ.

Apocalipsis 3:10

Como ja rixix eniman ja ntzobal ja xinbij chewe chi nqꞌuejeꞌe ja repaciencia chi rcochꞌic ja npi jeꞌe chewij, anin chakajaꞌ nixnchajij na chipan ja nimlaj rpokonal ja penak chwach nojel ja rwachꞌulew. Jariꞌ nimlaj rpokonal ja xtipi na jariꞌ necꞌambajbexi ja winak ja recꞌo chwachꞌulew.

Apocalipsis 9:21

In chakajaꞌ ja winak ma xqueyaꞌ can ta ja banoj camíc in ma xqueyaꞌ can ta ja banoj tak samaj quixin ajꞌitzaꞌ in ma xqueyaꞌ can ta ja banoj il mac ja rachiꞌiꞌ cuqꞌuin ixokiꞌ in nixtacꞌa banoj alakꞌ ta queyaꞌ can ta chakajaꞌ.