Apocalipsis 16:9 - Tz'utujil (Ja Cꞌacꞌa Chominem)

⁹ Ja cꞌatan congana lawuloꞌ, xecꞌati ja winak rmal. Ja cꞌa winak ejeꞌeꞌ quemaj rbixic juleꞌ tzij ja xa ofensa rcꞌamonto tre rubiꞌ ja Dios pro jariꞌ Dios pa rukꞌaꞌ cꞌo wiꞌ nojel awaꞌ ja rpokonal riꞌ. Pro ejeꞌeꞌ ma xqueqꞌuex ta ja quinaꞌoj, ma xqueyaꞌ ta rukꞌij ja Dios.

Tz'utujil NT

⁹ Je c'ten congan lowlo' y xec'ata wnak rmal. Per je' wnak arj-e' xquemaj rbixic jle' tzij tzrij rubi' ja' Dios jxitzel nc'axaxa. Cara' xqueban mesque pruk'a' ja' Dios c'o wa' njelal jawra rpoknal jquemjon rtijic. Per arj-e' majo'n xqueq'uex ta cna'oj, majo'n xqueya' ta ruk'ij ja' Dios.

Apocalipsis 16:9 Iomraidhean Croise

San Lucas 13:3

Ma queriꞌ ta. Tzucꞌa chewe ixix chakajaꞌ wi mateqꞌuex ja renaꞌoj, wi mateyaꞌ can ja ritzelal jariꞌ camíc nesiqꞌuij chewij chakajaꞌ.

San Lucas 13:5

Ma queriꞌ ta. Tzucꞌa ixix chakajaꞌ wi mateqꞌuex ja renaꞌoj, wi mateyaꞌ can ja ritzelal jariꞌ camíc nesiqꞌuij chewij chakajaꞌ, neꞌe ja Jesús chique.

2 Corintios 12:21

Anin nxbej wiꞌ emwal como ja tok xquinekaj chic jutij ewqꞌuin maxla quewaꞌ xtuban chwe ja Dios riꞌ, maxla xa qꞌuixbal nnaꞌ chic chewach rmal ja rebanon. Maxla rjawaxic chi ninokꞌ cumal ja recꞌoli chewe ja ni cꞌo wiꞌ ja il mac queban ojer in ni cꞌa cꞌo na wiꞌ ja ritzelal ja quimajon rbanic camic caniꞌ chique ja winak ja nqueban xa nak ta ja ntzꞌilorsaj ja racꞌaslemal in chique ja rachiꞌiꞌ ja nemacun cuqꞌuin ixokiꞌ in chique ja winak ja ni majun queqꞌuix nqueban ja ritzelal chiquewach ja winak.

Apocalipsis 11:13

Ni jariꞌ hora cꞌo jun nimlaj cubarkan xuban in jun décima parte tre ja tinamit be chi tokꞌulew rmal. In e wukuꞌ mil ja xecam rmal ja cubarkan. Ja cꞌa juleꞌ chic congana quixbej quiꞌ in quemaj ryaꞌic rukꞌij ja Dios ja cꞌo chilaꞌ chicaj.

Apocalipsis 14:7

cow tzijoni in quewaꞌ nbij chique riꞌ: —Texbej ewiꞌ chwach ja Dios in teyaꞌaꞌ rukꞌij como xurwilaꞌ ja hora chi nutakto ja nimlaj juicio. Chwach Dios quixxuqueꞌ wiꞌ como arjaꞌ winakarsyon ja caj in rwachꞌulew, arjaꞌ winakarsyon ja mar in tzꞌuquel tak yaꞌ, neꞌe.

Apocalipsis 16:21

In chakajaꞌ cꞌo nimak tak sakboch pi chicaj, kajpi chiquij ja winak. Ja sakboch congana ralal, ja jujun chirwach cꞌo la jun quintal npajoni. Ja cꞌa winak quemaj rbixic juleꞌ tzij tre ja Dios ja xa ofensa rcꞌamonto tre. Queriꞌ queban rumac ja rpokonal ja quetij pa rukꞌaꞌ ja sakboch como ja rpokonal más chi na lawuloꞌ.

Apocalipsis 2:21

Anin nyaꞌon tiempo tre chi nuqꞌuex ja rnaꞌoj pro arjaꞌ ni matirajoꞌ wiꞌ nuqꞌuex, cꞌa rmajon na rbanic ja il mac cuqꞌuin ja rachiꞌiꞌ.

Apocalipsis 9:20

Ja cꞌa juleꞌ chic winak ja ma xecamsax ta rmal awaꞌ ja roxiꞌ rwach rpokonal riꞌ ejeꞌeꞌ nixtacꞌa queqꞌuex ta jutzꞌit quinaꞌoj queyaꞌ can ta ja banoj cachbal tak winak owi rachbal tak nakun. In nixtacꞌa queyaꞌ can ta ja yaꞌoj quekꞌij ja demonio in nixtacꞌa queyaꞌ can ta ja yaꞌoj quekꞌij cachbal tak winak in rachbal tak nakun ja oro ocnak owi plata owi bronce owi abaj owi cheꞌ pro como xa e cachbal xa chewiꞌ tok maquecaꞌyi nixtacꞌa nquicꞌaxaj ta ja nbix chique in nixtacꞌa nebin ta jutzꞌit.