Apocalipsis 16:8 - Tz'utujil (Ja Cꞌacꞌa Chominem)

⁸ In jun chic ángel ja vaso rcꞌan, ja cꞌo chipan jariꞌ xutix trij ja kꞌij. Ja cꞌa kꞌij yataj tre chi janila pi más rchokꞌakꞌ, lawuloꞌ xuban chique ja winak tre ja cꞌatan.

Tz'utujil NT

⁸ Jun chic ángel jcopa rc'an, jc'ola chpam xutix tzrij k'ij. Jk'ij chkajni' xba rchuk'a' y nlowlo' xuban chca wnak rmal c'ten.

Apocalipsis 16:8 Iomraidhean Croise

San Mateo 13:6

Pro ja tok xelto ja kꞌij, xcꞌatsaj in tok qꞌuiswani chakij rmal como mta más ja rcꞌamal.

San Lucas 21:25

Cꞌo jeꞌe retal ja xtiwinakar chicaj chipan ja kꞌij, chipan ja icꞌ in chique chꞌumil chakajaꞌ. Ja cꞌa chwachꞌulew ja winak ja recꞌo pa tak nación ma xticanoy chi ta cumal nak la nqueban, xa nsach quinaꞌoj rmal ja nimak tak baloj pa mar congana nteneni.

Hechos 2:20

In maticaꞌy chic ja kꞌij in ja icꞌ chakajaꞌ noqui caniꞌ quicꞌ. Nojel awaꞌ wariꞌ nbantaj na cumplir tokoriꞌ tok majaꞌn terilaꞌ ja nimlaj kꞌij xin juicio.

Apocalipsis 14:18

In cꞌo chic jun ja ángel xelto ja bar cꞌo wiꞌ ja raltar, arjaꞌ cꞌo rukꞌaꞌ tre ja kꞌakꞌ ja cꞌo parwiꞌ altar. Arjaꞌ nurak ruchiꞌ trij ja jun chic ángel ja rcꞌan ja woso ja congana is rutzaꞌm in xbij tre chi nerumol ja winak ja xtikajpi rpokonal chiquij ja nutakto ja Dios, quewaꞌ xbij tre riꞌ: —Ja woso awcꞌan tacojoꞌ chi rbanic cosechar ja uva ja cꞌo chwachꞌulew como ja uva kꞌen chic, neꞌ tre.

Apocalipsis 6:12

Ja cꞌa Carnelo xlasaj chic jun ja sello. Ja cꞌa tok lastaj rmal chaka jalal tok xintzꞌat cꞌo jun nimlaj cubarkan xuban, ja cꞌa kꞌij xoc kꞌekuꞌm caniꞌ jun tziak xucoj banbal bis, ja cꞌa icꞌ xoqui caniꞌ quicꞌ pro ni chi jun.

Apocalipsis 7:16

Mchita waꞌal mchita chakichiꞌ xtiquetij, mchita rwakꞌij xtiquetij chi ta pokon pa rukꞌaꞌ nixtacꞌa cꞌatan chi ta xtiquenaꞌ.

Apocalipsis 8:12

Jun chic ángel xulaj ja rtrompeta. Ja cꞌa tok xultaj rmal cꞌoli xuban ja kꞌij rmal como yojtaji ja tercera parte rmal. In queriꞌ tre icꞌ in chique chꞌumil chakajaꞌ yojtaji ja tercera parte rmal. Ja kꞌij, icꞌ in chꞌumil yojtaji ja quechꞌaꞌ in ma xchꞌaꞌan chi ta ja tercera parte rmal. Ja pa kꞌij in ja chakꞌaꞌ ma xchꞌaꞌan chi ta ja tercera parte rxin ja kꞌij nixtacꞌa ja tercera parte quixin ja chꞌumil in icꞌ.

Apocalipsis 9:2

Xujak ruchiꞌ ja jul in xelto juleꞌ sib chipan caniꞌ sib ja nel chipan jun nimlaj horno. Ja kꞌij matitzꞌat chic rmal in ni majun chic ja cꞌo chicaj xtatzꞌat chi ta rmal.