Apocalipsis 16:2 - Tz'utujil (Ja Cꞌacꞌa Chominem)

² Be ja nabey ángel, xertixaꞌ chwach ja rwachꞌulew ja vaso ja cꞌo ryewal Dios chipan. Ja cꞌa winak ja cojon retal ja ritzel chicop chique ja nexuqueꞌ chwach ja rachbal ejeꞌeꞌ winakar juleꞌ itzel tak chꞌaꞌc chiquij, congana ruquiy.

Tz'utujil NT

² Xba nabey ángel, xeretxa' chwech ruch'lew jcopa jc'ola ryiwal Dios chpam. Je' wnak je y-on rital itzel chcop chca y nquexque'a chwech rechbal, arj-e' xwankera jle' itzel tak ch'a'c chquij jcongan ruquiy.

Apocalipsis 16:2 Iomraidhean Croise

Hechos 12:23

Chaka jalal tok pi jun ángel rxin ja kajaw Dios, xucoj jun yobil tre ja Herodes como ja Herodes arjaꞌ xuyaꞌ lugar chique ja winak chi nqueyaꞌ rukꞌij, ma rukꞌij ta ja Dios xuyaꞌ. Ja cꞌa yobil xoc tre ja Herodes quewaꞌ rbanic riꞌ, ecꞌo juleꞌ jut xetijo rxin in cam cumal ja jut.

Apocalipsis 13:12

Jawaꞌ chicop riꞌ congana nim ja kꞌetbaltzij jach pa rukꞌaꞌ rmal ja jun chic itzel chicop in ni chwach tok nucoj ja rautoridad. Nojel ja kꞌetbaltzij ja cꞌo pa rukꞌaꞌ ja jun chic itzel chicop yaꞌ lugar trewaꞌ ja jun chicop riꞌ chi nucoj. Arjaꞌ puersa nuban chique canojel ja winak ja recꞌo chwachꞌulew chi nexuqueꞌ chwach ja jun chic itzel chicop ja cꞌo jun soctajic xkajbej ja rcꞌamonto camíc tre pro tzuri, ma xcam ta.

Apocalipsis 14:16

In queriꞌ xuban ja tzꞌubul parwiꞌ sutzꞌ, arjaꞌ xumaj rcojic ja woso chwachꞌulew in ja cosecha rxin ja rwachꞌulew mol ruchiꞌ.

Apocalipsis 14:9

In pi chic jun ja ángel, cow tzijoni in quewaꞌ nbij riꞌ: —Xa nak ta ja nexuqueꞌ chwach ja ritzel chicop in chwach ja rachbal in wi nqueyaꞌ lugar tre chi nco̱j quetal chi quipalaj owi chi quekꞌaꞌ,

Apocalipsis 16:1

In cꞌo jun kulaj xincꞌwaxaj congana nim, penak chipan ja santilaj lugar in quewaꞌ xbij chique ja wukuꞌ ángel riꞌ: —Jix, tecꞌamaꞌel ja wukuꞌ vaso ewcꞌan ja nojnak ryewal Dios chipan, jetixaꞌ chwach ja rwachꞌulew.

Apocalipsis 16:11

Quemaj rbixic juleꞌ tzij tre ja Dios ja xa ofensa rcꞌamonto tre, queriꞌ queban rumac ja rpokonal ja quimajon rtijic in rumac ja ritzel tak chꞌaꞌc ja cꞌo chiquij. Pro ni ma xqueyaꞌ can ta wiꞌ ja ritzelal ja quimajon rbanic.

Apocalipsis 8:7

Ja nabey ángel xulaj ja rtrompeta. Ja cꞌa tok xultaj rmal cꞌo juleꞌ sakboch rachbil kꞌakꞌ ryujun riꞌ ruqꞌuin juleꞌ quicꞌ jariꞌ tixi chwach ja rwachꞌulew, ja cheꞌ ja cꞌo chwachꞌulew cꞌati ja tercera parte rmal, ja cꞌa rax tak kꞌayis jariꞌ cꞌati nojelal.