Apocalipsis 16:14 - Tz'utujil (Ja Cꞌacꞌa Chominem)

¹⁴ E itzel tak espíritu como ejeꞌeꞌ e espíritu quixin demonio. Ejeꞌeꞌ cꞌo juleꞌ milagro nqueban, nebe cuqꞌuin canojel ja rey ja recꞌo chwachꞌulew neꞌequimoloꞌ. Queriꞌ nqueban utzcꞌa chi ja rey nqueban ja nimlaj chꞌaꞌoj ja xtibani ja tok xterilaꞌ ja nimlaj kꞌij rxin ja Dios, jariꞌ Dios ja ni majun poder ja maquita cꞌo pa rukꞌaꞌ.

Tz'utujil NT

¹⁴ Xe e itzel tak espíritu com arj-e' e espíritu cxin demonio. Arj-e' c'ola jle' milagro nqueban, nqueba cuq'uin je' reyes jec'ola chwech njelal ruch'lew che nque'equemlo'. Cara' nqueban ch-utz c'ara' j-e' reyes nqueban jnimlaj ch'oj je xtba'na tak xterla' nimlaj k'ij rxin Dios, jara' Dios je nmajo'n poder mquita c'ola pruk'a'.

Apocalipsis 16:14 Iomraidhean Croise

San Mateo 24:14

Ja cꞌa utzlaj tzij ja ncꞌamonto tre ja gobierno xin chilaꞌ chicaj jariꞌ nel na rbixic nojel nat nakaj, nojel rwachꞌulew nekaj wiꞌ. Nojel nekaj wiꞌ rbixic utzcꞌa chi nquicꞌaxaj ja winak ja recꞌo nojel tak nación. Cꞌa tokocꞌariꞌ xtipeti ja qꞌuisbal rwachꞌulew.

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

Marcos 13:22

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Lucas 2:1

Jariꞌ tiempo cꞌo jun censo bani. Cꞌo jun nimlaj rey triꞌ, César Augusto rubiꞌ, arjaꞌ xuyaꞌ jun orden chi nba̱n censo chique ja winak ja recꞌo pa tak nación pro ni canojelal.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

Romanos 1:8

Camic wachꞌalal nwajoꞌ nbij chewe nabey chi congana nmaltioxij tre ja nDios emwal pro nij ewanojelal. Pa rubiꞌ ja Jesucristo nmaltioxij tre rumac ja bien notakixi nat nakaj nojel chwach ja rwachꞌulew chi ixix ruqꞌuin ja Jesucristo yukul wiꞌ ecꞌuꞌx.

2 Tesalonicenses 2:9

Ja tok xtipeti ja rachi Satanás cꞌayon rxin, congana kꞌaxnak chi na rchokꞌakꞌ in congana milagro nerbanbej engañar ja winak.

1 Timoteo 4:1

Pro ni kꞌalaj wiꞌ ja nbij ja rEspíritu Santo chi nerilaꞌ na jun tiempo ja tok ecꞌoli ja nqueyaꞌ can ja utzlaj tijonem xin Jesucristo. Ejeꞌeꞌ neba̱n na engañar cumal ja ritzel tak espíritu in nquinimaj juleꞌ itzel tak tijonem quixin demonio.

Santiago 3:15

Ja wi queriꞌ emajon rbanic in wi nbix chewe chi jakal ewiꞌ jariꞌ ma ruqꞌuin ta Dios penak wiꞌ ja nbix chewe chi jakal ewiꞌ, xa xin rwachꞌulew, xa quixin winak, xa ruqꞌuin diablo penak wiꞌ.

1 Juan 5:19

Kotak chakajaꞌ chi ajoj okcꞌo pa rcuenta ja Dios pro ja juleꞌ chic winak ja recꞌo chwachꞌulew xa pa rukꞌaꞌ ja diablo ecꞌo wiꞌ.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.

Apocalipsis 13:3

Ja cꞌa ritzel chicop, ja wukuꞌ rwiꞌ cꞌo jun tre ja rwiꞌ soctajnak, ja xintzꞌat anin rcꞌamonto camíc tre. Pro jariꞌ soctajic tzuri. Ja cꞌa winak congana cꞌascꞌoꞌi quetzꞌat pro ni canojelal in xetreꞌel trij.

Apocalipsis 16:16

In xerumol ja rey chipan jun lugar binaꞌan tre Armagedón, jariꞌ rubiꞌ nbix tre chipan ja tzobal hebreo.

Apocalipsis 16:7

In cꞌo chic jun kulaj xincꞌwaxaj, ni triꞌ nelto wiꞌ ja bar cꞌo wiꞌ ja raltar, quewaꞌ nbij riꞌ: —Queriꞌ wajaw Dios, atat at jun Dios ja ni majun poder ja maquita cꞌo pan akꞌaꞌ, nojel ja rpokonal natakto niquirwariꞌ ja caniꞌ abinto in ni rubey wiꞌ chakajaꞌ, neꞌe.

Apocalipsis 17:14

Ejeꞌeꞌ nechꞌojin na ruqꞌuin ja Carnelo pro ja cꞌa Carnelo arjaꞌ nchꞌocmaji. Nchꞌocmaji como arjaꞌ ocnak Jefe quixin nimak tak jefe, arjaꞌ ocnak Rey quixin nimak tak rey. Ja cꞌa rachbil ejeꞌeꞌ esiqꞌuin echaꞌon rmal ja Dios in ni yukul wiꞌ quecꞌuꞌx ruqꞌuin. Queriꞌ xbij ja ángel chwe.

Apocalipsis 20:8

Arjaꞌ nelto chi neꞌerbanaꞌ engañar ja winak ja recꞌo pa tak nación nojel nat nakaj tre ja rwachꞌulew. Jariꞌ nación jeꞌe Gog in Magog nokcheꞌ tre. Ja cꞌa Satanás arjaꞌ nerumol chi nqueban jun nimlaj chꞌaꞌoj in congana e qꞌuiy ja nerumol, congana cꞌayew chi neꞌaltaji caniꞌ tre ja raxasnayiꞌ ja cꞌo chiꞌ tak mar congana cꞌayew chi naltaji.

Apocalipsis 3:10

Como ja rixix eniman ja ntzobal ja xinbij chewe chi nqꞌuejeꞌe ja repaciencia chi rcochꞌic ja npi jeꞌe chewij, anin chakajaꞌ nixnchajij na chipan ja nimlaj rpokonal ja penak chwach nojel ja rwachꞌulew. Jariꞌ nimlaj rpokonal ja xtipi na jariꞌ necꞌambajbexi ja winak ja recꞌo chwachꞌulew.

Apocalipsis 6:17

Como ja camic xurwilaꞌ ja nimlaj kꞌij rxin ja ryewal in ni majun nak ta xticowin ta xtipeꞌe ta chwach, xecheꞌe.