Apocalipsis 16:10 - Tz'utujil (Ja Cꞌacꞌa Chominem)

¹⁰ In jun chic ángel ja vaso rcꞌan, ja cꞌo chipan jariꞌ xutix trij ja trono rxin ja ritzel chicop. Xoc pa kꞌekuꞌm nojel ja gobierno jeꞌe ja cꞌo pa rukꞌaꞌ ja ritzel chicop. Ja cꞌa winak ejeꞌeꞌ quicachꞌachꞌej cakꞌ rmal ja congana lawuloꞌ quibanon.

Tz'utujil NT

¹⁰ Jun chic ángel jcopa rc'an, jc'ola chpam xutix tzrij retrono jitzel chcop. Xoca pk'ejku'm njelal gobierno jc'ola pruk'a' itzel chcop. Je' wnak xeccach'ch'ej cak' rmal jcongan lowlo' quebnon.

Apocalipsis 16:10 Iomraidhean Croise

San Mateo 13:42

Ja cꞌa tok nechaptaj cumal nequichꞌakijel chipan jun nimlaj kꞌakꞌ. Ja cꞌa winak janila chi okꞌej xtiqueban chipan ariꞌ lugar in xtiquicachꞌachꞌej cakꞌ.

San Mateo 13:50

in nequichꞌakijel chipan ja nimlaj kꞌakꞌ. Ja cꞌa winak janila chi okꞌej xtiqueban chipan ariꞌ lugar in xtiquicachꞌachꞌej cakꞌ, neꞌe ja Jesús chique ja rdiscípulo.

San Mateo 22:13

Ja cꞌa rey arjaꞌ xbij chique ja neꞌilin quixin ja rinvitados: —Techapaꞌ ja rachi leꞌ, teximaꞌ rukꞌaꞌ rkan in teqꞌuiakaꞌ chipan ja nimlaj kꞌekumal. Ja xquebe chipan ariꞌ lugar janila chi okꞌej xtiqueban in xtiquicachꞌachꞌej cakꞌ, neꞌ chique.

San Mateo 24:51

Ja cꞌa rajsamajel janila jun nimlaj rpokonal xtutij pa rukꞌaꞌ ja rpatrón in nta̱kel rmal chipan ja lugar ja bar ecꞌo wiꞌ ja winak ja xa cacaꞌ quipalaj. Ja cꞌa winak janila chi okꞌej xtiqueban chipan ariꞌ lugar in xtiquicachꞌachꞌej cakꞌ.

San Mateo 8:12

Pro ja cꞌa ralcꞌwalaxelaꞌ ja tzujux chique ja gobierno xin chilaꞌ chicaj nabey ejeꞌeꞌ xa neqꞌuia̱kel chipan ja nimlaj kꞌekumal. Ja cꞌa winak janila chi okꞌej xtiqueban chipan ariꞌ lugar in xtiquicachꞌachꞌej cakꞌ. Queriꞌ xbij ja Jesús chique ja winak ja retran trij.

San Lucas 13:28

Tokocꞌariꞌ tok xtetzꞌat ja rAbraham chi arjaꞌ cꞌo chipan ja gobierno xin Dios e rachbil ja rIsaac in Jacob e rachbil chakajaꞌ canojel ja rojer tak profeta xin Dios pro ja cꞌa rixix ma xtiyataj ta chewe chi nixoc ta chiquicojol. Rmalcꞌariꞌ ja tok xtemaj jun nimlaj bis okꞌej in xtecachꞌachꞌej ewakꞌ rmal.

1 Pedro 2:17

Queꞌebanaꞌ respetar ja winak canojelal. Queꞌewajoꞌ ja kachꞌalal. Texbej ewiꞌ chwach ja Dios. Tebanaꞌ respetar ja nimlaj rey.

Apocalipsis 11:10

Ja recꞌo chwachꞌulew ejeꞌeꞌ congana nequicoti rmal ja xecamsaxi ja caꞌiꞌ testigo, nqueban nmakꞌij rmal in nqueyaꞌ regalo chibil tak quiꞌ. Queriꞌ xtiqueban como ja caꞌiꞌ profeta congana pokon quibanon chique ja recꞌo chwachꞌulew.

Apocalipsis 11:2

Pro ja rwajay ja cꞌo chwach ja templo jariꞌ ma tawetaj ta como jariꞌ jachon pa quekꞌaꞌ ja ma e aj Israel ta in ja rejeꞌeꞌ cuarentidós icꞌ neqꞌuejeꞌ chwach ja santilaj tinamit xin Dios in nquepakꞌ chi cakan.

Apocalipsis 11:8

Ja cꞌa quicuerpo npuneꞌ pa bey chipan ja nimlaj tinamit ja bar camsax wiꞌ ja kajaw Jesucristo chwa cruz. Jariꞌ tinamit ncꞌambex tzij ruqꞌuin ja caꞌiꞌ tinamit Sodoma in Egipto.

Apocalipsis 17:17

Ma chaka ta quigana tok nqueban queriꞌ, rumac chi Dios arjaꞌ nyoꞌ chique chi nbantaj cumplir cumal ja ni rchꞌobonto wiꞌ chi nbantaj na. Arjaꞌ nyoꞌ chique chi xa jun nquechꞌob in ja gobierno jeꞌe ja cꞌo pa quekꞌaꞌ nquejach na pa rukꞌaꞌ ja ritzel chicop. Queriꞌ xtuban ja Dios chique, puersa nbantaj na cumplir nojel ja bitajnak can rmal chi nbantaj na.

Apocalipsis 17:9

Ja xtinbij chic chawe riꞌ rjawaxic chi nawasaj anaꞌoj trij. Ja wukuꞌ rwiꞌ ja chicop jariꞌ wukuꞌ jayuꞌ ja tzꞌulben rmal ja rixok.

Apocalipsis 18:2

Arjaꞌ congana nurak ruchiꞌ, quewaꞌ nbij riꞌ: —Kaji ja nimlaj tinamit Babilonia, yojtaji. Congana lawuloꞌ rbanon como ja demonio e cachbil canojel quewach ja ritzel tak espíritu e cachbil chic canojel quewach itzel tak tzꞌiquin, triꞌ neqꞌuejeꞌ chi wiꞌ pa Babilonia, ocnak quicꞌolibal.

Apocalipsis 18:21

Cꞌo cꞌa jun ángel peti, congana poder cꞌo pa rukꞌaꞌ, cꞌo jun abaj xucꞌam caniꞌ jun caꞌ pro congana nim, xuqꞌuiak pa mar in quewaꞌ xbij riꞌ: —Queriꞌ cꞌa tre chakajaꞌ ja Babilonia ja nimlaj tinamit, lawuloꞌ xtiban na tre, nkajsaxi pro chijutij, ni matiyictaj chi wiꞌ.

Apocalipsis 18:23

In chakajaꞌ ja luz ni mchita wiꞌ ntzijeꞌe, ja cꞌa tinamit pa kꞌekuꞌm nqꞌuejeꞌ wiꞌ chijutij. In caniꞌ tre jun alaꞌ tok ncꞌuleꞌ ruqꞌuin jun xtan kas nequicoti netzijoni pro jariꞌ ni mchita wiꞌ necꞌaxaxi chipan ja tinamit. Queriꞌ xtiban na tre ja nimlaj tinamit Babilonia quemac ja rajnegocio ja recꞌo chipan ja tinamit, ejeꞌeꞌ congana e nimak tak winak waweꞌ chwachꞌulew nquenaꞌ kaj. In chakajaꞌ ja winak ja recꞌo nojel nación ejeꞌe xeba̱n engañar pro rumac ja samaj quixin ajꞌitzaꞌ ja nbantaj chipan ja tinamit Babilonia tok xeba̱n engañar.

Apocalipsis 8:12

Jun chic ángel xulaj ja rtrompeta. Ja cꞌa tok xultaj rmal cꞌoli xuban ja kꞌij rmal como yojtaji ja tercera parte rmal. In queriꞌ tre icꞌ in chique chꞌumil chakajaꞌ yojtaji ja tercera parte rmal. Ja kꞌij, icꞌ in chꞌumil yojtaji ja quechꞌaꞌ in ma xchꞌaꞌan chi ta ja tercera parte rmal. Ja pa kꞌij in ja chakꞌaꞌ ma xchꞌaꞌan chi ta ja tercera parte rxin ja kꞌij nixtacꞌa ja tercera parte quixin ja chꞌumil in icꞌ.

Apocalipsis 9:2

Xujak ruchiꞌ ja jul in xelto juleꞌ sib chipan caniꞌ sib ja nel chipan jun nimlaj horno. Ja kꞌij matitzꞌat chic rmal in ni majun chic ja cꞌo chicaj xtatzꞌat chi ta rmal.