Apocalipsis 14:4 - Tz'utujil (Ja Cꞌacꞌa Chominem)

⁴ Ejeꞌeꞌ riꞌ ja ma emacunnak ta cuqꞌuin ixokiꞌ como ejeꞌeꞌ chꞌajchꞌoj ja quicꞌaslemal. Ejeꞌeꞌ ja ni netreꞌ wiꞌ trij ja Carnelo xa bar ta triꞌ nbe wiꞌ. Xelokꞌi xetotaji chiquicojol ja winak, eꞌocnak e caniꞌ nabey tak cosecha ja ntzujux tre ja Dios in tre ja Carnelo.

Tz'utujil NT

⁴ J-era' jmajo'n xemajcun ta cuq'uin ixki' com arj-e' ch'ajch'oj cc'aslemal. Arj-e' netren wa' tzrij Carne'l chkabar opech nqueba wa'. Arj-e' xelo'k'a xetotaja chquecjol je' wnak y xe'oca e ajni' nabey tak csech je ntzujuxa tzra Dios y tzra Carne'l.

Apocalipsis 14:4 Iomraidhean Croise

San Mateo 19:12

Queriꞌ nbij chewe como ecꞌoli winak ja ni pa calaxic wiꞌ chi ma yatal ta chique chi necꞌuleꞌe in ecꞌo chic juleꞌ xa cꞌoli banon chique chewiꞌ tok ma yatal ta chique chi necꞌuleꞌe in ecꞌo chic juleꞌ, rumac ja samaj nqueban pa rcuenta ja gobierno xin chilaꞌ chicaj chewiꞌ tok maquecꞌuleꞌe. Ja necowini nquinimaj ja cꞌa xinbij kaj chewe riꞌ tiquinimaj, neꞌ chique.

San Mateo 25:1

Ja cꞌa chipan ariꞌ tiempo ja gobierno xin chilaꞌ chicaj queriꞌ rbanic caniꞌ queban e lajuj xtaniꞌ kꞌapojaꞌ. Ejeꞌeꞌ como cꞌo jun cꞌulbic nbani quecꞌamel quicandil chiquijujunal, xebe chi rcꞌulic ja rachi ja ncꞌuleꞌe.

San Mateo 8:19

Cꞌo cꞌa jun achi arjaꞌ jun chique ja maestro ja netijon quixin ja winak tre ja ley xin Dios, xekaj ruqꞌuin ja Jesús in quewaꞌ xbij tre riꞌ: —Maestro, anin can ninbe chawij xa bar ta triꞌ natbe wiꞌ, neꞌ tre.

San Juan 10:27

Ja tak ncarnelo ejeꞌeꞌ nquicꞌaxaj ja nukul in ninquinimaj, anin nenwajoꞌ, bien wotak janiꞌ quinaꞌoj in ejeꞌeꞌ netreꞌ chwij.

San Juan 12:26

Ja winak ja neniman wxin rjawaxic chi triꞌ nekꞌax wiꞌ ja bar ninkꞌax wiꞌ anin in chakajaꞌ triꞌ neꞌeqꞌuejeꞌ wiꞌ ja bar incꞌo wiꞌ anin. Xa nak ta ja neniman wxin ejeꞌeꞌ nya̱ꞌ na quekꞌij rmal ja Nataꞌ.

San Juan 13:37

—Wajaw ¿nak tre tok ma xquincowin ta xquintreꞌ chawij camic? Anin matinpokonaj nincamsax amwal, neꞌe ja Pedro.

San Juan 8:12

Cꞌacꞌariꞌ tzijon chic jutij ja Jesús cuqꞌuin ja winak in xbij chique: —Anin ja rin luz, nenuyaꞌ pa sakil canojelal ja winak ja recꞌo chwachꞌulew. Canojel ja winak ja nyukeꞌ quecꞌuꞌx wqꞌuin ejeꞌeꞌ maqueqꞌuejeꞌ chipan ja kꞌekumal, nyataj chique ja sakil pro jun sakil ja nuyaꞌ chique ja utzlaj cꞌaslemal ja mta qꞌuisic trij. Queriꞌ xbij chique.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

1 Corintios 16:15

Anin kas nban recomendar chewe wachꞌalal chi congana ta neban respetar ja kachꞌalal Estéfanas. Bien ewotak chi arjaꞌ e rachbil ja rfamilia kas quinimaj ja Jesucristo nabey chewach ewanojel ja rixcꞌo chipan ja departamento Acaya. Bien ewotak chi ejeꞌeꞌ xajutij quimajon quitoꞌic ja kachꞌalal ja tok cꞌo rjawaxic chique.

1 Corintios 6:20

Queriꞌ nbij chewe como ja Dios arjaꞌ cꞌoli xutoj ja xixrlokꞌbej. Como ix rxin chic ja Dios rmalcꞌariꞌ nbij chewe, ja ta neban tre ja recuerpo xtoc ta yaꞌbal rukꞌij ja Dios in queriꞌ ta cꞌa neban tre ja respíritu ewxin chakajaꞌ como rxin Dios chi caꞌiꞌ.

1 Corintios 7:28

Pro ja wi natcꞌuleꞌe jariꞌ ma xajan ta in queriꞌ cꞌa tre jun xtan chakajaꞌ, ma xajan ta ja wi ncꞌuleꞌe. Xar nbij chewe, wi nixcꞌuleꞌe cꞌo jeꞌe rpokonal newil na chipan ja recꞌaslemal rmal in ja ngana anin maquita nixkꞌax chipan awaꞌ rpokonal riꞌ.

2 Corintios 11:2

Pro ja tzij ja xtinbij chewe riꞌ ma chaka ta ngana nbij chewe, rumac ja yatajnak chwe rmal ja Dios chi congana nixtiꞌon chwe, matinwajoꞌ ja junwiꞌ chi ta xtiyukeꞌ wiꞌ ecꞌuꞌx. Queriꞌ nbij chewe como anin solo tre ja Cristo xixnujach wiꞌ chi solo ruqꞌuin arjaꞌ nyukeꞌ wiꞌ ecꞌuꞌx utzcꞌa ja tok xtipi chic jutij arjaꞌ bien chꞌajchꞌoj ja rewanma nixnuban presentar chwach como caniꞌ nba̱n presentar jun kꞌapoj xtan chwach ja rchajil.

Efesios 1:14

Como cꞌo chic ja rEspíritu Santo pa tak kanma rmalcꞌariꞌ tok cꞌo kaseguro chi ja Dios nuyaꞌ na chake nojelal ja herencia ja rtzujun chake tokoriꞌ tok xkoꞌel libre chijutij ja rok tinamit xin Dios ja roklokꞌon rmal. Queriꞌ cꞌa rchominto ja Dios utzcꞌa chi nkayaꞌ rukꞌij rmal.

Efesios 5:27

Queriꞌ xuban chake utzcꞌa chi congana nuban rbanic ja kanma utzcꞌa chi kas rwekon riꞌ ja kanma ja tok xkoꞌekaj chwach pro ni bien chꞌajchꞌoj in ni majun itzelal rcꞌan. Queriꞌ nuban ja Cristo chake ja rok iglesia utzcꞌa chi ajoj nkucꞌaj ja cꞌaslemal xin Dios utzcꞌa chi ni majun nak ta nokchapbexi.

1 Timoteo 4:3

Jawaꞌ winak nquibij chi xajan natcꞌuleꞌe in nquibij chakajaꞌ chi cꞌo jeꞌe ja xajan ntiꞌi. Queriꞌ nquibij pro ja Dios arjaꞌ tzꞌucarsyon nojel chi nkatiꞌ in nrajoꞌ chi nkamaltioxij tre. Jariꞌ nrajoꞌ chake ja yukul kacꞌuꞌx ruqꞌuin ja kotak ja utzlaj tijonem xin Jesucristo.

Hebreos 12:23

e janila quimolon quiꞌ chwach ja Dios chi rbixaxic rubiꞌ, janila quicotemal nbani. In chakajaꞌ ixcꞌo cꞌa chiquewach ja ralcꞌwalaxelaꞌ rxin Dios ja bar quimolon wiꞌ quiꞌ, ejeꞌeꞌ tzꞌibtal chic quebiꞌ chilaꞌ chicaj. Ixcꞌo cꞌa chwach ja Dios arjaꞌ kꞌetol tzij pa kawiꞌ chi nimlaj kanojelal. Cꞌa triꞌ ixcꞌo wiꞌ chiquewach ja respíritu quixin ja winak ja utz netzꞌa̱t rmal ja Dios ja quiwilon chic ja totajem pro jun totajem ja ni majun ja maquita tzꞌakat tre.

Santiago 1:18

Ja xuban, xuyaꞌ chake chi kacꞌaxaj ja utzlaj tzij xin Jesucristo in rmalariꞌ xokalax chic jutij in kawil ja utzlaj cꞌaslemal. Queriꞌ xuban chi xokoc nabey tak cosecha chiquewach ja juleꞌ chic winak como nijawariꞌ rvoluntad ja rchominto.

1 Pedro 2:9

Pro ja rixix ix tinamit rxin ja Dios, ixchaꞌon rmal. Arjaꞌ xixrpartiꞌij chi neban ja rsamaj. Ix sacerdote rxin ja nimlaj Rey ja cꞌo chilaꞌ chicaj. Jariꞌ samaj yatajnak chewe utzcꞌa chi neyaꞌ rbixic ja nimlaj samaj ja rbanon ja katataꞌ Dios. Kas turkaj chewe chi arjaꞌ lasan ewxin chipan ja kꞌekumal in camic ixrcojon chic pa rcuenta arjaꞌ pa jun nimlaj sakil.

Apocalipsis 17:14

Ejeꞌeꞌ nechꞌojin na ruqꞌuin ja Carnelo pro ja cꞌa Carnelo arjaꞌ nchꞌocmaji. Nchꞌocmaji como arjaꞌ ocnak Jefe quixin nimak tak jefe, arjaꞌ ocnak Rey quixin nimak tak rey. Ja cꞌa rachbil ejeꞌeꞌ esiqꞌuin echaꞌon rmal ja Dios in ni yukul wiꞌ quecꞌuꞌx ruqꞌuin. Queriꞌ xbij ja ángel chwe.

Apocalipsis 21:22

Ja tinamit mta jun templo xintzꞌat chipan como ja kajaw Dios ja ni majun poder ja maquita cꞌo pa rukꞌaꞌ, arjaꞌ rachbil ja Carnelo ejeꞌeꞌ eꞌocnak templo rxin ja tinamit.

Apocalipsis 21:23

Ja tinamit ma rjawaxic ta kꞌij tre nixtacꞌa icꞌ ta chakajaꞌ xtiyoꞌ ta rxin pa sakil como ja ruchꞌaꞌ Dios jariꞌ nyoꞌ rxin pa sakil in ja Carnelo arjaꞌ ocnak luz rxin.

Apocalipsis 3:4

Pro cꞌa ecꞌo na jujun chewe ja rixcꞌo pa Sardis cꞌa chꞌajchꞌoj na ja quicꞌaslemal, ma quitzꞌilon ta ja quitziak. Ejeꞌeꞌ nyataj na chique chi nincachbilaj, sak quitziak quicojon etran chwij como jariꞌ ni yatal wiꞌ chique chi queriꞌ nqueban.

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.