Apocalipsis 14:11 - Tz'utujil (Ja Cꞌacꞌa Chominem)

¹¹ Congana sib neli chipan ja lugar ja bar nquetij wiꞌ rpokonal. Ja cꞌa sib njoteꞌe njoteꞌe, ni mta wiꞌ qꞌuisic trij. Nixtacꞌa nexulaꞌn ta jutzꞌit, chi pa kꞌij chi chakꞌaꞌ nij ecꞌo wiꞌ chipan ja rpokonal. Queriꞌ cꞌa nba̱n chique ja winak ja nexuqueꞌ chwach ja ritzel chicop in chwach ja rachbal chakajaꞌ in chique canojel xa nak ta ja neyoꞌ lugar tre chi nco̱j chique ja retal rubiꞌ ja ritzel chicop.

Tz'utujil NT

¹¹ Congan seb nela chpam lwar abar nquetaj wa' lowlo'. Jseb nojte'a y nojte'a rxin junlic chpam je' tiemp rxin je' tiemp. Nmajo'n nquexle'n ta jtz'it, che pk'ij chak'a' ne ec'o wa' chpam lowlo'. Cara' c'a nba'na chca wnak je nquexque'a chwech itzel chcop y chwech rechbal chka', cara' nba'na chca conjelal je nqueya' c'as tzra che nya'a rital rubi' ja' itzel chcop chca.

Apocalipsis 14:11 Iomraidhean Croise

San Mateo 11:28

Ewanojel ja congana nixel cꞌay chi rbanic cumplir ja rereligión ja wi caniꞌ cosnak chic ja rewíꞌ ewanma chuxeꞌ jun nimlaj ijkaꞌm nenaꞌ kaj, ja wi queriꞌ ebanon mejor ja neban, quixajoꞌ in tiyukeꞌ ecꞌuꞌx wqꞌuin. Ja wi nyukeꞌ ecꞌuꞌx wqꞌuin, anin nyaꞌ chewe chi nxulaꞌni ja rewíꞌ ewanma.

San Mateo 25:41

Ja cꞌa recꞌo pa rxcon quewaꞌ xtibij chique riꞌ: —Ixix ja xa itzel ixtzꞌaton rmal ja Dios quixel chinwach, camic nixbe chipan ja kꞌakꞌ ja mta qꞌuisic trij, jariꞌ kꞌakꞌ xa rmal ja diablo tok chomin chi nta̱kel arjaꞌ chipan e rachbil ja ángel rxin.

San Mateo 25:46

Ejeꞌeꞌ riꞌ nebe na chipan ja nimlaj rpokonal ja mta qꞌuisic trij pro ja utz netzꞌa̱t rmal ja Dios ejeꞌeꞌ nebe na chipan ja utzlaj cꞌaslemal ja mta qꞌuisic trij. Queriꞌ xbij ja Jesús chique ja rdiscípulo.

Hebreos 1:8

Pro ja Ralcꞌwalaxel quewaꞌ tzꞌibtal can tre riꞌ: —Atat at Dios, atat at Rey in ja gobierno awxin atat jariꞌ ni mta wiꞌ qꞌuisic trij. Utz cucꞌaxic naban ja recꞌo pan akꞌaꞌ.

Apocalipsis 11:15

Jun chic ángel xulaj ja rtrompeta. Ja cꞌa tok xultaj rmal cꞌo juleꞌ nimak tak kulaj cꞌaxaxi chilaꞌ chicaj, quewaꞌ nbij riꞌ: —Ja gobierno jeꞌe ja cꞌo chwachꞌulew, camic ocnak pa rukꞌaꞌ ja kajaw Dios in pa rukꞌaꞌ ja Cristo ja rchaꞌon. Camic arjaꞌ nbano mandar como Rey in ni nuban wiꞌ mandar camic, chwak in chijutij, neꞌe.

Apocalipsis 13:12

Jawaꞌ chicop riꞌ congana nim ja kꞌetbaltzij jach pa rukꞌaꞌ rmal ja jun chic itzel chicop in ni chwach tok nucoj ja rautoridad. Nojel ja kꞌetbaltzij ja cꞌo pa rukꞌaꞌ ja jun chic itzel chicop yaꞌ lugar trewaꞌ ja jun chicop riꞌ chi nucoj. Arjaꞌ puersa nuban chique canojel ja winak ja recꞌo chwachꞌulew chi nexuqueꞌ chwach ja jun chic itzel chicop ja cꞌo jun soctajic xkajbej ja rcꞌamonto camíc tre pro tzuri, ma xcam ta.

Apocalipsis 13:15

In yataj tre chi cowini xuyaꞌ rxulanbal ja rachbal ja jun chic itzel chicop in cowini ja rachbal tzijoni chi nuyaꞌ orden chi necamsaxi ja winak ja maquexuqueꞌ chwach ja rachbal ja jun chic itzel chicop.

Apocalipsis 13:17

Queriꞌ ja nbantaji, ja winak wi mta quetal cojon chique rmal ja chicop jariꞌ matiyaꞌ lugar chique chi nqueban lokꞌoninem nixtacꞌa nya̱ꞌ ta lugar chique chakajaꞌ chi nqueban cꞌayinem. Ja retal ja nco̱j chique ja winak jariꞌ ja rubiꞌ ja chicop owi ja número rxin ja rubiꞌ.

Apocalipsis 14:9

In pi chic jun ja ángel, cow tzijoni in quewaꞌ nbij riꞌ: —Xa nak ta ja nexuqueꞌ chwach ja ritzel chicop in chwach ja rachbal in wi nqueyaꞌ lugar tre chi nco̱j quetal chi quipalaj owi chi quekꞌaꞌ,

Apocalipsis 18:18

in tok quetzꞌat ja tinamit rmajon cꞌatem in congana sib neli quewaꞌ quibij riꞌ: —¿Bar cꞌa nkajunsaj wiꞌ ja nimlaj tinamit ja ban tre leꞌ? xecheꞌe.

Apocalipsis 18:9

Ja cꞌa rey ja recꞌo chwach ja rwachꞌulew ja xebanowi ja ritzelal ruqꞌuin in xerachbilaj chi xequicot kaj queyon ruqꞌuin ja rmebaꞌil ejeꞌeꞌ tok xtiquetzꞌat chi rmajon cꞌatem in congana sib neli congana okꞌej xtiqueban, janila nebison rmal.

Apocalipsis 19:3

In cꞌa cꞌo na más ja quibij quewariꞌ: —Aleluya. Ja sib neli chipan ja tinamit njoteꞌe njoteꞌe, ni mta wiꞌ qꞌuisic trij, xecheꞌe.

Apocalipsis 20:10

Ja cꞌa Diablo ja bano engañar quixin arjaꞌ qꞌuiakel chipan ja nimlaj lugar ja cꞌoli nojnak chipan caniꞌ kꞌol in rmajon cꞌatem. Triꞌ qꞌuiakel wiꞌ ja bar ecꞌo chi wiꞌ ja ritzel chicop rachbil ja profeta ja ma katzij ta chi profeta. Triꞌ nba̱n wiꞌ pokon chique chi pa kꞌij chi chakꞌaꞌ, chijutij nebe chipan ja rpokonal, ni maqueꞌel wiꞌ chipan.

Apocalipsis 22:5

Chipan ariꞌ tiempo mchita akꞌaꞌ noqui, maticꞌatzin chic lámpara chique nixtacꞌa kꞌij ta chakajaꞌ como ja kajaw Dios arjaꞌ nchꞌaꞌani neruyaꞌ pa sakil, ja cꞌa rejeꞌeꞌ neꞌoqui como rey pro ni chijutij.

Apocalipsis 7:12

in quewaꞌ quibij riꞌ: —Amén. Ja kaDios ni ta xtibix wiꞌ utzlaj tak tzij tre, ni ta xtiyaꞌ wiꞌ rukꞌij, ni ta xtinatax wiꞌ chi janila nim rukꞌij in janila nim ja rnaꞌoj, ni ta xtimaltioxix wiꞌ tre, ni ta xtiban wiꞌ respetar, ni ta xtinatax wiꞌ ja nimlaj poder ja cꞌo pa rukꞌaꞌ in janila nim ja rchokꞌakꞌ. Ni ta quirwariꞌ xtiban tre camic, chwak in chijutij. Amén. Queriꞌ ja quibij.