Apocalipsis 13:5 - Tz'utujil (Ja Cꞌacꞌa Chominem)

⁵ Ja cꞌa ritzel chicop yaꞌ lugar tre chi nbij juleꞌ nimak tak tzij ja nyabej rukꞌij ruyon in ja tzij nbij congana itzel ncꞌaxaxi in yaꞌ lugar tre chi cuarentidós icꞌ noc pa rukꞌaꞌ ja kꞌetbaltzij.

Tz'utujil NT

⁵ Jitzel chcop xya'a c'as tzra che nbij jle' nmak tak tzij je nyabej ruk'ij ruyon kaja ruq'uin jle' tzij xruyon trij Dios tkal wa', y nya'a c'as tzra che cuarentidos ic' noca k'atbaltzij pruk'a'.

Apocalipsis 13:5 Iomraidhean Croise

2 Tesalonicenses 2:3

Ni majun nak ta xquixbanbex ta engañar. Como ja tok majaꞌn terilaꞌ ja tiempo cꞌoli rjawaxic nbantaj na nabey. E qꞌuiy ja winak nqueyaꞌ can na ja Dios tokocꞌariꞌ nwinakari ja rachi ja rucꞌan rmal ja ritzelal ja ni yatal wiꞌ tre chi nutij na pokon chipan ja juicio.

2 Tesalonicenses 2:4

Arjaꞌ ntzelaj na ja Dios in ntzelaj nojel rwach ja religión chakajaꞌ in congana nuyaꞌ kaj rukꞌij ruyon. Arjaꞌ ntzꞌabeꞌ na chipan ja nimlaj templo xin Dios in nucoj riꞌ caniꞌ Dios.

2 Tesalonicenses 2:8

cꞌa tokocꞌariꞌ xtiyaꞌ lugar tre ja rachi ja rucꞌan rmal ja ritzelal chi npeti. Cꞌacꞌariꞌ tok xtipeti ja kajaw Jesucristo congana nim rukꞌij in nchꞌaꞌani. Arjaꞌ nkajsaj rchokꞌakꞌ ja rachi in ja rtzobal ncamsbej.

Apocalipsis 11:7

Ja caꞌiꞌ testigo tok xtitzꞌakati ja tiempo rxin ja testigoꞌil ja nqueyaꞌ ja cꞌa ritzel chicop nelto in nchꞌojin cuqꞌuin. Ja ritzel chicop jariꞌ ja nelto chipan ja lugar ja cꞌa cꞌa nat cꞌo wiꞌ xeꞌ ulew chipan ja kꞌekumal, arjaꞌ xticowin chiquij xquercamsaj.

Apocalipsis 12:14

Ja cꞌa rixok yataj tre ja caꞌiꞌ ruxicꞌ jun nimlaj águila utzcꞌa chi nrupupi, nanmaj chwach ja cumatz, nbe chipan ja lugar ja bar kas talan wiꞌ chi nekaj chipan ja rlugar ja bar nba̱n wiꞌ cuenta in triꞌ nba̱n wiꞌ cuenta oxiꞌ junaꞌ in nicꞌaj.

Apocalipsis 12:6

Ja cꞌa rixok arjaꞌ xanmaji, be chipan ja lugar ja bar kas talan wiꞌ in chipan ariꞌ lugar cꞌo jun rlugar ja rixok chomin rmal ja Dios in triꞌ nba̱n wiꞌ cuenta tre jun mil doscientos sesenta kꞌij.

Apocalipsis 13:7

In yaꞌ lugar tre chakajaꞌ chi chꞌojin cuqꞌuin ja tinamit xin Dios, yaꞌ lugar tre chi arjaꞌ cowin chiquij xercamsaj. In yataj tre chakajaꞌ chi neꞌoc pa rukꞌaꞌ canojelal ja winak xa nak ta tribu ecꞌo wiꞌ, xa nak ta tinamit ecꞌo wiꞌ, xa nak ta tzobal netzijon wiꞌ in xa nak ta nación ecꞌo wiꞌ.