Apocalipsis 13:11 - Tz'utujil (Ja Cꞌacꞌa Chominem)

¹¹ Cꞌacꞌariꞌ cꞌo chi na jun itzel chicop xintzꞌat, ntajini nelto pan ulew. Ja cꞌa chicop cꞌo caꞌiꞌ rucꞌaꞌ caniꞌ rucꞌaꞌ jun carnelo in ja ntzijoni caniꞌ ntzijon jun dragón.

Tz'utujil NT

¹¹ C'jara' c'o chna jun itzel chcop xentz'et, ntajina nel ta ptak ulew. Je chcop c'ola c-e' rc'o' ajni' rc'o' jun carne'l, per je ntzijona ajni' ntzijona jun dragón.

Apocalipsis 13:11 Iomraidhean Croise

San Mateo 7:15

Tebanaꞌ cuenta ewiꞌ chiquewach ja winak ja profeta necheꞌxi, pro ma katzij ta chi e profeta. Ejeꞌeꞌ tok neꞌekaj ewqꞌuin nquikꞌalasaj quiꞌ chewach chi majun nak ta itzel nqueban chewe, e caniꞌ tak carnelo netzꞌati pro ja pa tak canma e caniꞌ utiwaꞌ ja maxcoꞌ chi camíc nqueban.

Romanos 16:18

Ejeꞌeꞌ riꞌ winak ma ja ta ja kajaw Jesucristo nquinimaj pro xa quivoluntad ejeꞌeꞌ nqueban kaj queyon. Congana buen tak tzij nquibij, kas nekꞌoloni pro jariꞌ xa nequibanbej engañar ja kachꞌalal ja re tak sencillo.

2 Tesalonicenses 2:4

Arjaꞌ ntzelaj na ja Dios in ntzelaj nojel rwach ja religión chakajaꞌ in congana nuyaꞌ kaj rukꞌij ruyon. Arjaꞌ ntzꞌabeꞌ na chipan ja nimlaj templo xin Dios in nucoj riꞌ caniꞌ Dios.

Apocalipsis 11:7

Ja caꞌiꞌ testigo tok xtitzꞌakati ja tiempo rxin ja testigoꞌil ja nqueyaꞌ ja cꞌa ritzel chicop nelto in nchꞌojin cuqꞌuin. Ja ritzel chicop jariꞌ ja nelto chipan ja lugar ja cꞌa cꞌa nat cꞌo wiꞌ xeꞌ ulew chipan ja kꞌekumal, arjaꞌ xticowin chiquij xquercamsaj.

Apocalipsis 12:17

Ja cꞌa dragón congana pi ryewal trij ja rixok, be chi nerbanaꞌ chꞌaꞌoj cuqꞌuin ja juleꞌ chic ral ja rixok, ejeꞌeꞌ riꞌ ja nquinimaj ja mandamiento rxin ja Dios in nqueyaꞌ testigoꞌil tre ja Jesucristo.

Apocalipsis 13:1

Anin xinpeꞌe chiꞌ mar pa snayiꞌ, cꞌo chi na jun itzel chicop xintzꞌat, ntajini nelto pa mar, wukuꞌ rwiꞌ in lajuj rucꞌaꞌ. Ja jujun rucꞌaꞌ jujun corona rcꞌan. Ja jujun rwiꞌ jujun biꞌaj rcꞌan, ja cꞌa biꞌaj xa ofensa rcꞌamonto tre ja Dios.

Apocalipsis 13:17

Queriꞌ ja nbantaji, ja winak wi mta quetal cojon chique rmal ja chicop jariꞌ matiyaꞌ lugar chique chi nqueban lokꞌoninem nixtacꞌa nya̱ꞌ ta lugar chique chakajaꞌ chi nqueban cꞌayinem. Ja retal ja nco̱j chique ja winak jariꞌ ja rubiꞌ ja chicop owi ja número rxin ja rubiꞌ.

Apocalipsis 13:4

Xexuqueꞌ chwach ja dragón rumac ja nimlaj poder ja rjachon tre ja ritzel chicop. In xexuqueꞌ chwach ja ritzel chicop chakajaꞌ in quewaꞌ nquibij tre riꞌ: —Ja chicop mta bar ta triꞌ xtikajunsaj chi ta wiꞌ in majun nak ta ncowin ta trij, xecheꞌ tre.

Apocalipsis 16:13

Ecꞌo cꞌa oxiꞌ itzel tak espíritu xenutzꞌat e caniꞌ xpek. Ja neꞌelto wiꞌ ja ritzel tak espíritu, pa ruchiꞌ ja dragón, pa ruchiꞌ ja ritzel chicop in pa ruchiꞌ ja profeta neꞌxi, pro ma katzij ta chi profeta.

Apocalipsis 17:6

Ja rixok xintzꞌat arjaꞌ kꞌabarel pro ja kꞌabarsan rxin jariꞌ ja quiquiqꞌuel ja tinamit xin Dios in ja quiquiqꞌuel ja xecam rmal ja yukulbal quecꞌuꞌx ruqꞌuin ja Jesús. Ja ranin congana cꞌascꞌoꞌi xintzꞌat ja rixok.

Apocalipsis 17:8

Ja ritzel chicop xatzꞌat arjaꞌ cꞌasli ja rojer pro ja camic mchita pro ncꞌaseꞌ chi na jutij. Arjaꞌ nelto chipan ja nimlaj jul ja cꞌa cꞌa nat nekaj wiꞌ xeꞌ ulew. Ja cꞌa tok elnakto chic chipan ja jul nbe chi na chipan ja nimlaj rpokonal. Ja winak ja recꞌo chwachꞌulew kas xticꞌascꞌoꞌi xtiquetzꞌat ja ritzel chicop, nqueyaꞌ na rukꞌij. Ejeꞌeꞌ riꞌ winak ja mta quebiꞌ tzꞌibtal chipan ja libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij, jariꞌ biꞌaj tzꞌibtal chipan ja libro ja tok majaꞌn titzꞌucarsaxi ja rwachꞌulew. Ja winak ma chaka ta cꞌascꞌoꞌi xtiquetzꞌat ja chicop, rumac chi arjaꞌ cꞌasli ja rojer pro ja camic mchita pro ncꞌaseꞌ chi na jutij.