Apocalipsis 12:9 - Tz'utujil (Ja Cꞌacꞌa Chominem)

⁹ Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.

Tz'utujil NT

⁹ Ja' nimlaj dragón xch'akix ta. Jara' dragón ja ojer cmetz, y diablo nbixa tzra, y c'o chic jun rubi' chka' jara' Satanás. Arja' nebnowa engañar cxin conjelal wnak jec'ola chwech ruch'lew. Xch'akix ta chwech ruch'lew e rexbil e itzel tak ángel jec'ola ruq'uin.

Apocalipsis 12:9 Iomraidhean Croise

San Mateo 13:39

Ja ticowi ja ritzel tijcoꞌm ja rcꞌulel ja rachi jariꞌ ja diablo. Ja tiempo xin cosecha jariꞌ ja qꞌuisbal tak kꞌij ja tok xquinpi chic jutij. Ja nebanowi ja cosecha jariꞌ ja ángel.

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Mateo 25:41

Ja cꞌa recꞌo pa rxcon quewaꞌ xtibij chique riꞌ: —Ixix ja xa itzel ixtzꞌaton rmal ja Dios quixel chinwach, camic nixbe chipan ja kꞌakꞌ ja mta qꞌuisic trij, jariꞌ kꞌakꞌ xa rmal ja diablo tok chomin chi nta̱kel arjaꞌ chipan e rachbil ja ángel rxin.

San Mateo 4:1

Ja cꞌa Jesús arjaꞌ cꞌamarel rmal ja rEspíritu Santo, be chipan ja lugar ja kas talani chi ntakchiꞌix rmal ja diablo.

San Mateo 4:10

Ja cꞌa Jesús quewaꞌ xbij tre riꞌ: —Jat, catel chinwach Satanás como tzꞌibtal can chipan ja rtzobal Dios chi xa ruyon ja Dios ja rawajaw catxuqueꞌ chwach, xa ruyon arjaꞌ tayaꞌaꞌ rukꞌij, queriꞌ nbij, neꞌ tre.

San Mateo 4:5

Cꞌacꞌariꞌ ja diablo xucꞌamel chic ja Jesús, xebe chipan ja santilaj tinamit Jerusalén. Ja cꞌa tok xeꞌekaji xjotbaꞌ parwiꞌ ja nimlaj templo xin Dios

San Mateo 4:8

Ja cꞌa xuban chic ja diablo, xucꞌamel chic ja Jesús, xebe parwiꞌ jun nimlaj jayuꞌ. Ja cꞌa tok xeꞌekaji xumaj rcꞌutic chwach ja gobierno rxin nojel ja tinamit ja cꞌo chwachꞌulew in nojel ja mebaꞌil rxin

San Lucas 10:18

Ja cꞌa Jesús xbij chique: —Anin xintzꞌat ja Satanás kajsaxi, tzakto chicaj caniꞌ nuban kꞌakꞌ.

San Lucas 13:16

Ja cꞌawaꞌ jun ixok riꞌ arjaꞌ riy rumam can ja rAbraham. Ja camic tuban dieciocho junaꞌ ximtal chipan ja yobil rmal ja Satanás. ¿La ma yatal ta cꞌa tre chi nel libre pa rukꞌaꞌ ja yobil camic masqui xulaꞌnbal kꞌij nachꞌob atat? neꞌ tre ja jefe.

San Lucas 22:3

Cꞌacꞌariꞌ xoqui ja Satanás pa ranma ja Judas ja binaꞌan tre Iscariote. Ja cꞌa Judas arjaꞌ jun chique ja cablajuj discípulo rxin ja Jesús.

San Lucas 22:31

Cꞌacꞌariꞌ xumaj tzij ja kajaw Jesucristo ruqꞌuin ja Simón Pedro, quewaꞌ xbij tre riꞌ: —Simón, bien tacꞌwaxaj ja xtinbij chawe riꞌ, ja Satanás arjaꞌ ixrcꞌutun tre ja Dios in yaꞌ lugar tre chi nixqꞌuejeꞌ na jurata pa rukꞌaꞌ in nixrkajsaj na chipan jun nimlaj prueba.

San Lucas 8:12

Ja kaj pa bey jariꞌ tibij tzij chi ecꞌoli winak ja nquicꞌaxaj ja rtzobal Dios pro npeti ja diablo nlasajel ja rtzobal Dios pa tak canma utzcꞌa matiquinimaj utzcꞌa matiquewil ja totajem xin Dios.

San Juan 12:31

Camic xurwilaꞌ ja tiempo chi nkꞌalajini nak rbanic ja ritzelal ja cꞌo pa tak canma ja winak waweꞌ chwachꞌulew, xurwilaꞌ ja tiempo chi nkajsax rchokꞌakꞌ ja Satanás ja nbano mandar waweꞌ chwachꞌulew in nbatataxel.

San Juan 14:30

Xa jurata chic incꞌo checojol chi noktzijon ewqꞌuin. Queriꞌ nbij chewe como ja Satanás ja nbano mandar waweꞌ chwachꞌulew arjaꞌ xajalal majaꞌn turkaji chi ninurchapaꞌ pro arjaꞌ mta rukꞌaꞌ chwe, majun nak ta ninrchapbej.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

Hechos 26:18

utzcꞌa chi nasakirsaj quebey chiquewach. Camic e caniꞌ moyaꞌ, pa kꞌekumal ecꞌo wiꞌ pro neꞌacoj na pa sakil. Neꞌel na pa rukꞌaꞌ ja Satanás in neꞌoc chi na pa rukꞌaꞌ ja Dios. Queriꞌ naban chique utzcꞌa chi ncuytaji ja quil quemac utzcꞌa chi cꞌo jun herencia nyataj na chique chiquicojol ja winak ja rechꞌachꞌojirsan chic chipan ja quil quemac rmal ja yukulbal quecꞌuꞌx wqꞌuin. Queriꞌ xbij ja Jesús chwe.

Hechos 5:3

Ja cꞌa tok jachtaj rmal quewaꞌ bix tre rmal ja Pedro riꞌ: —Ananías, cꞌo jalal rjil ja rulew qꞌuejeꞌ can awqꞌuin. ¿Nak tre ja tok xaban queriꞌ? ¿Nak tre ja tok xayaꞌ lugar tre ja Satanás chi xoc pan awanma in xatrtakchiꞌij chi xatzꞌak tzij chwach ja rEspíritu Santo?

Romanos 16:18

Ejeꞌeꞌ riꞌ winak ma ja ta ja kajaw Jesucristo nquinimaj pro xa quivoluntad ejeꞌeꞌ nqueban kaj queyon. Congana buen tak tzij nquibij, kas nekꞌoloni pro jariꞌ xa nequibanbej engañar ja kachꞌalal ja re tak sencillo.

Romanos 16:20

Ja cꞌa Dios ja nyowi ja quicotemal arjaꞌ nkajsaj na chanim ja rchokꞌakꞌ ja Satanás in nbe ja Satanás xeꞌ ewakan. Ja camic xtiqꞌuejeꞌ ta ewqꞌuin ja rutzil ja nkacochij tre ja kajaw Jesucristo. Amén.

2 Corintios 11:14

Pro maxta kas ncꞌascꞌoꞌi tecꞌwaxaj ja cꞌa xinbij chewe riꞌ como ja Satanás arjaꞌ xa banol engaño chakajaꞌ, nucoj riꞌ como jun ángel ja nsakirsan kabey chikawach.

2 Corintios 11:3

Pro ja ranin nxbej wiꞌ, nurkaj chwe ja ban tre ja Eva ojer tok ban engañar rmal ja cumatz como ja cumatz congana listo, matzij xa queriꞌ xtiban chic chewe ixix in junwiꞌ chic xtechꞌob in ma ruyon chi ta ruqꞌuin ja Cristo xtiyukeꞌ wiꞌ ecꞌuꞌx.

2 Corintios 12:7

Como anin congana kꞌalasax jeꞌe chinwach rmal ja Jesucristo rmalcꞌariꞌ tok cꞌoli xuban ja Dios chwe utzcꞌa chi maquita kas in nim nnaꞌ kaj rmal. Ja xuban, xuyaꞌ lugar tre ja Satanás chi cꞌoli caniꞌ jun qꞌuix xutakto chi nurbanaꞌ pokon tre ja ncuerpo. Queriꞌ xuban chwe utzcꞌa chi maquita kas in nim nnaꞌ kaj.

2 Corintios 2:11

Ni rjawaxic wiꞌ chi nkacuy ja kachꞌalal utzcꞌa chi makoruchꞌec ja Satanás como ajoj bien kotak ja rnaꞌoj ja Satanás chi ni nrajoꞌ wiꞌ nokruban engañar.

2 Corintios 4:4

Matichꞌobtaj cumal como ja diablo ja rcojon riꞌ como dios waweꞌ chwachꞌulew arjaꞌ rmoyirsan ja quewiꞌ canma. Queriꞌ nuban ja diablo chique ja winak ja matiyukeꞌ quecꞌuꞌx ruqꞌuin ja Jesucristo utzcꞌa ja luz xin Dios matekaji pa tak canma. Jariꞌ luz jariꞌ ja utzlaj tzij xin Dios ja ncꞌutuwi chi janila nim rukꞌij ja Cristo. Ja cꞌa Cristo arjaꞌ ni junan quinaꞌoj ruqꞌuin ja Dios.

Efesios 4:14

Pro bien ntzꞌakat na ja kanaꞌoj utzcꞌa chi ma ok caniꞌ chi ta juleꞌ acꞌalaꞌ utzcꞌa chi ma chaka ta nojel tijonem ta nkanimaj caniꞌ tre juleꞌ tijonem ja xa quixin juleꞌ winak ja rebanol engaño, juleꞌ winak ja congana e listo in natqueyaꞌ pa jun bey ja ma xin Dios ta.

2 Tesalonicenses 2:3

Ni majun nak ta xquixbanbex ta engañar. Como ja tok majaꞌn terilaꞌ ja tiempo cꞌoli rjawaxic nbantaj na nabey. E qꞌuiy ja winak nqueyaꞌ can na ja Dios tokocꞌariꞌ nwinakari ja rachi ja rucꞌan rmal ja ritzelal ja ni yatal wiꞌ tre chi nutij na pokon chipan ja juicio.

1 Timoteo 2:14

In chakajaꞌ ma ja ta ja rAdán ja ban engañar, jaꞌ rixok ban engañar. Ja tok bantaj engañar cꞌacꞌariꞌ kaj chipan ja il mac.

2 Timoteo 3:13

Pro ja ritzel tak winak in ja banol tak engaño ejeꞌeꞌ xa janiꞌ neyojtaj más, nequeban engañar ja winak in queriꞌ chique ejeꞌeꞌ chakajaꞌ neba̱n engañar.

Hebreos 2:14

Como ja rok alcꞌwalaxelaꞌ xa junan rwach ja kaquiqꞌuel, xa junan rwach ja kachꞌacul in queriꞌ cꞌa tre ja Jesús chakajaꞌ arjaꞌ xoc kach winak, kꞌax chipan ja camíc jariꞌ xkasbej ja diablo ja yoꞌl camíc.

1 Pedro 5:8

Ja cꞌa diablo ja recꞌulel arjaꞌ ntajini ncanoj nak nuban chewe caniꞌ nuban jun cój nurak ruchiꞌ tok nercanoj ja nerutij. Rmalcꞌariꞌ tok nbij chewe, kas bien techꞌoboꞌ na ja neban in quixcꞌascꞌoti.

1 Juan 5:19

Kotak chakajaꞌ chi ajoj okcꞌo pa rcuenta ja Dios pro ja juleꞌ chic winak ja recꞌo chwachꞌulew xa pa rukꞌaꞌ ja diablo ecꞌo wiꞌ.

Judas 1:9

Pro ja lokꞌlaj ángel Miguel xnaꞌ ma queriꞌ ta ntzijon ariꞌ, xnaꞌ ma queriꞌ ta tzijon ariꞌ ja tok congana juleꞌ tzij queban ruqꞌuin ja diablo tre nak xtiban na tre ja cuerpo rxin ja camnak Moisés. Arjaꞌ ma xuban ta nim xbij ta juleꞌ itzel tak tzij tre ja diablo ja nkꞌetbex tzij trij, xa quewaꞌ xbij tre riꞌ: —Ja kajaw Dios arjaꞌ ta xtiyoꞌ rjil rcꞌaxel chawe ja ritzelal abanon, neꞌ tre.

Apocalipsis 12:12

Camic congana quiꞌil ja chilaꞌ chicaj, quixquicot cꞌa ja rixcꞌo chilaꞌ. Pro congana lawuloꞌ chewe ja rixcꞌo chwachꞌulew in ja rixcꞌo parwiꞌ mar como ja camic kajnakto ja Diablo checojol in congana yictajnak ja ryewal como arjaꞌ rotak chi xa ma jaruꞌ tiempo ta nyataj tre chi nqꞌuejeꞌ chwachꞌulew. Queriꞌ xbij ja kulaj.

Apocalipsis 12:3

In cꞌo chi na jun retal ja winakari chilaꞌ chicaj, chaka jalal tok winakar jun nimlaj chicop, jun itzel chicop binaꞌan tre dragón, quiak rij, wukuꞌ rwiꞌ in lajuj rucꞌaꞌ. Ja jujun rwiꞌ jujun corona rcojon tre.

Apocalipsis 12:7

Cꞌo cꞌa jun nimlaj chꞌaꞌoj ja bantaji chilaꞌ chicaj. Ja Miguel e rachbil ja rach tak ángel nechꞌojin ruqꞌuin ja dragón. Ja cꞌa dragón e rachbil ja ritzel tak ángel ja recꞌo ruqꞌuin ejeꞌeꞌ xechꞌojini

Apocalipsis 12:8

pro xechꞌaqui in ma xyataj chi ta lugar chique chi xeqꞌuejeꞌ chi ta chilaꞌ chicaj.

Apocalipsis 13:14

In xa neruban engañar ja winak ja recꞌo chwachꞌulew. Ja cꞌa nerbanbej engañar jariꞌ ja milagro nuban jeꞌe ja yatajnak tre chi nuban pro ni chwach ja jun chic itzel chicop tok nuban. In neruban mandar ja winak ja recꞌo chwachꞌulew chi nqueban rachbal ja jun chic itzel chicop ja soctajnak tzaꞌn espada nabey pro cꞌaseꞌe.

Apocalipsis 16:14

E itzel tak espíritu como ejeꞌeꞌ e espíritu quixin demonio. Ejeꞌeꞌ cꞌo juleꞌ milagro nqueban, nebe cuqꞌuin canojel ja rey ja recꞌo chwachꞌulew neꞌequimoloꞌ. Queriꞌ nqueban utzcꞌa chi ja rey nqueban ja nimlaj chꞌaꞌoj ja xtibani ja tok xterilaꞌ ja nimlaj kꞌij rxin ja Dios, jariꞌ Dios ja ni majun poder ja maquita cꞌo pa rukꞌaꞌ.

Apocalipsis 18:2

Arjaꞌ congana nurak ruchiꞌ, quewaꞌ nbij riꞌ: —Kaji ja nimlaj tinamit Babilonia, yojtaji. Congana lawuloꞌ rbanon como ja demonio e cachbil canojel quewach ja ritzel tak espíritu e cachbil chic canojel quewach itzel tak tzꞌiquin, triꞌ neqꞌuejeꞌ chi wiꞌ pa Babilonia, ocnak quicꞌolibal.

Apocalipsis 18:23

In chakajaꞌ ja luz ni mchita wiꞌ ntzijeꞌe, ja cꞌa tinamit pa kꞌekuꞌm nqꞌuejeꞌ wiꞌ chijutij. In caniꞌ tre jun alaꞌ tok ncꞌuleꞌ ruqꞌuin jun xtan kas nequicoti netzijoni pro jariꞌ ni mchita wiꞌ necꞌaxaxi chipan ja tinamit. Queriꞌ xtiban na tre ja nimlaj tinamit Babilonia quemac ja rajnegocio ja recꞌo chipan ja tinamit, ejeꞌeꞌ congana e nimak tak winak waweꞌ chwachꞌulew nquenaꞌ kaj. In chakajaꞌ ja winak ja recꞌo nojel nación ejeꞌe xeba̱n engañar pro rumac ja samaj quixin ajꞌitzaꞌ ja nbantaj chipan ja tinamit Babilonia tok xeba̱n engañar.

Apocalipsis 19:20

Ja cꞌa ritzel chicop arjaꞌ chapi, xoc preso rachbil ja profeta ja ma katzij ta chi profeta. Jariꞌ profeta ja xuban juleꞌ milagro chwach ja ritzel chicop ja xerbanbej engañar ja winak. Ejeꞌeꞌ riꞌ winak ja xeyoꞌ lugar tre chi coj chique ja retal ja ritzel chicop in ja xexuqueꞌ chwach ja rachbal. Ja cꞌa ritzel chicop rachbil ja profeta xechapi, ecꞌasli xeqꞌuiakel chipan ja nimlaj lugar ja cꞌoli nojnak chipan caniꞌ kꞌol in rmajon cꞌatem.

Apocalipsis 2:13

—Anin bien wotak ja rebanon in masqui triꞌ ixcꞌo wiꞌ ja bar cꞌo wiꞌ ja trono rxin ja Satanás pro ni ma ineyaꞌon can ta wiꞌ in tok bix chewe chi neyaꞌ can ja yukulbal ecꞌuꞌx wqꞌuin ni ma xeyaꞌ can ta wiꞌ. In nixtacꞌa xeyaꞌ can ta ja yukulbal ecꞌuꞌx wqꞌuin chakajaꞌ ja tok camsaxi ja rAntipas, arjaꞌ jun testigo wxin in ni ma xuyaꞌ can ta wiꞌ ja yukulbal rucꞌuꞌx wqꞌuin in camsax checojol triꞌ chipan ja lugar ja bar cꞌo wiꞌ ja Satanás.

Apocalipsis 2:24

Pro ja cꞌa chewe ixix ja ma ebanon ta ja caniꞌ quibanon ja juleꞌ chic ja recꞌo Tiatira ja ma eniman ta ja tijonem rxin ja Jezabel in ma etijon ta ewiꞌ tre ja nimak tak tijonem xin Satanás neꞌxi, quewaꞌ nbij chewe camic riꞌ, anin mchita nak chi ta jun ijkaꞌm nyaꞌ chewij.

Apocalipsis 2:9

—Anin bien wotak ja rebanon, wotak chi congana rpokonal etijon, wotak chi congana ix tak mebaꞌiꞌ pro ix biyomaꞌ chwach ja Dios rmal ja yukulbal ecꞌuꞌx ruqꞌuin. In wotak chakajaꞌ chi congana itzel tak tzij nbix chewe cumal ja winak ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj. Pro ejeꞌeꞌ xa jun molbal riꞌil rxin ja Satanás eꞌocnak wiꞌ.

Apocalipsis 20:10

Ja cꞌa Diablo ja bano engañar quixin arjaꞌ qꞌuiakel chipan ja nimlaj lugar ja cꞌoli nojnak chipan caniꞌ kꞌol in rmajon cꞌatem. Triꞌ qꞌuiakel wiꞌ ja bar ecꞌo chi wiꞌ ja ritzel chicop rachbil ja profeta ja ma katzij ta chi profeta. Triꞌ nba̱n wiꞌ pokon chique chi pa kꞌij chi chakꞌaꞌ, chijutij nebe chipan ja rpokonal, ni maqueꞌel wiꞌ chipan.

Apocalipsis 20:8

Arjaꞌ nelto chi neꞌerbanaꞌ engañar ja winak ja recꞌo pa tak nación nojel nat nakaj tre ja rwachꞌulew. Jariꞌ nación jeꞌe Gog in Magog nokcheꞌ tre. Ja cꞌa Satanás arjaꞌ nerumol chi nqueban jun nimlaj chꞌaꞌoj in congana e qꞌuiy ja nerumol, congana cꞌayew chi neꞌaltaji caniꞌ tre ja raxasnayiꞌ ja cꞌo chiꞌ tak mar congana cꞌayew chi naltaji.

Apocalipsis 3:9

Bien tecꞌwaxaj, ja winak ja xa jun molbal riꞌil xin Satanás eꞌocnak wiꞌ ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj, xa e tzꞌakol tak tzij, tetzꞌataꞌ mpeꞌ ja xtinban chique, puersa nepi na ewqꞌuin, nenkajsaj na, neꞌurjupeꞌ na chewach in ncotakij na chi anin nixwajoꞌ.

Apocalipsis 9:1

Jun chic ángel xulaj ja rtrompeta. Ja cꞌa tok xultaj rmal xintzꞌat, cꞌo jun chꞌumil tzakto chicaj, kaji cꞌa chwachꞌulew. Ja chꞌumil arjaꞌ jach jun lawe tre ja njakbej ruchiꞌ ja nimlaj jul ja cꞌa cꞌa nat nekaj wiꞌ xeꞌ ulew chipan ja nimlaj kꞌekumal.

Apocalipsis 9:20

Ja cꞌa juleꞌ chic winak ja ma xecamsax ta rmal awaꞌ ja roxiꞌ rwach rpokonal riꞌ ejeꞌeꞌ nixtacꞌa queqꞌuex ta jutzꞌit quinaꞌoj queyaꞌ can ta ja banoj cachbal tak winak owi rachbal tak nakun. In nixtacꞌa queyaꞌ can ta ja yaꞌoj quekꞌij ja demonio in nixtacꞌa queyaꞌ can ta ja yaꞌoj quekꞌij cachbal tak winak in rachbal tak nakun ja oro ocnak owi plata owi bronce owi abaj owi cheꞌ pro como xa e cachbal xa chewiꞌ tok maquecaꞌyi nixtacꞌa nquicꞌaxaj ta ja nbix chique in nixtacꞌa nebin ta jutzꞌit.