Apocalipsis 12:12 - Tz'utujil (Ja Cꞌacꞌa Chominem)

¹² Camic congana quiꞌil ja chilaꞌ chicaj, quixquicot cꞌa ja rixcꞌo chilaꞌ. Pro congana lawuloꞌ chewe ja rixcꞌo chwachꞌulew in ja rixcꞌo parwiꞌ mar como ja camic kajnakto ja Diablo checojol in congana yictajnak ja ryewal como arjaꞌ rotak chi xa ma jaruꞌ tiempo ta nyataj tre chi nqꞌuejeꞌ chwachꞌulew. Queriꞌ xbij ja kulaj.

Tz'utujil NT

¹² Camic congan quicotemal chcaj, quixquicot c'a jixc'ola tzra'. Per congan lowlo' chewa jixc'ola chwech ruch'lew y jixc'ola pe rwá' mar com camic kanak ta diablo checjol y congan yictanak ryiwal, com arja' rutkin che xmajru' ta tiemp nyataja tzra che nec'je'a chwech ruch'lew. Cara' xbij jkul.

Apocalipsis 12:12 Iomraidhean Croise

San Lucas 15:10

In queriꞌ cꞌa nbij anin chewe chakajaꞌ, jun ajꞌil ajmac tok nuqꞌuex rnaꞌoj in nuyaꞌ can ja ritzelal jariꞌ congana nequicoti ja ángel trij xin Dios. Queriꞌ xbij ja Jesús chique.

San Lucas 2:14

—Ja camic janila majtajnak chic ryaꞌic rukꞌij ja Dios chilaꞌ chicaj in ja waweꞌ chwachꞌulew cꞌo chic ja quicotemal, cꞌo chic ja rutzil xin Dios cuqꞌuin ja winak, necheꞌe.

Hebreos 10:37

Caniꞌ tzꞌibtal can chipan ja rtzobal Dios quewaꞌ nbij riꞌ: —Cꞌo jun ja npi na in ma jaruꞌ chi ta tiempo nrajoꞌ chi nurkaji, arjaꞌ npeti, matuyaꞌ tiempo tre.

2 Pedro 3:8

Chakꞌlaj wachꞌalal, ni ma temestaj ta wiꞌ ja xtinbij chewe riꞌ, jun mil junaꞌ masqui congana nim nkacꞌaxaj pro ja chwach Dios xa junan ruqꞌuin jun kꞌij.

Apocalipsis 10:6

in xuban jun juramento pa rubiꞌ ja Dios. Jariꞌ Dios ja ni mta wiꞌ camíc trij, arjaꞌ winakarsyon ja caj in nojel ja rcꞌan in arjaꞌ winakarsyon ja rwachꞌulew in nojel ja rcꞌan in arjaꞌ winakarsyon ja mar in nojel ja cꞌo chipan chakajaꞌ. Quewaꞌ ja juramento ja xuban ja ángel riꞌ: —Ja Dios arjaꞌ matuyaꞌ chic tiempo tre ja nimlaj juicio

Apocalipsis 11:10

Ja recꞌo chwachꞌulew ejeꞌeꞌ congana nequicoti rmal ja xecamsaxi ja caꞌiꞌ testigo, nqueban nmakꞌij rmal in nqueyaꞌ regalo chibil tak quiꞌ. Queriꞌ xtiqueban como ja caꞌiꞌ profeta congana pokon quibanon chique ja recꞌo chwachꞌulew.

Apocalipsis 11:14

Camic kꞌaxi ja rucab rpokonal ja ni lawuloꞌ, tatzꞌataꞌ mpeꞌ leꞌ cꞌo chi na jun penak.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.

Apocalipsis 13:6

Ja tzij ja nbij xa ofensa rcꞌamonto tre ja Dios, xa ruyon ncanoj kaj rubiꞌ pro ja rubiꞌ ja ncanoj xa ruyon Dios yatal tre chi queriꞌ nbix tre, xa ofensa rcꞌamonto tre ja rochoch Dios, xa ofensa rcꞌamonto chique ja recꞌo chilaꞌ chicaj.

Apocalipsis 18:20

Pro ja cꞌa rixix ja rixcꞌo chilaꞌ chicaj quixquicoti. Ja rix apóstol, ja rix profeta, ewanojel ja rix tinamit rxin ja Dios quixquicoti. Como ja tinamit Babilonia, Dios ryaꞌon rjil rcꞌaxel tre ja rbanon chewe, xecheꞌe.

Apocalipsis 8:13

Ja cꞌa ranin xintzꞌat, cꞌo jun ángel mero pa ncꞌaj caj nrupup wiꞌ in nurak ruchiꞌ xincꞌwaxaj, quewaꞌ nbij riꞌ: —Congana lawuloꞌ chique ja winak ja recꞌo chwachꞌulew rumac ja juleꞌ chic trompeta ja majaꞌn tixulaxi cumal ja roxiꞌ ángel como oxiꞌ rwach ja rpokonal ja xtiban chique ja ni lawuloꞌ, neꞌe.

Apocalipsis 9:12

Camic kꞌaxi ja nabey rpokonal ja ni lawuloꞌ, tatzꞌataꞌ mpeꞌ leꞌ cꞌo chi na caꞌiꞌ ja penak.