Apocalipsis 12:1 - Tz'utujil (Ja Cꞌacꞌa Chominem)

¹ Cꞌo cꞌa ja winakari chilaꞌ chicaj ja congana cꞌascꞌoꞌi xintzꞌat, cꞌo jun ixok congana ruchꞌaꞌ caniꞌ kꞌij rwekben riꞌ, ja cꞌa icꞌ ocnak rpalibal in cꞌo jun corona rcojon pa rwiꞌ rcꞌan cablajuj chꞌumil.

Tz'utujil NT

¹ Y c'ola jun nimlaj rital xwankera chcaj: c'ola jun ixak rewkon ri' tzan k'ij, ic' ocnak rpalibal y c'ola jun corona rey-on pe rwá' rc'an cbeljuj ch'umil.

Apocalipsis 12:1 Iomraidhean Croise

San Mateo 12:38

Ecꞌo cꞌa juleꞌ maestro ja netijon quixin ja winak tre ja ley xin Dios ja tzꞌibtal can rmal ja Moisés e cachbil juleꞌ fariseo, ejeꞌeꞌ quibij tre ja Jesús: —Maestro, ja nkajoꞌ ajoj chawe camic tabanaꞌ jun milagro chikawach utzcꞌa chi natkanimaj, xecheꞌ tre.

San Mateo 24:30

Cꞌacꞌariꞌ cꞌo jun retal nwinakar chicaj jariꞌ retal ja Ralcꞌwalaxel ja xoc alaxic cuqꞌuin ja winak chi xajalal majaꞌn tipi chic jutij waweꞌ chwachꞌulew. Ja cꞌa winak ja recꞌo nojel tinamit waweꞌ chwachꞌulew ejeꞌeꞌ nquemaj na jun nimlaj bis, nquetzꞌat na ja Ralcꞌwalaxel ja xoc alaxic cuqꞌuin ja winak, arjaꞌ penak cꞌamonto rmal juleꞌ sutzꞌ, janila jun nimlaj poder cꞌo chic pa rukꞌaꞌ in congana nim chic rukꞌij.

Marcos 13:25

Ja cꞌa chꞌumil jariꞌ netzakto in ja nimak tak poder rxin ja caj nsi̱l na.

San Lucas 21:11

Cꞌo nimak tak cubarkan xtibantaj na in chakajaꞌ cꞌo nimak tak rcꞌayewal xtiwinakar na pa tak lugar jeꞌe caniꞌ tre nimak tak waꞌal in nimak tak yobil. Cꞌo nimak tak retal ja xtiwinakar na chicaj ja congana nquixbej quiꞌ ja winak rmal.

San Lucas 21:25

Cꞌo jeꞌe retal ja xtiwinakar chicaj chipan ja kꞌij, chipan ja icꞌ in chique chꞌumil chakajaꞌ. Ja cꞌa chwachꞌulew ja winak ja recꞌo pa tak nación ma xticanoy chi ta cumal nak la nqueban, xa nsach quinaꞌoj rmal ja nimak tak baloj pa mar congana nteneni.

San Juan 3:29

Ja Jesús yatal trij chi nebe ja winak ruqꞌuin chi ncachbilaj. Caniꞌ tre jun alaꞌ tok ncꞌuleꞌe yatal trij chi ja rxjayil nrachbilaj. No anin xa in caniꞌ ramigo jun alaꞌ tok ncꞌuleꞌe. Pro ja ramigo paꞌloc pa rxquin ja ralaꞌ ja ncꞌuleꞌe in rmajon rcꞌaxaxic ja nbij in congana nquicoti chi rcꞌaxaxic. Queriꞌ cꞌa chwe anin camic chakajaꞌ ninquicoti, nojnak ja quicotemal pa wanma.

Hechos 2:19

In cꞌo jeꞌe nwinakarsaj na chwach ja caj ja ni majutij quitzꞌaton ta ja winak. In ja chwachꞌulew chakajaꞌ cꞌo retal jeꞌe ja nwinakarsaj na caniꞌ tre quicꞌ caniꞌ tre kꞌakꞌ in caniꞌ tre sib.

Romanos 13:14

Ja nkaban, ni ta ja wiꞌ ja rnaꞌoj ja kajaw Jesucristo xtikawekbej ta kiꞌ. Ja tok npeti ja ritzel tak naꞌoj chewe ma tenimaj ta, ma teyaꞌ ta rgana.

Romanos 3:22

Quewaꞌ rbanic ja utzlaj kꞌetoj tzij ja xuban ja Dios riꞌ, xa rumac ja yukulbal kacꞌuꞌx ruqꞌuin ja Jesucristo rmalariꞌ xokrutoꞌ in xokrwasajel libre in queriꞌ cꞌa xtuban chique canojelal ja winak ja xtiyukeꞌ quecꞌuꞌx ruqꞌuin como xa ok junan chi nimlaj kanojelal.

2 Corintios 11:2

Pro ja tzij ja xtinbij chewe riꞌ ma chaka ta ngana nbij chewe, rumac ja yatajnak chwe rmal ja Dios chi congana nixtiꞌon chwe, matinwajoꞌ ja junwiꞌ chi ta xtiyukeꞌ wiꞌ ecꞌuꞌx. Queriꞌ nbij chewe como anin solo tre ja Cristo xixnujach wiꞌ chi solo ruqꞌuin arjaꞌ nyukeꞌ wiꞌ ecꞌuꞌx utzcꞌa ja tok xtipi chic jutij arjaꞌ bien chꞌajchꞌoj ja rewanma nixnuban presentar chwach como caniꞌ nba̱n presentar jun kꞌapoj xtan chwach ja rchajil.

Gálatas 3:27

Ja tok xixban bautizar jariꞌ xa jun xeban ruqꞌuin ja Cristo, tibij cꞌa tzij ariꞌ chi Cristo ewekben chic ewiꞌ.

Gálatas 6:14

Pro anin nat cꞌo wariꞌ chwe ja xtinban ta queriꞌ. Pro ja rcamic ja kajaw Jesucristo chwach cruz solo jariꞌ ja nyaꞌ rukꞌij anin. Ja chwe anin caniꞌ ripon chic chwach cruz ja ritzelal xin rwachꞌulew in queriꞌ chwe anin chakajaꞌ in caniꞌ inripon chic chwach cruz, caniꞌ incamnak chic chwach ja ritzelal, mchita ngana ruqꞌuin.

Efesios 5:32

Jawaꞌ ja nmajon rbixic chewe riꞌ congana nim rukꞌij, xa awatali nabey pro kꞌalasan chic chikawach camic. Pro jawaꞌ wariꞌ tre Cristo nintzijon wiꞌ in tre ja riglesia.

Apocalipsis 1:20

Camic anin nkꞌalasaj chawach nak quibanic ja wukuꞌ chꞌumil ja xeꞌatzꞌat pa wiquikꞌaꞌ in nkꞌalasaj chawach chakajaꞌ nak rbanic ja wukuꞌ candelero ja oro ocnak. Ja wukuꞌ chꞌumil ejeꞌeꞌ riꞌ ja wukuꞌ ángel ja nechajin quixin ja wukuꞌ iglesia in ja wukuꞌ candelero xatzꞌat jariꞌ ja wukuꞌ iglesia, neꞌe ja Jesucristo chwe.

Apocalipsis 11:19

Cꞌacꞌariꞌ jakeꞌeꞌ ja templo xin Dios chilaꞌ chicaj in cꞌoli ja caxa tzꞌattaj chipan ja xin chominem. In congana kꞌakꞌ nuqꞌuiak riꞌ, cꞌo jeꞌe kulaj ncꞌaxaxi fuerte rukul, cꞌo juleꞌ quiakolijay xuban, xuban cubarkan in nimak tak sakboch kajto.

Apocalipsis 12:3

In cꞌo chi na jun retal ja winakari chilaꞌ chicaj, chaka jalal tok winakar jun nimlaj chicop, jun itzel chicop binaꞌan tre dragón, quiak rij, wukuꞌ rwiꞌ in lajuj rucꞌaꞌ. Ja jujun rwiꞌ jujun corona rcojon tre.

Apocalipsis 15:1

In cꞌo chic jun xintzꞌat ja cꞌo chilaꞌ chicaj ja congana cꞌascꞌoꞌi xintzꞌat. Ecꞌo wukuꞌ ángel xenutzꞌat, wukuꞌ rwach ja rpokonal cꞌo pa quekꞌaꞌ, jariꞌ ja qꞌuisbal tak rpokonal. Jawaꞌ wukuꞌ rwach rpokonal riꞌ ja tok nocꞌowi kꞌax cꞌariꞌ ja ryewal Dios, mchita, chewiꞌ ja tok nbix qꞌuisbal tak rpokonal tre.

Apocalipsis 21:14

Ja tabia ja rsutin riꞌ trij ja tinamit cꞌo cablajuj rsimientoꞌil rtzꞌulben in ja jujun rsimientoꞌil cꞌo jujun biꞌaj tzꞌibtal chwach, jariꞌ quebiꞌ ja cablajuj apóstol rxin ja Carnelo.

Apocalipsis 21:23

Ja tinamit ma rjawaxic ta kꞌij tre nixtacꞌa icꞌ ta chakajaꞌ xtiyoꞌ ta rxin pa sakil como ja ruchꞌaꞌ Dios jariꞌ nyoꞌ rxin pa sakil in ja Carnelo arjaꞌ ocnak luz rxin.